كيا بيكانتو

**D . a .\ AYMAN** · 11-02-2014 02:05 AM

موضوع رائع وجميل جدا لأي حد بيدور على معلومات عن البيكانتو الجديدة

الموضوع ده لازم يفضل قدام أو يتم تثبيته في القسم لأن فعلا الموضوعات عن البيكانتو قليلة

**ENG\AHMED** · 16-03-2014 06:56 PM

بما ان الموضوع نايم بقالو كتير
حد لاحظ لو العربية على وضع eco on التكييف بيفصل ويشتغل بمعدل اعلى

**sonybony** · 16-03-2014 09:34 PM

المشاركة الأصلية كتبت بواسطة ENG\AHMED

بما ان الموضوع نايم بقالو كتير
حد لاحظ لو العربية على وضع eco on التكييف بيفصل ويشتغل بمعدل اعلى

الصراحه انا لم الاحظ لأني انا من ساعه ما اشتريتها وانا عمله on

**ENG\AHMED** · 16-03-2014 11:20 PM

المشاركة الأصلية كتبت بواسطة sonybony

الصراحه انا لم الاحظ لأني انا من ساعه ما اشتريتها وانا عمله on

طيب هقولك على تجربة اعملها وابقى قولى وصلت لأيه
اولا تمشى والعربية eco on وطبعا مشغل التكييف وايدك اودام الهواية هتحس ان الهوا بيسقع وبعدين يهدى وبعدين يسقع ويهدة وهكذا وبمعدل عالى

ثانيا انك هتعمل من التابلوة eco off واعمل نفس التجربة اللى فوق ولاحظ الهوا هيبقى عامل ازاى

**svneleven** · 23-03-2014 06:55 PM

انا شغلت التكييف و ال eco on لكن ما حسيتش ان التكييف بيفصل أعلي من المعتاد.
كنت بحسب العربية ما فيهاش انذار لكن طلع فيها انذار زي بتاع النترا اللي هو لو حد فتح الباب أو الشنطة من غير ما تفصل الريموت تلاقي الكلاكس اشتغل. كنت هركب انذار تاني يفصل العربية خالص لكن شكلي هنفض.

**ENG\AHMED** · 23-03-2014 08:04 PM

المشاركة الأصلية كتبت بواسطة svneleven

انا شغلت التكييف و ال eco on لكن ما حسيتش ان التكييف بيفصل أعلي من المعتاد.
كنت بحسب العربية ما فيهاش انذار لكن طلع فيها انذار زي بتاع النترا اللي هو لو حد فتح الباب أو الشنطة من غير ما تفصل الريموت تلاقي الكلاكس اشتغل. كنت هركب انذار تاني يفصل العربية خالص لكن شكلي هنفض.

الفصل والتشغيل تحسه فى درجة حرارة الهوا لو حطيت ايدك اودام الهوايات والتكييف شغال
لو ركزت معاه هتحس ان الهوا بيسقع وبعدين يدفى شوية ويرجع يسقع تانى

مش عارف انا اللى مركز بزيادة ولا ايه الموضوع :)

**svneleven** · 25-03-2014 03:14 AM

كلمت التوكيل يوم السبت اللي فات عشان أحجز صيانة ال 1000 قال ايه اداني ميعاد الخميس الجاي. مش عارف هما مشغولين للدرجة ديه و الا عشان عربيتي خليجي بيتدلل عليه المهم ما كدبتش خبر و رحت مكلم م.محمد فضالي صاحب مركز توب جير لأن فيه ناس كتير شكرت فيهم و خدت ميعاد النهاردة و روحت الساعة 1 تقريبا غيرت زيت ليكوي مولي 10000 و فلتر و راجع علي السوائل و ربط عفشة. للأسف ما شفتش م. محمد لأنه كان في مشوار لكن الناس شكلهم محترم و مريحين في التعامل.
طلعت من هناك بقي علي واحد في شارع المطبعة في الهرم اسمه أوريجينال ركبت عنده كاسيت كينوود ب 650 جنيه و حساسات ركن ب 160 جنيه. حاسس أنه غالي شوية لكن الحاجات كويسة و شغله كويس. المشكلة أن الحساسات لونها أسود و العربية لونها كريمي. شكلهم خنيق.

**ENG\AHMED** · 25-03-2014 06:38 AM

التوكيل بيمثلوا مش اكتر

بمناسبة سيرة حساسات الركن , عايز حساسات زى اللى بتنزل اوريجينال اللى متبقاش بارزة من الاكصدام .. حد عارف منين؟

**sonybony** · 25-03-2014 11:49 AM

المشاركة الأصلية كتبت بواسطة svneleven

كلمت التوكيل يوم السبت اللي فات عشان أحجز صيانة ال 1000 قال ايه اداني ميعاد الخميس الجاي. مش عارف هما مشغولين للدرجة ديه و الا عشان عربيتي خليجي بيتدلل عليه المهم ما كدبتش خبر و رحت مكلم م.محمد فضالي صاحب مركز توب جير لأن فيه ناس كتير شكرت فيهم و خدت ميعاد النهاردة و روحت الساعة 1 تقريبا غيرت زيت ليكوي مولي 10000 و فلتر و راجع علي السوائل و ربط عفشة. للأسف ما شفتش م. محمد لأنه كان في مشوار لكن الناس شكلهم محترم و مريحين في التعامل.
طلعت من هناك بقي علي واحد في شارع المطبعة في الهرم اسمه أوريجينال ركبت عنده كاسيت كينوود ب 650 جنيه و حساسات ركن ب 160 جنيه. حاسس أنه غالي شوية لكن الحاجات كويسة و شغله كويس. المشكلة أن الحساسات لونها أسود و العربية لونها كريمي. شكلهم خنيق.

مبروك عربيتك الشياكه خاصه انها نفس لون صديقتي البيكانتو وانا كذلك عملت صياناتي عند نفس المركز وليكوي مولي بس ١٢٠٠٠ وهو زيت محترم فعلا بس ليه غيرت الكاسيت هو الكاسيت اللي كان فيها اللي تبع الطابلوه ولا ايه وركبت سماعات ولا علي سماعاتها الاصليه زي ما هي والف مبروك علي كل حاجه

**svneleven** · 25-03-2014 08:04 PM

المشاركة الأصلية كتبت بواسطة sonybony

مبروك عربيتك الشياكه خاصه انها نفس لون صديقتي البيكانتو وانا كذلك عملت صياناتي عند نفس المركز وليكوي مولي بس ١٢٠٠٠ وهو زيت محترم فعلا بس ليه غيرت الكاسيت هو الكاسيت اللي كان فيها اللي تبع الطابلوه ولا ايه وركبت سماعات ولا علي سماعاتها الاصليه زي ما هي والف مبروك علي كل حاجه

الله يبارك فيك. هو ليكوي مولي ا ل تخليقي قالولي 12000 كم لكن أنا أي زيت بالنسبة لي 10000كم مش أكتر عشان ظروف الطرق الي في مصر. العربية أصلا ما فيهاش كاسيت لأن اللي كان فيها كاسيت كان متركب في مصر مش أوريجينال فقولت أجيبها من غير كاسيت أحسن و أركب حاجة نضيفة. انا كنت عامل حسابي علي سماعتين مدورين في الابواب الخلفية لكن الصراحة السماات الأصلية صوتها معقول جدا يمكن عشان الكاسيت نضيف الله أعلم.