حد يقدر يقولنا معلومات عن تيوتا كرسيدا

**1.8Tee** · 20-09-2008 09:58 PM

المشاركة الأصلية كتبت بواسطة bassemali

الكريسيدا منتشره جدا هنا في السعوديه 2400 سي سي 4 سيلندر وفي منها موديل أسمه grandy ده 6 سيلندر 3400 سي سي أو 3200سي سي على ما أذكر عربيه دفع خلفي وقويه جدا جدا وهنا في السعوديه هي مفضله عن الكامري وسعرها ثابت وقطع غيارها رخيصه جدا ومتوفره وأخر موديل لها كان 97 وأتوقفت بعد كده وأستبدلت بالكامري وليس الأفالون لأن الأفالون كانت بديل عربيه كان أسمها كراون كانت بتنزل من تويوتا وأتوقفت أما بالنسبه لسوقها أو قطع غيارها في مصر ماعتقدش موجوده لأنها مش منتشره ولو قطع غيارها موجوده أظن هتبقى غاليه جدا .
والنهارده في عربيه تانيه أسمها أوريون ودي شبه الكامري بالضبط بس مع محرك 3400 سي سي وكماليات أكتر وأنتشرت هنا في السعوديه جامد وأعتقد أنها هتكون بديل الكامري مستقبلا .

الكريسيدا اعلى حاجة فيها 3.0L .

بالنسبة للكراون فعمرها مأتوقف انتاجها ولسة موجودة:

http://toyota.jp/crown/index.html?from.toyota.jp2

^^^^دة الموقع الرسمى بتاع تويوتا اليابان.

و زى ما قلت مسبقا الأفالون بديلة الكريسيدا مش الكامرى.

**Kamal-1** · 21-09-2008 12:46 AM

السلام عليكم

مين قال ان الكامري بديلة الكريسيدا أو الافالون بديلة الكريسيدا ؟؟؟؟؟؟؟
لا لا لا لا لا
السيارة كريسيدا لو حد عنده عربية موديل الثمانينات هيلاقي مكتوب عليها MARK وده اسمها في السوق الامريكي والياباني ولسه العربية دي بتنتج في اليابان باسم MARK وهي سيارة قوية جدا جدا وفخمة جدا يعني في نفس مستوى اللكزس تقريبا

ممكن تدخلوا هنا وتشوفوا
http://www.otovaganza.com/lexus.php?q=Toyota_Mark_II

بيحكوا عنها من اول جيل حتى الجيل الحالى

اتمنى اكون افدتكم

**waled369** · 21-09-2008 12:57 AM

الكريسيدا آخر موديل لها بالخليج 96
و هيه عربية عملية جدا جدا و سعرها ثابت و قطع غيارها رخيصة جدا و متوفرة بكترة
بيصدر منها نوعين الأول 4 سلندر 1800 سي سي
و التاني 6 سلندر ( جراند كريسيدا ) 2600 سي سي
توقف انتاجها بالفعل
الكامري ليست بديلة لها و لا الأفالون و لا الأوريون كل العربيات دي تويوتا بس مش بديلة للكريسيدا بدليل أن الكامري أول موديلاتها 95 و كان لسه بيصدر الكريسيدا و كمان الافالون نفس الحكاية
أما الأوريون بدأ إصداره من 2007
بالنسبة للكريسيدا فعلا معمرة جدا و قطع غيارها بتعمر و كانت سرت إشاعة أن الكريسيدا بتخسر شركة تويوتا لأن مفيهاش حاجة بتبوظ
ال 4 سلندر كانت أميز من ال 6 سلندر علشان البنزين و سعرها ما زال أعلى

**Ahmad Allawy** · 21-09-2008 06:55 PM

غكرتوني بايام جميله جدا..
لما كان والدي شغال ف السعودية..
كنت باركب العربية دي كتير..
بس مكنتش باسوق طبعا عشان كنت لسة صغير..
افتكر كنا مرة مسافرين بيها مكة.. و العداد عمل 160 و انا مكنتش مصدق ساعتها..
لأنه التكييف كان شغال جامد جدا.. و العربية مكنتش حاسس انها ماشية طبعا..
و الراجل كان بيغرز و بيعمل كل حاجة عادي جدا كأنه ماشي علي 60 بس..

جايز الاخوة اللي بيقولوا انها الكامري نزلت بديل ليه..
يمكن يقصدوا انها نزلت بديل ليها ف السوق الخليطي ولا حاجة.. عشان ده كان حقيقي..
لما اتوقف انتاجها.. و كنت سمعت انها كان هيتوقف انتاجها اكتر من مرة من سنة 94
بس اتمد الانتاج تاني نتيجة الطلب الرهيب من الخليج عليها..