راي الشخصي
البيجو أفضل من الياريس عشان الماتور أقوي طبعاً (وأن كنت أنا مشتريهاش لا هي ولا الياريس لسبب ممكن يكون عند ناس كتير هايف بس بالنسبه ليا أساسيات لا غنى عنها هو عدم وجود مؤشر حراره في الأتنين عارف أن ناس كتير ممكن تقول ده مجنون بس أنا بقى قفلت معايا على كده)
لو هتتكلم على اللانسر البوما هقولك أيه اللي يخليك تشتري اللانسر البوما أغلى من الشارك ده برضوا كلام أنا سألت على الشارك في الرواس من 3 أيام بـ 133.000 أما البومه بـ 138.000 جنيه وقال لي هتغلى تاني وهتبقى بـ 140.000 (مع كامل أحترامي الشارك أحسن وخاصه لما بقى ماتور 1600 ) وهي في الوكيل بالحجز لمده شهر و بـ 136.000 جنيه والفئه الأعلى بـ 145.000 جنيه
أما الصني بقى فلو بتتكلم على الشكل الجديد فحرام الفلوس يبقى خليك في الشكل القديم أفضل وده ممكن تشوفوا في قسم نيسان من شكاوى ملاكها وكمان ده اللي أنا وصلتله من كلام واحد من مبيعات نيسان وواحد تاني من جوه الشركه الهندسيه المجمعه للعربيه في مصر


رأي الشخصي بالنسبه للرنج ده بيجو 301 (ده لو أنت معندكش هسهس مؤشر الحراره اللي عندي)
لو طلعت زي حالاتي بقى يبقى مفيش غير الشارك (ياباني 100%) يا أما هيونداي rb عشان تاخد اوبشنز أعلى وبالتوفيق