ما خاب من أستشار Fluence 2011 vs. Corolla 2010 vs Cruze 2011

**alizowail** · 13-12-2013 03:29 PM

واللهِ يا رجالة أنا بدور برضه في نفس الفئة السعرية دي .. وتقريبا محتار بين نفس الإختيارات اللي بتتكلموا عليها بالضبط .. يمكن زيادة بس عليهم الالنترا 2011 الهاي لاين وكيل أو خليجي..
عشان فيها كل الكماليات الاساسية في الحاجات الباقية..
Air Bag و ABS و فتحة سقف.. وطبعا تتميز الالنترا عن كل الباقيين هنا في قطع الغيار وسعر اعادة البيع.. ومع ذلك..
لاتزال المنافسة في شريحة ال 110 ألف.. شرسة بينها وبين الكروز 2011 والفلوانس 2011 والكورولا 2009..
وزي ماهو واضح جدا في الردود اللي فاتت.. الفلوانس عاملة شغل هايل في السوق المصري..
يعني ماشاء الله.. شهادة حق.. ولا فيها موديل فيه مصيبة.. ولا حاسب من الخازوق الفلاني ولا اوعاك والكارثة العلانية.. زي ماهو حاصل في باقي المنافسين.. كروز موتور مش مستحملها ومشكلة الفيتيس القديم وسالابانتينا تكيف مصيبة.. وكرولا جنوب أفريقي إجري منها وسيبك من العلامة.. حتى اللانترا.. غبور وكوري وامكانياتها محدودة جنب الفلوانس الأوروبي ...

علامة تعجب كبيرة حول هذه العربية.. هل الفلوانس جاءت لتغير مفاهيم السوق المصري بشكل واضح وجلي.. وتعطي كل عربية حقها وحجمها الحقيقي !!!!!!

**M I D O** · 13-12-2013 11:01 PM

بميل للفلوانس لو حالة نضيفة

**ahmzd** · 14-12-2013 07:00 AM

المشاركة الأصلية كتبت بواسطة amed2

أشكركم جميعا يا رب يحفظكم و يحميكم و يكفيكم شر الطريق
أكتر حاجة بتحسسني أن أحنا بخير هو لما الاقي نصائح أخوية من ناس متعرفنيش

المهم استقريت على إيه؟!

**amed2** · 15-12-2013 12:12 AM

المشاركة الأصلية كتبت بواسطة ahmzd

المهم استقريت على إيه؟!

الفلوانس طبعاااا يليها الكورولا

**amed2** · 15-12-2013 12:26 AM

المحصلة شبه النهائية :
الفلوانس : أحسن الإختيارات من حيث الفخامة و الثبات و سمعتها في السما سبحان الله غير الميجان خالص كما أن فئتها السعرية تمكني أني أجيب موديل 2012 كمان مش 2011 ....
لا يعيبها إلا أن سعر إعادة بيعها أقل من الكورولا نوعا ما و تتساوى معها الكروز
أما من حيث الإعتمادية فما شاء الله محدش عاب لي فيها بكلمة مشكلتها الوحيدة هو أني مستحيل أخلي أي حد يلمسها غير التوكيل و ده مش الحال مع الكروز و الكرولا