الموضوع: كيا بيكانتو

المشاركة الأصلية كتبت بواسطة svneleven

شكرا علي ذوقك. لونها كريمي حاجة شبه الأبيض كده لكن في رأيي أحلي كتير. كان قدامي خليجي جنط 13 و فيها كاسيت هما مركبينه و كان قدامي خليجي جنط 14 من غير كاسيت فقولت الكاسيت مقدور عليه لكن الجنط ال 14 أحسن عشان العربية خفيفة فممكن أغير مقاس الكاوتش بعد كده. ان شاء الله هشوف السماعات اللي في الباب ديه و هلف لفة علي الكاسيت. و هجرب الانذار بردو أتمني ألاقي فيه. لكن طبعا ما فيش ايموبيلايزرو لا يحزنون؟

بصره نفس لوني واللون ده جميل فيها جدا وبالنسبه ايموبيلايزر مفتاحك بالريموت شبه مفتاح الاوكتافيا لان المفروض كل الكيا الجديد فيه الخاصيه ده بيبقي المفتاح مشفر شوفه وقولي

كويس انكم فتحتوا موضوع الايموبلايزر
العربية وانا بشترى المعرض قالى كل الوكيل والخليجى فيهم ايموبلايزر
وبعدين وانا بقرا الكتالوج لقيت ان الايموبلايزر له لمبة فى التابلوة (فى عربيات مفهاش اللمبة دى) واللمبة دى مش عندى
سألت التوكيل فى صيانة الالف قالولى لو مفيش لمبة يبقى مفهاش ايموبلايزر ..... طب ازاى ياعم ده المعرض قال ... قالى كلام فى الهوا والوكيل بس اللى فيها ايموبلايزر وفى الكيا لازم يبقى فيها لمبة فى العربيات اللى فيها ايموبلايزر .... طيب نشوف بالجهاز ... يقولى اللمبة هى الدليل

وده المفتاح


عايز اعرف دى فيها ايموبلايزر ولا لأ :)) .. العربية خليجى هاى لاين

المشاركة الأصلية كتبت بواسطة eng\ahmed

كويس انكم فتحتوا موضوع الايموبلايزر
العربية وانا بشترى المعرض قالى كل الوكيل والخليجى فيهم ايموبلايزر
وبعدين وانا بقرا الكتالوج لقيت ان الايموبلايزر له لمبة فى التابلوة (فى عربيات مفهاش اللمبة دى) واللمبة دى مش عندى
سألت التوكيل فى صيانة الالف قالولى لو مفيش لمبة يبقى مفهاش ايموبلايزر ..... طب ازاى ياعم ده المعرض قال ... قالى كلام فى الهوا والوكيل بس اللى فيها ايموبلايزر وفى الكيا لازم يبقى فيها لمبة فى العربيات اللى فيها ايموبلايزر .... طيب نشوف بالجهاز ... يقولى اللمبة هى الدليل

وده المفتاح


عايز اعرف دى فيها ايموبلايزر ولا لأ :)) .. العربية خليجى هاى لاين

يبقي فيها ايموبلايزر لان سلاح المفتاح ده هو المشفر والعربيه لا تدور الا بمفتاحها الاصلي فقط

المشاركة الأصلية كتبت بواسطة khaled ayman

مفيهاش يا باشا اصل ده المفتاح بتاعى و روحت لواحد بيعمل المفاتيح دى اصلا عشان اشوف ليها شفره ولا لا ...و حطه ع الجهاز عنده و طلع مش مشفر :) المفتاح منظر فقط

يعتي غش تجاري اصلي

اخيراً و الحمدلله لقيت موضوع عن البيكانتو :d

السلام عليكم يا جماعة .. :)

انا ان شاء الله اتخذت قراري و هاجيب البيكانتو 2014 قسط ، ودي هتبقى أول عربية ليا عشان لسه متعلمة السواقة جديد .. وحاسة ان هتساعدني وتشجعني بسبب حجمها مع ان سعرها مبالغ فيه شوية .. وكنت محتارة بينها وبين السانديرو .. بس خلاص هتوكل على الله :d عشان تعبت من التفكير بصراحة .. و استبعدت خالص المستعمل .

وكنت بفكر برده في ال 301 على اساس باقي الاسرة يستخدموها .. بس حسيت نفسي هاركب سفينة و حرام لو حصلها حاجة :d

اللي مضايقني فيها شنطنتها و حاسة انها ضعيفة يعني متستحملش السفر ولا ايه ؟ .. معلش اعذروا جهلي عشان لسه مبتدئة

اهم حاجة دلوقتي مش عارفة اجيبها منين .. انا لقيت اسم كذا معرض ادامي و اكترهم بيشكروا في اوتو سمير ريان .. طيب هل التوكيل بيقسط ولا ؟؟ ياريت تفيدوني في الحكاية دي :)


وشكرا مقدماً :)

الشنطة فعلا صغيرة مش تنفع للسفر. العربية نفسها تروح شرم الشيخ و انت محملة و مشغلة التكييف. ده الاكسيل كانت معايه 1300 و عربية تقيلة كتير عن البيكانتو و كنت بروح بيها كل مكان.
سمير ريان عنده ب 92500 فيها جنط 13 سبور و 4 زجاج كهربا و شبورة و سنتر و تكييف طبعا أوتوماتيك و فيها كاسيت هما اللي مركبينه مش أصلي.
المصرية فيها نفس الكلام لكن ما فيش كاسيت و الجنط 14 مش 13. قالولي ب 95000 لكن لما تخلص فيه كلام تاني. المهم شوفت واحد معرفة خلصلي ب 92550 مش عارف هو خدمني و الا هما كانو هينزلو المبلغ ده لما أجي أخلص. المهم القسط بيبقي أغلي شوية من الكاش.