الموضوع: تغيير انوار فوج لكورولا 2014 بالتوكيل

بسم الله الرحمن الرحيم

النهاردة كنت في فرع العباسية بعمل صيانة ال 1000 كم عقبالكم كلكم و علي فكرة كان فيه عربيات كورولا 2014 كتيرة جدا بيغسلوها و يسلموها و كان في واحد بيستلم الهاي لاين.
انا معود العربية مع كل صيانة اروح ادلعها بأي حاجة من قسم الاكسسوار , المرة اللي فاتت ركبت الانذار المرة دى غيرت لمض الفوج لايت الاصلية اللي نورها مكنش مرضي بالنسبة لي مقارنة بموديل 2011.

الانوار الاصلية للعربية :

النوع Osram
القدرة 12V 19W
الصنع الماني
وصورها :

الانوار المركبة :

النوع Osram Night Breaker Plus
القدرة 12V 55W
الصنع الماني
السعر 113.6 جنيه للواحدة قبل الضرائب يعني الاثنين ب 227.2 جنية و بعد الضريبة 250 جنيه.
و اللي خلاني اجيبهم ان ده سعرها فعلا في حدود 32 الي 35 دولار.
ودى صورها :

بالنسبة للتحربة و الفرق هقولكم عليه لما اجربها بالليل , انا خليته يركب واحدة عشان اقارن مبينهم بس للأسف في الورشة كنا الصبح و الأضاءة قوية جدا فمش قادر اقارن كويس بس رغم كده كانت باينة الفروق و لونها ابيض عن الاصلية اللي كانت راكبة.
و تركيبها بيحتاج فك جزء من الاكصدام الامامي الجانبي ناحية الرفرف و لكن فكهم و تركيبهم نضيف جدا رجع زى الاول و العربية مفيهاش خربوش ماشاء الله عليهم.
زمن التركيب نصف ساعة بالضبط.