منع سرقة العربية

**maio_do** · 08-12-2013 05:38 AM

المشاركة الأصلية كتبت بواسطة amoor89

حضرتك تقصد ايه بالظبط الانذار ولا الكود ؟

الايمبوليزر نفسه

**hilal** · 08-12-2013 07:52 AM

الايموبليزر يمنع دوران العربية إلا بالمفتاح الاصلي
ولا يمكن سرقتها إلا بعمل مفتاح أصلي باستخدام الكود ، أو بالتثبيت على الطريق وأخذ المفتاح بالقوة ، أو برفعها بالونش

**lidosasa** · 08-12-2013 01:45 PM

فيه ظروف مواتية للسرقة لو أجتمعت مع بعضها مفيش عربية تعصى على الحرامى إنه يسرقها
1- تكون مركونة فى حتة الرجل عليها خفيفة ومش تحت عنيك
2- مفيش فيها وسائل أمان كافية ( إنذار - كلبشات .... )
3- الوقت الكافى للحرامى إنه يشوف شغله
والحرامية دايماً بيكونوا فاهمين ومعظمهم صنيعية فى العربيات أصلاً ... دول بيدوروا دلوقتى على طريقة لسرقة العربيات اللى فيها إيموبلايزر لدرجة إن كل أسبوع نلاقى عضو جديد ( حرامى عربيات مثقف ) داخل فى المنتدى يشتغلنا ويخترع أى حجة عشان الناس تتناقش فى أفكار لتشغيل العربية اللى فيها إيموبلايزر من غير المفتاح الأصلى
طب الحل
أعقلها وتوكل .... خد كل الإحتياطات اللى تقدر عليها فكل ما صعبت مهمة الحرامى فى السرقة زادت فرصة العربية فى النجاة ومهما كانت الظروف حتى و فى عز الضهر وفى وسط البلد لازم تاخد كل إحتياط تقدر عليه .. وبعدها توكل على الله واستودع العربية كل مرة تسيبها وتقول (اللهم إني استودعك ديني ونفسي وسيارتي )