لادا سمارا مشكلة

**hatsat** · 10-12-2013 11:36 PM

العربية تنتيش جامد فى السرعات وتقطيع وعدم انتظام لدوران المحرك على السلانسية
وتبدء رحلة العزاب مع الصنيعية

فنى الكاربيراتير خلع النص العلوى من الكاربيراتير ونظفة وكمان رفع كهربة الاسبراتير وغير البوجيهات علشان طبعا كانت مهببة مع انها متغيرة من شهرين بس
النتيجة/ يومين تشتغل كويس وبداءت ترجع زى ماكانت بل اسوء روحت لفنى الكاربيراتير تانى نظف البوجيهات وظبط هوا و اشتغلت كويس يوم ورجعت تانى رجعتلة قالى الكاربيراتير بياخد هوا طيب اظبطة قالى هياخد هوا تانى لان المجرى الداخلى بتاعة مش كويس المهم يعنى هنعمل اية قالى هات واحد استيراد ونركبة

دلوقتى طبعا كل شوية افك البوجيهات وانظفها واركبها ولاحظت انة بيقى عليها هباب وبنزين نى لم يتم حرقة وبخاصة البوجية الاول والبوجية الاخير

روحت للميكانيكى وافتى ان العيب من الاسبراتير وانة مبيديش شرارة كويسة للبوجيهات عشان كدة مبتحرقش بنزين كويس وتهبب وتنتش

طبعا كلنا عارفين ان الاسبراتير بتاع السمارا الكترونى وبصراحة ان عمرى ما اشتكيت منة المهم الميكانيكى قالى نعدل الاسبراتير ونجيب اسبراتير عادى ابلتين وكوندينسر يعنى بمشملاتة ونركبة متعلل ان على طول الاسبراتيرالالكترونى بتاع السمار بيعمل كدة

دلوقتى انا محتار ومش عاوز اصرف فلوس بدون نتيجة

الكاربيراتير الاستيراد اجيبة منين وفى حدود كام وهل اغير الاسبراتير الالكترونى لعادة ولا اعمل اية بالظبط
وبعدين المشكلة فى العربية دية ان الميكانيكية والكهربائية بيشتغلو فيها بقرف مش عارف لية يعنى يحسسك انة بيخترع فلو حد يعرف حد فى الجيزة او فيصل اوالعمرانية كويس بيشتغل فيها يفدنى ياريت

خالص شكر

**hatsat** · 13-12-2013 11:45 PM

من الواضح المشكلة عويصة فينك يا اخ شنورى

**amro1965** · 15-12-2013 11:11 AM

البوجية بيخرج مهبب ده كرابراتير بدون نقاش
وبيجعلك تستهلك وقود زياده
بالنسبه للتنتيش
شيك على كابلات البوجيهات ممكن تكون مبوشه واتصالها بالبوجيهات غير جيد وده اللى بيحدث تنتيش السيارة
والله اعلم

**zamek** · 15-12-2013 07:29 PM

حط علبه منظف كربراتير ب 40 ةجنيه من ليكي مولي علي تفويله بنزين هتمنع الهباب علي البوجيهات و هتمنع التنتيش جرب قبل ما تدوخ مع الصناعيه

**SHNORY** · 15-12-2013 10:27 PM

المشاركة الأصلية كتبت بواسطة hatsat

من الواضح المشكلة عويصة فينك يا اخ شنورى

موجود يا باشا وتحت امرك
لو العربيه لما تسخن بتحس انها بتنتش وبتتلت
غير اسلاك البوجيهات
وعلشان تعرف ان كانت مهربه ولا لا بكل بساطه افتح كبوت العربيه في الضلمه حتلاقي فيه شرارات بتطلع من اماكن القطع وبتضرب في جسم العربيه
او امسك مفك طويل من الجزء المعزول وامشي بيه علي الاسلاك في الضلمه برضه
لو لقيت شرارات بتطلع تضرب في المفك يبقي السلوك مقطوعه
العيب دا حصل معايا قبل كده ولما غيرتهم بقت زي الفل
وانت علي السلانسيه تحس ان فيه تقطيع زي النبضات كده
وبص علي طرمبه البنزين
وطالما حضرتك قولت انها بتعمل كده علي السرعات العاليه يبقي بتعمل كده لما العربيه تسخن مش لما العربيه تجري
لو العيب من الاسبراتير ففيه حاجه بتتغير جواه انا مش فاكر اسمها ايه بس غيرتها قبل كده
بنفس وظيفه الابلاتين العادي
ومتغيرش وتحط اسبراتير عادي وروح لصنايعي محترم
مش علشان هو مش فاهم يلبسك في الحيط
وتحت امرك في اي وقت سواء هنا او علي الموبايل
دي نمرتي
01223145607

**hugan** · 16-12-2013 07:12 PM

كلام بتاع الكاربراتير هو الاقرب للصح
اوعي تغير الاسبراتير باسبراتير عاده
ومفيش حاجه ف مصر اسمها تصليح كربراتير كلهم نصابين
الكربرتير باظ غيره بواحد استيراد او جديد توفيرا لتكلفه الاصلاح المتكرر بدون فائده

**SHNORY** · 16-12-2013 07:31 PM

المشاركة الأصلية كتبت بواسطة hassanin_lada

المشط ياباشا

شوف حال تطبق كلام ستاذ شنيوري لو طلع العيب هو اللي بيقولك يبقي الحمدلله

لو ماطلعش يبقي تحاول تشوف حد معرف يعرف واحد بتاع قطع غيار استيراد بحيث انك تجرب من عنده الاسبراتير مقابل انك تيديلو مبلغ بسيط يعني 20 او 30 جنيه (مش مشكله الاهم نوصل للعيب)

لو العربية مشيت زي الفل يبقي الحمدلله تروح ترجع للراجل القديم وتجيب واحد جديد او اللي تستريحله)

لو العيب رجع يبقي كاربرتير وده لازم يتغير ماتحولش تصلح فيها وانشألله تطلع حاجه بسيط وخد رأي كذا ميكانيكي

لو قصدك بالمشط الكارته بتاعه الاسبراتير
فدي بتضرب علطول علي ما اظن مش بتهيس وتعمل التقطيع ده
وسبب ضربها ان بيكون فيه طرف هربان من الارضي في الفيشه بتاعتها

**SHNORY** · 21-12-2013 04:23 PM

فين صاحب المشكله ؟؟؟

-

-

الموضوع: لادا سمارا مشكلة

LinkBack

أدوات الموضوع

عرض

-

-

-

-

-

المواضيع المتشابهه

مشكلة لادا سمارا

مشكلة لادا سمارا

لادا سمارا مشكلة سخونة

مشكلة فى لادا سمارا

مشكلة مرايات لادا سمارا .

الكلمات الدلالية لهذا الموضوع

المفضلات

المفضلات

ضوابط المشاركة