الموضوع: النترا ٢٠١٤ و لا سيراتو ٢٠١٤

المشاركة الأصلية كتبت بواسطة esam_ayad

أنا محتار جدا جدا جدا زي صاحب الموضوع ,
السيراتو والإلنترا هنا في الكويت تقريبا سعرهم قريب من بعض وبفكر أشتري واحده منهم وأنزلها مصر بعد سنتين تلاته,
وأنا عايز اشتري عربيه منهم ومش هافكر أبيعها قبل عشر سنين.
لكن أنا خايف من عدم إنتشار السيراتو كتييير في مصر وبالتالي هايأثر في توافر قطع الغيار بره التوكيل وتوافرالإكسسوارات.
وبالنسبه للإلنترا أنا خايف من الصاج بتاعها لأنه معرض دائما للخدش والحك بسبب السوك اللي في الأجناب.

فياريت حضرتك بعد اذنك تقولنا تقرير مبسط عن عربيتك من ناحية: (1) الماتور (2) العفشه _ ودي أهم حاجه لأن كل اللي معاهم الالنترا بيقولو ان عفشتها ناعمه وكويسه علي المطبات وعلي عين القط وأنا مجرب عربية زميلي والعربيه مريحه فعلا _
(3) والعزل الداخلي للعربيه (4) وقوة الصاج وهل هو هايتحمل ولا هايتبهدل بسرعه (5)وأيضا من ناحية قوة الفرامل.

وهل حضرتك تقصد ان نوعية الكاوتش وحشة ولا مافيش في السيراتو عزل أرضي؟ لأن المشكله دي برضو في الإلنترا بسبب نوعية الكاوتش السيئه.

السيراتو نسخة من الإيلانترا ولكن بنكهة أوروبية... هو ده كل الفرق

عشان كده مش بقارن بين العربيتين من أي ناحية ميكانيكية أو من ناحية الجسم... لإن الاتنين واحد.

يمكن حاجة واحدة لاحظتها لما كنت باتفرج على العربيتين قبل ما اشتري... خامات الصالون وخاصة التابلوه في كيا أفضل بكتير من الهيونداي... والملحوظة دي كانت باينة لي حتى لما قعدت في الـهيونداي i40 اللي المفروض تكون هي كمان معمولة بنكهة أوروبية

يعني أبسط شيء... البلاستيك اللامع في هيونداي بيديك إحساس بالرخص .. ولا كإنهم مستخدمين بلاستيك بتاع موبايلات صيني... مع إن التصميم العام للصالون مبهر بصراحة.

في كيا تحس بالفخامة مع البساطة والوضوح حتى في أدنى فئة... ما تلاقيش أبدا بلاستيك بيلمع... بالعكس... الحاجة الوحيدة اللي بتلمع هي النواكل حوالين العدادات والراديو وحامل الكوبايات ومفاتيح الراديو.


السيراتو اللي معايا فيها جنوط ألومنيوم 16" ... بالنسبالي تعتبر كويسة جدا وناعمة في المطبات، مع الأخذ في الاعتبار إن الطرق في جدة مش أفضل كتير من طرق القاهرة .

بالنسبة للإطارات .. فاللي راكبين نوعهم Nexen مقاس 215/55R16 بيتركبوا باتجاه خارجي وداخلي.



...