طقم الصيانة الاصلى بتاعها موجود فى كل حتة مفيهوش اى مشاكل نهائى وصيانتها رخيصة مش مكلفة ومتنساش تغير بلية الكاتينة وفلتر التكييف ولا ينصح انك تجيب فلتر تكييف اصلى..........زيت المحرك انا شخصيا بستعمل فالفولاين زيوت اكتر من ممتازة وبتتحسب حسب الكيلومتر اللى العربية ماشياه عشان تاخد المناسب ليك منه.....زيوت الفرامل موجودة برده من فالفولاين وممتازة....الفتيس عندك مانيوال فانا بصراحة ماعرفش لأنى عندى اوتو.....الدبرياج شرحه...الباور انا بستعمل زيت شل الباور العلبة السوداء فوق الممتاز بصراحة....افضل مياه راداتير اتعاملت معاها هى بتاعت توتال الحمرا الجركن 4 لتر ب63 جنيه من اى بنزينة توتال محترمة ..... طبعا لازم تفضى كل المية القديمة اللى فى العربية عندك حتى اللى جوة المحرك وتنضف الدورة كويس جدا وتتاكد ان مفيش تسريب وتتكل على الله تحط الجركن ده وتكمل الباقى بمية مقطرة من بتاعة البطاريات عند اى محل بطاريات بجنيه الازازة هتحتاج معاها 3 ازايز تانى....ومبروك عليك العربية ياباشا وربنا يكفيك شرها
المفضلات