بخصوص ميجان ٢٠٠٦

**tarek_asem** · 10-12-2013 01:27 PM

السلام عليكم ورحمه الله وبركاته
أنا ان شاء الله نويت أجيب ميجان مستعمله بس سامع ان الفتيس بتاع موديل ٢٠٠٦ و ٢٠٠٧ فيه مشاكل ،،،، هل الكلام ده صحيح ؟ ولو صحيح آيه درجه العيب ده ؟ يعني يتصلح بكام وكدة ! و باريت لو حد معاه ميجان بيبيع يقول لي

**solly1979** · 10-12-2013 01:56 PM

اولا مافيش مشاكل ولا حاجه كان فى زمان فى 2005 و 2006 ونزله سوفت جديد والموضوع خلص تماما
بس حضرتك هتتعب شويه حلوين عبال متلاقى واحدة نظيفه لان الى معاة واحد نظيفه مش ممكن يبعها لان بسعرها يدوب يجيب فيرنا ثقافة شعب

المهم الكشف فى التوكيل او مركز خدمه معتمد وربنا يوفقك

**tarek_asem** · 10-12-2013 04:05 PM

طمنتني ربنا يكرمك .. لقيت واحده بس للاسف انا برة مصر ومش هنزل مصر قبل شهر واعتقد صاحبها صعب يستناني .. هيستنى ليه يعني عشان سواد عيوني !

**Ahmed Koller** · 11-12-2013 02:35 AM

مفيش اى مشاكل . انا ركبتت 2006 و 2009 والحمد لله مفيش مشاكل

**Shiref_mohamed** · 11-12-2013 10:49 AM

المشاركة الأصلية كتبت بواسطة tarek_asem

طمنتني ربنا يكرمك .. لقيت واحده بس للاسف انا برة مصر ومش هنزل مصر قبل شهر واعتقد صاحبها صعب يستناني .. هيستنى ليه يعني عشان سواد عيوني !

استاذ طارق موضوع البيع والشراء ده نصيب ولو لويك نصيب في حاجه هتاخدها إن شاء الله وادعو الله ان يوفقك للخير
اما موضوع الفتيس فده فتي من الشعب المصري الي بيعشق الفتي في الى يعرفه والى مايعرفوش الموضوع كله زي مالزميل وضح (Software upgrade ) والتعديل اتعمل في كل موديلات 2005 و2006 الى متابعه صيانه في التوكيل حتى من غير العميل مايطلب .
والتعديل ده عباره عن Modify في Fuel Maps لتقليل عزم الموتور لحظة النقله عشان يخفف موضوع Hard Shift الى كان بيحصل بين الغيار الأول والتاني .
الفتيس DP0 واحد في الميجان من اول مانزلت وربنا يهد الشعب المصرى الى دماغه شغاله واصلي

**medo_molto** · 11-12-2013 06:28 PM

الناس دى بتقول كلام من الاخر وتوكل على الله عربية محترمة جدا جدا بجد

**tarek_asem** · 13-12-2013 12:17 PM

طيب عشان مبقاش جاهل ..... عندي شوية اسئله
ستارت انجين والكارت موجود ف كل الفئات ولا لا
سنسورات المطر والنور موجودين ف انهي فئة
الزينون ف انهي فئة
هل البانوراما معاها دايما فتحه سقف ولا مش شرط
هل البانوراما اعلى فئة اللي الاقي فيها كل حاجه ولا مش شرط
اعذروني لاني برة مصر وبقالي شهر بدور عالعربيه من النت عشان لما انزل اشتري على طول ففي حجات مش واضحه من الاعلانات

**Ahmed Koller** · 13-12-2013 02:45 PM

المشاركة الأصلية كتبت بواسطة tarek_asem

طيب عشان مبقاش جاهل ..... عندي شوية اسئله
ستارت انجين والكارت موجود ف كل الفئات ولا لا
سنسورات المطر والنور موجودين ف انهي فئة
الزينون ف انهي فئة
هل البانوراما معاها دايما فتحه سقف ولا مش شرط
هل البانوراما اعلى فئة اللي الاقي فيها كل حاجه ولا مش شرط

اعذروني لاني برة مصر وبقالي شهر بدور عالعربيه من النت عشان لما انزل اشتري على طول ففي حجات مش واضحه من الاعلانات

الكارت موجود فى كل الفئات
سينسور المطر والنور في كل الفئات
مابتنزلش بزينون . انت لو حابب زينون ركبه علي حسابك
البانوراما هي فتحة السقف . بس بنظام بانوراما
ممكن تلاقي عربيه بانوراما بس من غير مثبت سرعه او فرش جلد .
اتمني أكون وصلتلك المعلومه وشكرا

**dedo_ryo** · 13-12-2013 03:03 PM

بص انا هتكلم عن علي موديلات لغايه 2006 " Phase 1 "
الفئه الاولى مانيوال حساسات مطر و اضاءه , 6 ايرباج , ABS , كارت و Start Engine , طاسات , كاوتش 15 , كمبيوتر رحلات و معدل الحرق و متوسط الاستهلاك
الفئه الاولي اوتوماتيك نفس اللي فات بس اوماتيك
الفئه التانيه اتوماتيك نفس اللي فوق بس زياده 4 جنوط سبور 16 انش , اوكر نيكل من الداخل و الخارج
الهاي لاين نفس اللي فوق و زياده تكيف تتش و فتحه سقف بانوراما و تابلوه مطعم بنيكل و في بعض الحالات فرش جلد بيج و مثبت سرعه و محدد سرعه