اقتباس المشاركة الأصلية كتبت بواسطة modysasazin مشاهدة المشاركة
انا جبتها بعد حيرة تقريبا سنة
مش عارف اجيب فيها ايه
ما بين لوجان اوتوماتيك ايام ما كانت ب79500
ل اكسنت ار بي ل كيا ريو ل صني ( الشكل القديم لحسن حد يفهمني غلط
اصل الشكل الجديد دا مش نازلي من زور)
وفعلا حجزت الشكل القديم ب 99000
في شهر 6 من اوتو ايجيبت
والمفروض كنت خلاص هستلم بس جه 30 /6
واجلت الاستلام والحمدلله اني عملت كده
المهم قلت ابص كده على ال 301
والله العظيم اول ما ركبتها حسيت ان هي دي العربيه اللي نفسي فيها من زمان
وفعلا بدون تردد دفعت المقدم وانا واقف والله حتى مسئوول المبيعات كان مستغرب
ماختش في ايديه غلوة يدوبك الكلام دا حصل في ربع ساعه
المهم من الاخر بعد ما استلمت العربيه
انا بحمد ربنا مليون مره اني اخترت العربيه دي
ولو يرجع بيا الوقت والله العظيم ما اشتري غيرها
صالون فخم وشكل شيك و قيم واوبشن عالي
من الاخر بالبلدي عربية ركوبة
وفعلا جديرة بالاقتناء
اسف على الاطالة بس قصدي والله انقل تجربتي عشان افيد اي حد متردد في شراء العربيه دي
اخوكم د/ محمود صالح
ربنا يباركلك فيها يا دكتور و يكفيك شرها ان شاء الله. يا تري عندك فكرة عن أسعار قطع الغيار ؟