اية نظام البيجو 106؟

**kalmah** · 08-07-2007 09:46 PM

السلام عليكم
انا بدور علي عربية كدة تكون سعرها في المعقول اجبيها مستعمل في حدود 20-32
بس انا عاوز ابعد عن الحاجات ال 1600 و العربيات 128 و 127 و الكلام دة كلة
انا لسة مبعرفش اسوق ف المفروض العربية دية تكون اول عربية اسوقها انا شايف ان البيجو ال 106 سعرة مابين 23-27 و امكانيتها معقولة بس المشكلة اني معرفش حد مجربها و كنت عاوز اعرف عبيوبها اية
فياريت لو حد عندوا معلومات عنها يقولها واللي انا مستغربلة انها قليلة في البلد عموما
و ياريت حد من الخبرا زي الاستاذ سبعاوي يقول لو يعرف فيها عيوب و يقارن بينها و بين الكيا برايد هاتشباك مو 97-99
و انهي تكون أنسبلي و ألف شكر !

**Ahmed Hassan** · 09-07-2007 12:15 AM

لو انته في القاهره اكيد البرايد هتكون انسبلك بالنسبه لقطع الغيار و الصيانه. و مع ذلك البيجو 106 عربيه جيده. موتورها في الغالب1000 او 1100 سي سي و ان كان ينفع يركبلها 1370 و 1600 و كلهم يركبو مكان بعض. و على فكره المواتير دي مشتركه مع سيتروين AX و ZX و كمان بيجو 306 و 205 و قليل من الـ 206. و كل دي مواتير جيده و ناعمه و صوتها مش عالي و ادائها كويس و عمرها طويل. بالنسبه لقطع الغيار انا معرفش القطع الجديده عامله ايه, لكن المستعمله خصوصا للموتور و العفشه موجوده في بورسعيد و بردو الصاج موجود بس اقل شويه.

ارجو اني اكون افدتك.

**kalmah** · 09-07-2007 06:00 AM

الف شكرا يا باشا
هوا انا ايوة ساكن في القارهة و مشاوري بتبقيء بعيدة شوية زي القطامية و انا ساكن قي ال مصر الجديدة بس انا مش هسافر ب العربية يعني
هوا اللي محيرني كاذا حاجة
ان النوع دة من ابيجو قليل قوي يعني كل فين و فين لما تشوفوا مش عارف دة عشان هيا عريبة تعبانة ولا اية بالزبط
والتاني اني لما كنت بقرا عنها علي النت في ناس قالت عليخا جامدة موتتت بس لما بتعطل مفيش حد بيصلحها غير انها مبدوش من اول مرة و في صوت بيطلع منها من أقدام كدة
هوا انا خبرتي في العربيات زيرو بس بعد ما قريت الكلام دة حسيت ان العربية مشاكلها كتير انا هاحط اللينك عشان الناس أهل الخبرة يقولولي اية النظام يعني ة الف شكر تاني علي الرد

http://www.carsurvey.org/model_Peugeot_106.html

هوا اللينك دة في رأي الناس اللي جربوا ال 106 من مو 91 لحد 2003

**محمد ابراهيم 1** · 11-07-2007 05:51 PM

هات سيتروين ax 1400 عربيه حلوه جدا صغيره مكيفه مرنه وشكلها معقول

**محمد ابراهيم 1** · 11-07-2007 05:54 PM

هات سيتروين ax 1400 عربيه حلوه جدا صغيره مكيفه مرنه وشكلها معقول وقطع غيارها متوفره لكن بيجو 106 ونظرا لندرتها قطع غيارها فى ندره السياره وعلى فكره ستروين وبيجو شركه واحده ونفس الكفاءه
أنا عندر 405 ولما بشترى قطعه غيار لها بيبقى مكتوب عليها بيجو ستروين

**kalmah** · 11-07-2007 06:30 PM

طيب هيا اية العيوب بتاعتها؟
و قطع غيرها بتلعب في كام؟
انا شايف واحدة معروضة علي كونتاكت كارز ب 24 و نص موديل 96 فا لو عربية جامدة يعني
اتوكل علي اللة وشوف الراجل دة

**محمد ابراهيم 1** · 12-07-2007 01:24 AM

العربيه بصراحه مالهاش عيوب غير ارتفاع سعر قطع غيارها نسبيا مع ملاحظه قله احتياجها لقطع الغيار لكن انت بتركب عربيه قيمتها اعلى كثيرا من اللى بتدفعه فيها وعموما على سبيل المثال بليه العجل سعرها 125 جنيه الكبالن الجديده أربعه رؤوس كامله مش اتنين 1200 جنيه ماستر الفرامل 250 جنيه الرئيسى انا شايفها معقوله

**hazem_khidr** · 12-07-2007 04:33 AM

ابعد عنها عربيه نادره و بالطبع قليل لما تلاقي ليها قطع غيار
البيجو في مصر 504 و 505 و 405 و بس

**kalmah** · 12-07-2007 02:44 PM

تشكروا يا رجالة و الف شكرا يا ديدو انك وضحت الحوار بالنسبة للبيجو و الستروين
انا هاخد الميكانيكي و نشوف زاحدة ستروين انهاردة و و يارب تتطلع تمام
هوا فية حاجة معينة اخلي الميكانيكي يركز عليها و هوا بيجرب العربية؟

**hazem_khidr** · 12-07-2007 02:50 PM

نصيحه ابعد عن العربيات النادره انا ما شوفتش حد عمره شكر فيها غير كده برضه حتلاقي قطع غيارها قليله.
ما تفكر مثلا في الابيزا سيستم بورش اللي هيا قبل 93 عربيه حلوه جدا و فيه منها استيراد من سيارات المعاقين يعني مش صعب تلاقي حاله كويسه منها و قطع غيارها موجوده مش حتغلبك اوي زي السيتروين و البيجو 106 و الحاتجات دي.انا مش بذم فيهم ولا حاجه بس انا ببص لقدام لما تحتاج قطعه غيار يا تري حتجيبها بعد معاناه ولا لاء و يا تري حتجيبها بكام؟؟؟

الموضوع: اية نظام البيجو 106؟

LinkBack

أدوات الموضوع

عرض

-

-

-

-

المواضيع المتشابهه

عاوز اعرف نظام الدبلومة فى كلية الحقوق نظام الدراسة واسهل فرع اية

استفتاء بخصوص وحوش البيجو مش مالكين البيجو

للبيع 0198688887 جديد وعلى نظام الخط ويوجد 010 مميز نظام الكارت

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

ما هو سعر البيجو 307

الكلمات الدلالية لهذا الموضوع

المفضلات

المفضلات

ضوابط المشاركة