انا لحد الوقتى مش عارف احط زيت ايه لعربيتى

**zendo** · 08-12-2013 02:19 AM

الوقتى انا احترت انا سه شارى العربية واللى كان قبلى كان حاطط موبيل الجركن الابيض ده وحاسس انه مش كويس وفيه صوت تكيهات ومعلى صوت الموتور ولحد الوقتى مش عارف وحتار ناس تقول موبيل وحش وناس شيل جاب معاها مشاكل مع انى كنت بحطة فى الاوبل وكان عادى وناس تقول فالفولين عادى زيه زى موبيل وكاسترول نفس الكلام انا عاوز زيت يكون سعرة حنين ويقعد 3000 كيلو مثلا وفى نفس الوقت كفاءة عاليه وميخربش الموتور وعاوز برضة اعرف هحط للفتيس زيت ايه لان العربية اوتوماتيك وصحبها مغيرلوش زيت خالص بيقولى ده زيت الفابريكة متغيروش
العربية دايو نوبيرا 2 موديل 99 بريميم اوتوماتيك 1500 cc ماشية 185000 كيلو وبحطلها بنزين 92
ياريت لو حد معاه نفس العربية يفيدنى هو حاطط زيت ايه ومريحة بالنسبة للموتور والفتيس
ارجو الرد ضرورى

**moko_2004** · 08-12-2013 02:38 AM

يا صديقي العزيز الزيت الخاص بموتور ايكو تيك سواء نوبيرا او لانوس موبيل ون "موبل ون مش اكس اتش بي او موبيل الابيض او موبيل الرمادى "
ودرجة لزوجتة 20-50w
فية ناس بتسخدم زيوت بديلة لان الومبيل ون غالى

فية ناس بتحب كاستورل وناس بتتعامل مع شيل وناس مؤخرا غيرت لليكو مولى

المهم كلة نفس درجة اللزوجة هو دة الفيصل

توكل على الله في اى زيت يعجبك كدة ولا كدة مش هيخربلك الموتور طالما نفس درجة الللزوجة الاساسية للعربية
والمهم ركز في الزيوت التخليقية وليس المعدنية لأن جودتها اكبر وعمرها اطول

**Khaled Lanos** · 08-12-2013 03:26 AM

انا بحط كاسترول ياباشا للمتور دا ومرتاح عليه جدا.
بستعمل كاسترول ماجنيتيك 10w40 نصف تخليقي وبيقعد 10 تلاف.

**Dr.Rayyan** · 08-12-2013 04:05 AM

بكام ده يا خالد

**man_22** · 08-12-2013 04:36 AM

الاشعات على الموبيل بقت كتير بس مفيش الكلام ده هو اتعدام ضمير بس عند الناس انها تحت زيت مستعمل ويحت نقطة امير على الغطا علشان تسمع صوت فتخ الجركن وبعد كدا معاك ربنا واساسا الشركات كلها بتستنى موبيل يرفع الاسعار علشلن كله يرفع معاه الاهم فى الموضوع درجة اللزوجة المناسب لسيارتك وشكرا

**AlGazar2** · 08-12-2013 05:58 AM

لو الموتور حالته كويسه حط كاسترول ماجنتك نص تخليقى و شوف معدل النقص هيبقى قد ايه كل فتره

بالنسبه لزيت الفتيس الى اعرفه ان زيت موبيل atf 320 كويس - و ممكن تسأل على زيت من شركه وولف او فالفولين للفتيس ده

**حماده المصري** · 08-12-2013 06:09 AM

مفيش حاجه اسمها زيت فتيس فبريقه متغيروش ده هري

الزيت المفروض يتغير كل فتره بتختلف من فتيس لفتيس او من عربيه ل عربيه زي ما الكتالوج بيقول

ولكن رايي الشخصي كل 30 الف حلو اوي

بس المشكله انه لو في رايش عندك كتير ممكن لو غيرت الزيت العربيه تضرب الفتيس دي المشكله وممكن تمشي عادي

عموما انا لسه مغير زيت موبيل aft320 وده ممتاز التر ب 55 جنيه وفيه موبييل atf220 بس ده متحطوش عشان للعربيات القديمه اوي

بس بالنسبه لزيت المتور فعلا الواحد مش فاهم بس انا شخصيا كنت بحط زيت لكن اجاد اجزم انه خلاص فعلا بقى مضروب

بالنسبه للموبيل غريب جدا بيشتغل مع ناس حلو ومع ناس وحش معايا في الصني لما اشتريتها حطيته مره كان زي الفل بس صوت المتور وحش بس بيجري زي الفل

غالبا انا هتجه لكاسترول او فيسكو

**دعبدالرحيم** · 08-12-2013 07:43 AM

بس يا باشا انا اعتقد ان الذيوت اللي عليها ضغط هي اللي بتضرب ذي موبيل وشيل ..غير التعاون الاصفر وهدعيلي ..انا عربيتي لانوس اتوماتيك وعن تجربه الشيل والموبيل ذباله..بالنسبه للفتيس لو هو معاملش معاك مشاكل ذي النقللات والنتشه اوعي تلعب فيه بس قيسه باستمرار