الموضوع: استثمار الاموال ، الأخوة رجال الأعمال أفيدونا !!

السلام عليكم ،،،

لو معاك رأس مال نص مليون - مليون جنيه ممكن تستثمره فى ايه بحيث يدر لك أكبر ربح ممكن وتبقى مليونير فى أقصر وقت ممكن ، رحلة سمبل بعد المليون

انا عن نفسى ممكن أفكر فى الذهب/الأدوية ، نظرا ً لأن اسعار الذهب هترتفع أواخر 2008 وبداية 2009 ارتفاع ملحوظ ، وشركات الأدوية اللى بتكسب ربح بنسبة تصل احيانا ل 40 و 50 % ، بس بصراحة انا معنديش خبرة خالص ، ولو دخلت شريك مع معرفة يقدر يشغللى فلوسى ياترى ايه الضمانات اللى الواحد ممكن ياخدها للحرص وتجنب طرق النصب والاحتيال ، مش مشكلة الواحد يتعلم بدل ما يركن الفلوس او يحطهم فى وديعة متعرفش بقى اذا كان حلال ولا حرام ، فأحسن حاجة التوكل على الله والاستثمار بنفسك وما خاب من استشار.

أكتر حاجة ممكن تخاف منها النصابين اللى ملوا البلد ، لدرجة إنى فكرت فعلا استثمر فلوسى فى الخارج ، انا ليا قرايب كتير فى الإمارات دبى والعين ، ياترى حد حاول يستثمر فلوسه فى الخارج يحكيلنا عن تجربته؟.

مساء الخير،

قرأت باهتمام شديد مساهمات الاعضاء فى هذا الموضوع و أريد أن أعلق عليه فى شكل نقاط بسيطة و أرجو أن تتقبلوا اعتذارى عن عدم الاطالة لضيق الوقت.

1- الذهب مثله مثل أى سلعة معرضة لتقلبات الاسواق العالميه و لكن ميزته أنه يحميك من التضخم و التقلبات الاقتصادية المحلية مثل تقلبات اسعار الصرف و خلافه (فقط).
2- صناعة الادوية فى مصر غير مربحة، هذا اذا كنا نتكلم عن العقاقير الطبيه أما المكملات الغذائية nutritional supplements فهى مربحة. تجارة الادوية غير مربحة كذلك.
3- لا يوجد شىء فى الدنيا اسمه بنك اسلامى- الموضوع كله استغلال للبسطاء و للراغبين فى راحة ضمائرهم حتى و ان كذلك عن طريق الوهم، لك أن تتفق أو تختلف و لكن أنا أتكلم من منطلق خبرة مصرفية جيدة و الحمد لله.
4- البنوك التجارية العادية: فى ظل البيئة التضخميه التى نعيش فيها حضرتك ستخسر اذا أودعت نقودك فى البنك، و اللى حضرتك مثال توضيحى و لكن اعتذر لانى سأكتب بعض المصطلحات باللغة النجليزية لعدم تأكدى من المرادف بالعربى:

معدل الفائدة الحقيقى= nominal interest rate- معدل التضخم. و عليه، فاذا كان البنك يعطيك 8% و معدل التضخم المعلن من البنك المركزى هو 23% فإن سعر الفائدة الحقيقى هو -15% (سالب 15%) أى أن كل 10 لالف جنيه تودعها تخسر منها 1.5 الف جنيه سنويا.
5- العقارات: من القطاعات الحساسة للتقلبات الاقتصادية الكبيرة.

نصيحتى هى توزيع المحفظة الاستثمارية كالتالى:
30% فى صناديق استثمار ذات نمو رأسمالى
25% ذهب
20% ودائع مصرفية ذات آجال مختلفة
20% عقارات- اراضى
5% سيولة نقدية (حساب توفير مثلا)

بالنسبة للشق النقدى للاستثمارات بعاليه يمكنك زيارة بعض المؤسسات المالية المتخصصة التابعة لبعض البنوك مثل CIB, HSBC فهم أقدر الناس على فهم اهدافك الاستثمارية investment goals و مساعدتك على تحقيقها بعض أن يطلعوك على درجة المخاطرة لكل سيناريو.