نيو صني ولا اكسنت rb ولا كيا ريو

**mhkorayem** · 11-12-2013 01:50 PM

المشاركة الأصلية كتبت بواسطة ALshahba

بيقول لحضرتك انه حيشتريها لزوجته ..... يعني مش محتاجه شد و تسارع
معلش اخوك متحيز شويه للريو هههههههه
طبعا انا متفق جدا معاك فى موضوع الصني العجيبه دي ولا كمان القديمه , كانت معايا فى السعوديه(الخليجي) وكانت عفشتها سيئه جدا
بس فعلا استهلاك البنزين للريو قليل ومش عالي

ولا يهمك تحيز زي ما انت عاوز أنا كنت زيك كده لحد ما قررت أشتري وبدأت أدور وأدعبس بشكل أكبر
شوف يا سيدي
الريو شكلاً أشيك وكوكيل أفضل (بس أغلى شويه)
بس لما ركبت الاتنين لقيت الريو ضيقه أكتر وخاصه في الكنبه الخلفيه وزوايا الرؤيه فيها أصعب وخاصه في الركنه مش بتبقى كاشف ظهر العربيه
بخصوص استهلاك البنزين ده اللي أنا وصلت له بعد سؤال ناس كتير (أنا كنت بوقف الناس اللي راكبه ريو في الشارع واسألها ومعظم الناس قالت استهلاك البنزين عالي وفي مهندس في مركز صيانه معتمد لكيا قال لي استهلاك البنزين فيها أعلى من الماتريكس الـ 1600 اللي معايا)
بخصوص الماتور طالما أنا كده كده هدفع فلوس ليه أركب عربيه ماتورها أقل وهي تقريباً بنفس السعر ده لو مكانتش أغلى وكمان مش هتوفرلي في البنزين. حتى لو مش غاوي شد وجري هيفرق في قوة السحب مع التكيف
وفي نقطه تانيه يمكن متفرقش مع ناس كتير بس تفرق معايا أنا وهي عدم وجود مؤشر حراره في الريو. الموضوع ده بالنسبه ليا من الضروريات مش أوبشن ممكن أتنازل عنه (مع العلم مؤشر الحراره موجود في الريو في الفئات العاليه بس الفئه اللي أنا كنت بدور فيها مكانش موجود)

أعتقد كده انا وضحت لك ليه أنا فضلت الـ rb عن الريو وده برضوا مع كامل أعجابي بالريو لحد دلوقتي بس الشراء بتحكمه تفاصيل تانيه

**ALshahba** · 11-12-2013 02:16 PM

المشاركة الأصلية كتبت بواسطة mhkorayem

ولا يهمك تحيز زي ما انت عاوز أنا كنت زيك كده لحد ما قررت أشتري وبدأت أدور وأدعبس بشكل أكبر
شوف يا سيدي
الريو شكلاً أشيك وكوكيل أفضل (بس أغلى شويه)
بس لما ركبت الاتنين لقيت الريو ضيقه أكتر وخاصه في الكنبه الخلفيه وزوايا الرؤيه فيها أصعب وخاصه في الركنه مش بتبقى كاشف ظهر العربيه
بخصوص استهلاك البنزين ده اللي أنا وصلت له بعد سؤال ناس كتير (أنا كنت بوقف الناس اللي راكبه ريو في الشارع واسألها ومعظم الناس قالت استهلاك البنزين عالي وفي مهندس في مركز صيانه معتمد لكيا قال لي استهلاك البنزين فيها أعلى من الماتريكس الـ 1600 اللي معايا)
بخصوص الماتور طالما أنا كده كده هدفع فلوس ليه أركب عربيه ماتورها أقل وهي تقريباً بنفس السعر ده لو مكانتش أغلى وكمان مش هتوفرلي في البنزين. حتى لو مش غاوي شد وجري هيفرق في قوة السحب مع التكيف
وفي نقطه تانيه يمكن متفرقش مع ناس كتير بس تفرق معايا أنا وهي عدم وجود مؤشر حراره في الريو. الموضوع ده بالنسبه ليا من الضروريات مش أوبشن ممكن أتنازل عنه (مع العلم مؤشر الحراره موجود في الريو في الفئات العاليه بس الفئه اللي أنا كنت بدور فيها مكانش موجود)

أعتقد كده انا وضحت لك ليه أنا فضلت الـ rb عن الريو وده برضوا مع كامل أعجابي بالريو لحد دلوقتي بس الشراء بتحكمه تفاصيل تانيه

اهلا بيك وشكرا لردك الجميل

فعلا عندك حق فى موضوع الكنبه الخلفيه الضيقه للريو
اما بالنسبة لمؤشر الحراره , عندك حق انه حاجه تنرفز انه مش موجود....بس صاحب الموضوع بيقولالريو هاي لاين كده يبقا اكيد فيها المؤشر

**toty_305** · 11-12-2013 04:04 PM

-new sunny

**medo-312** · 11-12-2013 06:32 PM

المشاركة الأصلية كتبت بواسطة mhkorayem

1- هيونداي rb (يفضل السيدان عشان الانتشار مش أكتر ومش هتحتاجه غير لو لاقدر الله حادثه وعاوز تغير فانوس ولا شنطه أو كلام من ده لكن الميكانيكا واحده)
2- كيا ريو (مش وحشه وشيك جداً بس الماتور أضعف واستهلاك البنزين أعلى)
3- نيو صني (نصيحه بلاش منها في كلام كتير عن مشاكل أنت في غنى عنها) ممكن الصني الشكل القديم أفضل لو لازم صني

الأكسنت اسأل اى واحد فى المعارض هايقولك ابعد عنها احسن وللأمانة كلامى ليس عن تجربة وممكن تكون عربية كويسة مع احترامى لملاك العربية .. استهلاك البنزين فى الريو لو متابع اتعمل تعديل فى السوفتوير وبيقلل استهلاك البنزين وبيتعمل طبعا فى التوكيل .. الصنى مش عارف ايه مشكلتها معاك .. كل اللى سمعناه ان تيل الفرامل فى دفعات 2013 سىء والتوكيل بيغيره فورا من غير ولامليم .. غير كده مافيهاش اى شكوى وانا معايا 2014 والحمد لله زى الفل مش لاقى فيها مشكلة توحد ربنا

.. ياباشا سيبك من كلام الناس وحكم عقلك وشوف انتشار العربية وكمان عليها حجز بالشهور واحكم على العربية عن تجربة مش بكلام الناس

**drcobra** · 11-12-2013 09:19 PM

انا معايا ار بى 2012 اشتريتها بعد ما استنيت الريو الهاتشباك 6 شهور لكن للاسف معجبتنيش اوى بالرغم من ان تقفيل الريو افضل من الار بى حسيت الريو صغيرة اوى اول مرة شوفتها فى معرض اوتوماك الاهرام افتكرتها بيكانتو

**medo-312** · 12-12-2013 12:18 AM

المشاركة الأصلية كتبت بواسطة drcobra

انا معايا ار بى 2012 اشتريتها بعد ما استنيت الريو الهاتشباك 6 شهور لكن للاسف معجبتنيش اوى بالرغم من ان تقفيل الريو افضل من الار بى حسيت الريو صغيرة اوى اول مرة شوفتها فى معرض اوتوماك الاهرام افتكرتها بيكانتو

ياراااااجل هاتجيب الريو للبيكانتو !!!!