معروض عليا الفا 156 موديل 2002 افيدونى بالله عليكم

**newjan** · 10-12-2013 04:49 AM

معروض عليا الفا موديل 2002 مانيول 1600 محتاجة جوز كبالان امامى هل هما غالين؟؟ وبالنسبة لقطع غيرها ايه نظمها وكمان هى ب45000 دا سعر مناسب ولا لاء جزاكم الله خير اجيبها ولا لاء هى عاملة 60000 كيلو

**ahmedbasto** · 10-12-2013 07:43 AM

السعر مناسب جدا بس قبل ما تفكر تخلص فيها اسأل الأول على قطع غيارها لأنها غالية غير كدة العربية ماشاء الله عليها ربنا يبارك لملاكها .

**saddam** · 10-12-2013 12:43 PM

صديقي المواطن
قولا واحا إنت أكيد بتهزر وجاي تسأل 45 ألف إزاي العربية دي والعلم عند الله فيها حاجة غلط كبالن إيه يا أفندم دي لو من غير مكنة حتعمل أكثر من 45 ألف من 48 ساعة كان فيه عربية صديق لي بعناها 2003 فضي مانوال ب 65 ألف وأنا كاتب عقدها وهي هي نفس العربية كانت عايزة طقم دبرياج ومصفحة وطقم شنبر ومحدش رضي يشتريها ب 57 ألف وبعديها بأسبوع عملنا الحاجات دي وإتباعت خطف ب 65 ألف فعربية حضرتك أكيد فيها حاجة وأنا أخاف تكون ماشية 10 دقايق عالسقف بكره تجيبها وبعدين نحل موضوع الكبالن ولو ملقتش نفصل ليها كبالن لا تقلق
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**creative_art** · 10-12-2013 01:50 PM

الكوبلن ب200 جنيه .. واستني حد من الاعضاء ياكد على كلامى

**Karim_Mohy** · 10-12-2013 02:11 PM

استني رأي اللي معاهم العربية هايفيدوك في الاسعار وقطع الغيار

**nike7777** · 11-12-2013 05:05 PM

الكبالن استيراد الواحد ب 250 جنيه وهتلاقيهم كتير عند محمد عصام او كرستين او اي حد اسعار قطع الغيار تقريبا كانك راكب لانسر 2007 و 2008 مع الاحتفاظ طبعا بالفرق الشاسع لصالح الالفا بالنسبة للسعر دا مش سعر العربية نهائي متقلش يوم ما تبقى زباله عن 55 الف فا يا اما صاحبها غني وبيبيع وميعرفش السوق يا اما العربية فيها مشكلة
للعلم بس انا معايا الفا 156 موديل 2000 سيلي سبيد