الموضوع: مكالمة توكيل صلاح سالم بخصوص حجز 301 شهر نوفمبر

يا جماعه المندوب مجبش سيرة الجيش معايا خالص المندوب كلامه ان العربية الأول او حتى فى نص نوفمبر كان الحجز عليها معقول او بمعنى اصح اللى جاى على قد اللى رايح وكان الضغط كله على الهاى لاين لكن دلوقتى الضغط أصبح على كل الفئات وخصوصآ ان فى ناس غيرت من هاى لاين لأوتو او مانيوال وحجزهم من شهر اكتوبر وسبتمبر بس موضوع الجيش ده مسمعتوش الا هنا فى المنتدى وعلى العموم كل تأخيرة وفيها خيرة وعلى العموم الشهر ونص لسه مخلصش علشان نقول ان فى حد خد عربيتنا انا الموضوع كله عملته كنقل معلومة من المندوب ممكن يكون كلامه صح وممكن يكون غلط بس موضع التأخير ده فى مصلحتنا اننا نستلم والعربيه منتشرة على أرض الواقع ويظهر ليها قطع غيار والتوكيل يبقى متمكن اكثر فى الصيانات تحياتى للجميع

علي فكرة انا سامع ان العربيات حتزيد الضرايب عليها في شهر يناير و أنا متوجس خيفة من أن يكون هناك تعمد في التأخير . لكني أحسن الظن

المشاركة الأصلية كتبت بواسطة abohend

بالعكس أنا مش معاك
أنا عايز ألحق أفرح بالعربية مش يدوب شهرين و ألاقي موديل 2015 نازل
و بالنسبة للي باع عربيته أكيد عايش مأساة مع سواقين التاكسي الجشعين
و موضوع قطع الغيار و الشغل فالعربية ده لسه عليه شوية عقبال متتوفر بضاعة عند التجار و المستوردين يبدأوا يشتغلوا فحاجتها

والله انا متعشم خير ان احنا نستلم قريب وبالنسبة لموديل 2015 معتقدش انهم هيغيروا حاجه فى العربية بيجو من الماركات اللى بتكون ثابته فى الشكل على مدار سنين ومثال 405 و 406

المشاركة الأصلية كتبت بواسطة ihabsamir

علي فكرة انا سامع ان العربيات حتزيد الضرايب عليها في شهر يناير و أنا متوجس خيفة من أن يكون هناك تعمد في التأخير . لكني أحسن الظن

ربنا يستر ونستلم قبل ما تغلى

حد عارف هم بيسلموا حجز يوم كام دلوقت لأني حاجز 28/9/2013 و لسة ما إستلمتش هل ده عادي و لا حد إستلم بعد هذا التاريخ و شكرا لكم جميعا-بيجو 301

المشاركة الأصلية كتبت بواسطة هوندا

حد عارف هم بيسلموا حجز يوم كام دلوقت لأني حاجز 28/9/2013 و لسة ما إستلمتش هل ده عادي و لا حد إستلم بعد هذا التاريخ و شكرا لكم جميعا-بيجو 301

ردينا عليك فى اكثر من موضوع يا باشا وربنا معاك ومعانا

ياباشا انا كنت حاجز مانوال 30/9 واستلمت 23/10 انت حضرتك حاجز ايه ؟ وليه اتاخرت كدا لاني رايح احجز اوتوماتك؟