ياترى فيه حد ندمان على شراءه بيجو 301 و اية المشاكل الموجوده فيها و ايه اخبار التوكيل و قطع غيارها:00020191:
عرض للطباعة
ياترى فيه حد ندمان على شراءه بيجو 301 و اية المشاكل الموجوده فيها و ايه اخبار التوكيل و قطع غيارها:00020191:
حلو اوى الموضوع ده....بجد ممتاز
هههههههههههه مع احترامى السؤال ده ميتسألش فى مصر
لا طبعا بالعكس مش هتلاقي عربية زيها بالسعر ده دلوقتي
[QUOTE=khaabas;3875323201]هههههههههههه مع احترامى السؤال ده ميتسألش فى مصر[/QUO
و لية يا سيدى ميتسالش فى مصر
حتي الان لست ندمان ويارب علي طول
متابعة باهتمااااااام شديد
انا جبتها بعد حيرة تقريبا سنة
مش عارف اجيب فيها ايه
ما بين لوجان اوتوماتيك ايام ما كانت ب79500
ل اكسنت ار بي ل كيا ريو ل صني ( الشكل القديم لحسن حد يفهمني غلط
اصل الشكل الجديد دا مش نازلي من زور)
وفعلا حجزت الشكل القديم ب 99000
في شهر 6 من اوتو ايجيبت
والمفروض كنت خلاص هستلم بس جه 30 /6
واجلت الاستلام والحمدلله اني عملت كده
المهم قلت ابص كده على ال 301
والله العظيم اول ما ركبتها حسيت ان هي دي العربيه اللي نفسي فيها من زمان
وفعلا بدون تردد دفعت المقدم وانا واقف والله حتى مسئوول المبيعات كان مستغرب
ماختش في ايديه غلوة يدوبك الكلام دا حصل في ربع ساعه
المهم من الاخر بعد ما استلمت العربيه
انا بحمد ربنا مليون مره اني اخترت العربيه دي
ولو يرجع بيا الوقت والله العظيم ما اشتري غيرها
صالون فخم وشكل شيك و قيم واوبشن عالي
من الاخر بالبلدي عربية ركوبة
وفعلا جديرة بالاقتناء
اسف على الاطالة بس قصدي والله انقل تجربتي عشان افيد اي حد متردد في شراء العربيه دي
اخوكم د/ محمود صالح
حتي الان لست ندمان ويارب علي طول
أسعار قطع الغيار ممكن تشوفها من هنا,
http://www.nilemotors.net/Nile/39407...post3875323871
ياجماعه انا اقتنعت خلاص بالعربيه ديه سلام بقى انا رايح احجز من التوكيل اللى فى صلاح سالم ....زبرجاء الافاده فى اجراءات الحجز خصوصا انى ناوى اقسط جزء من سعرها تبع شركه تابعه للتوكيل اسمها رواج برجاء افيدونى
العربية جميلة جدا الحمد لله اللى بتدفعه بتاخده وزيادة معاملة التوكيل كويسة اسعار قطع الغيار مناسبة
انا ندمان اني اشتريت الbaseline المفروض كنت اشتيري ال highline
فرق الفلوس مش كبير في مقابل الفروقات في التجهيزات والامكانيات
1- جنوط سبور 16
2- بلوتوث ويو اس بي
3- تطعيمات كروم
4- مرايات كهرباء
5- كاست انظف وافخم
6- مسند يد
... الخ
لو حسبت كل حاجة من دول تتركب بكام وشوفت فارق السعر هتلاقي ان الفرق يستاهل فعلا
تحياتي
بس يا باشا انا من وجهة نظرى الشخصية ان الحاجات دى كلها مجرد فروق كماليات ملهاش دعوى بأساس العربية انا عن نفسى كنت متخيل انى احس بفرق بين الهايلاين والبيزلاين يخلينى اجيب الهايلاين وانا رايح على اساس انى هجيب الهاى بس لما اتفرجت على العربيتين حسيت ان مش فارقة كتير وحجزت كمان اول فئة مانيوال حتى مش اوتو عن كامل اقتناع
الموضوع وجهات نظر واحتياجات شخصية تختلف من شخص الي اخر
بس انا بتكلم بشكل عام ان الي عايز الحاجات دي هيدفع فيها اكثر من الفرق بين البيزلين والهالين
ومع كامل احترامي لرايك فانا شايف ان الشكل حتي الشكل بيدي راحة نفسيه وتحس ان الفلوس مش علي الفاضي .. دي طبعا وجهات نظر زي ما قولت قبل كده
تحياتي
مساء الخير عليكم جميعا
حقيقي هيه وجهات نظر واختلاف احتياجات ولكن الحقيقي ايضا ان شكل الهاي لاين من الداخل بيكمل البيجو 301 وبتكون فعلا علي حقيقتها
وزي ما اخونا فصصها وفعلا تركيب الفروقات اوفر جدا عن فرق السعر
اما البيزلين وحتي المنيوال ودا من إدارة بيجو التسويقيه ما اختلفوش فعفشه ووسائل امان ولكن الشكل الداخلي تقليدي ومعاه بتحس انك فصني قديم شوية او لانسر او كورولا 2007
وزي ما قولتم وهنقول معاكوا هيه ازاوق واحتياجات مضروبين فبعض وكل واحد عنده نتيجتة بتختلف اكيد عن التاني
شخصيا لما روحت حجزت.. كنت رايح احجز البيز..
انا مش خبير فى عفشه و موتور و الحاجات دى.. فكنت باخد بالشكل فقط..
كل شئ عن العربيه عرفتوا من المنتدى هنا.. بصراحه شكل العربيه مختلف تماما و غيرلى وجهة نظرى فى دقائق.. و حجزت الهاى..
ربنا يوفق الجميع..
اجاوب على سؤال صاحب المشاركة
اطمن بإذن الله لن تندم كما لم يندم احد ممن اشتروا العربية
واضح ما شاء الله ان كل اللى اشتراها فى كل الفئات فرحان بيها مع وجود بعض الاختلاف على الراى فى ناحية البيز لاين و الهايلاين
انا معايا الهايلاين و رايى لو مش هتفرق معاك ماديا هات الهايلاين...و لو مش هتقدر تجيبها هات اى فئة و هتكون الكسبان فى كل الاحوال
و العربية متعة فى السواقة و الامان بتحس فيه فى كل لحظة......اهمها الفرامل...أسعفتنى فى كذا موقف و حسيت بقيمتها و فرقها عن غيرها
مبروك مقدما
مشاركات أكتر من رائعة,,
خصوصاً أخر 6 مشاركات,,
لخصو تقريباً كل التفكير اللي ممكن يفكرة أي حد بيفكر في شراء أو أشتري ال 301. :original:
والحوار دا هيفيد أي حد لسه بيفكر ياخد قرار ومش عارف يختار بيز لاين ولا هاي لاين,
أنا سعيد بمستوي الحوار دا. :tumb:
حقيقي د/عمرو الفرامل مع البيجو 301 مريحه جدا ولله الحمد
بالتقنيه المعموله بيها انها تقيس مقدار الضغطه وتديك مسافه تحسها لإيقاف العربيه من غير ما ترجرج او تتكفي علي الطابلو :)
بحاول اتفهم تقديراتها لانها حقيقي مهمه كأمان سواء مع اللي قدامك او اللي وراك , دا غير انها بالطريقه دي تحافظلك علي العفشه من الفكفكه والفحمات من البري علي الفاضي
طبغا انا مش ندمان ان حجزتها والحمد لله
اشكر كل من ساهم بالراى و اعطانا تجربته الشخصية للعربيه الممتازه بيجو 301