تويوتا ٢٠١٣ ب ١٩٠ الف !!!!!!!!

**Merooxx** · 09-12-2013 12:02 AM

المشاركة الأصلية كتبت بواسطة abofandy

لو موجودة الفئة التانية او الهاى لاين 2014 قولنا ع المكان او رقم التليفون
اصلا العربية مش موجودة عند الوكيل
والناس حاجزة من شهر 9 ولسو مستلمتش .. اكيد حضرتك بتتكلم ع حاجة تانية مش الكورولا
وع العموم هات اللينك بتاع الموقع ونشوف

يا باشا ادخل علي موقع دوبيزل قسم تويوتا. اكتب موديل ٢٠١٣ ١٠١٤ هيطلعلك ٨ ٩ عربيات كلم صحابهم وشوف الدنيا او انزل إسكندرية عند الفخراني واشتريها

**abofandy** · 09-12-2013 12:18 AM

يا فندم مفيش الكلام دة
انا دخلت على الموقع مفيش عربيات تويوتا
والعربيات الى على الموقع عربيات مستعملة مش جديدة او محروقة والمحروق اكيد تمنه بينزل عن سعره
مفيش عربيه 2014 هتتباع بالسعر اقل من 2013

لو عايز تتكلم عن 2013 فهى موجودة كتير جدا عند التجار وبكل الالوان متاحة .. عايز تعرف سعرها ممكن يكون غلى شوية علشان اخر موديل هيتقفل في اليابان خلاص
اليابان مبقتش تقفل في بلدها بدات تقفل في بلاد تانية علشان العمالة سعرها اقل

الدليل السعودية الكورولا 2014 تقفيل تيوانى وبامكانيات اقل من التركى
وعبد اللطيف الجميل منزل عروض تخفيض كبيره جدا على 2013 الكرورلا علشان تتباع لانها عندة في المخازن

علشان كدة الفرق في السعر دة الى حصل كل تاجر كان عايين عربية او اتنين عندة بدا يطلعم لانه عارف الشعب المصرى بيموت في الحاجة الى اسمها صنع واتقفل في اليابان بس هذه هى القصة
انما الكرورلا 2014 من اول الفئة التانية او الهاى لاين مش موجودين في السوق والى موجود جديد يااما اوفر برايس غالى اوى اوى او نظام الحرق او تباع من احد ملاكها لسفر او كدة يعنى مش انت اول رجل ركبت العربية يعنى تباع على انها كسر زيرو

اتمنى تكون وصلتلك فكرتى

**abofandy** · 09-12-2013 12:22 AM

وبعدين ادى لينك من الموقع الى حضرتك قولت علية
علية عربية كرورلا 2014 الفئة التانية زيرو عارضها ب 202 الف جنيه
الى هى اصلا تمنها في الوكيل ب 184.900

ودى اللينك
تويوتا كرولا 2014 الفئة الثانية زيرو/ مع امكانية التقسيط - تويوتا سيارات في مدينة نصر | دوبيزل مصر==

يبقى ازاى ال 2013 ارخص من 2014

**hossam_elwani** · 22-12-2013 03:52 PM

هو مش موديل 2013 كان تقفيل تايلاندى او تايوانى على ما اعتقد ؟؟

**Mohamed.Hany** · 22-12-2013 07:14 PM

المشاركة الأصلية كتبت بواسطة hossam_elwani

هو مش موديل 2013 كان تقفيل تايلاندى او تايوانى على ما اعتقد ؟؟

ياباني 100% الا لو حضرتك قصدك علي الخليجي فهي تايواني

**Mohamed.Hany** · 22-12-2013 09:35 PM

المشاركة الأصلية كتبت بواسطة LANCAR

استاذن حضرتك طيب ازاي تقدر تفرق بين الخليجي التايواني والياباني .. وهل الياباني اللي هي بضمان الوكيل؟؟ والاقيها فين؟؟ واية مواصفتها وبتكلم عن 2013 اول فئة واسف للاطالة

من عند القايم اللي عند باب السواق مكتوب ياباني بمواصفات خليجية هي دى اللي بضمان و كان بيبعها التوكيل و لكن وقف بيعها دلوقتي.
هي عموما عربية فاضية فيها 2 ايرباج و abs ebd bas و كاسيت عادي مفيش بلوتوث ولا فوج لايت و لا esp لو بتفكر انصحك بالجديدة مليانة كماليات.

**Yousef.Kamel** · 22-12-2013 11:10 PM

انا معايا العربية دي حضرتك ف تصحيح للمعلومة هي تقفيل ياباني من 100% ولكن كماليتها قليلة شوية فعلا ( 2 ايرباج - abs -emoplizer ولكن بكاسيت عادي فقط به usb -aux -cd ) وجنوط 15 و بدون ضمان