بسم الله الرحمن الرحيمانا معايا لوجان اوتو 2013 بقالها شهرين ونصف وعامل بيها حوالى 5700 كم وهحاول ارد على استفساراتك على قد مأقدر
1. السحب: طلعة العربية بطيئة نسبيا بتحتاج سنة بنزين زيادة غير كده كويسة جدا خصوصا بعد سرعة 80 بتبقى ممتازة. التكيف مش بيقلل السحب بصورة ملحوظة
2. الثبات: ممتاز جدا بالنسبة لعربية فى فئتها السعرية. انا ببقى ماشى 120 معظم الوقت. وجبت بيها لحد 160 وكنت مستريح جدا
3. الفرامل: ممتازة بس المشكلة الكاوتش سئ جدا وبيزحف لازم يتغير
4. العفشة: مريحة جدا خصوصا لما تضبط ضغط الكاوتش ويا حبذا لو نيتروجين.
5. الفتيس: فتيس استبترونيك 4 سرعات سهل جدا فى التعامل. بعض الاعضاء بيشتكوا من نتشة، الصراحة انا محستهاش بس ساعات النقلة بتبقى محسوسة. الاستببترونيك بياخد حوالى ثانية عشان ينقل!!!
6. الكيك داون: موجود واستجابته ممتازة.
7. استهلاك البنزين: جيد جدا. انا بافول بحوالى 65-70 جنيه مرة فى الاسبوع مع العلم ان مشاويرى طويلة من حدائق الاهرام للمعادى او مدينة نصر 3-4 مرات اسبوعيا. تقريبا الاستهلاك حوالى 9.8 لتر/ 100 كم فى الزحمة و 7 لتر/ 100 كم فى الطرق السريعة.
8. قطع الغيار: اعتقد متوفرة.
9. بالنسبة لسعر العربية اللى معروضة على حضرتك: معرفش اسعار المستعمل.
10. مميزات اخرى:
- الصالون واسع جدا
- الكراسى مريحة جدا
- التكيف مرضى جدا بالنسبة ليا
- الشنطة واسعة جدا جدا
- ارتفاع العربية ممتاز. صعب انها تحك فى اى مطب
- كاسيت mp3 و usb وبلوتوث
- مالتى فنكشن للتحكم بالكاسيت والموبايل
- فوانيس شابورة امامى وخلفى
- كمبيوتر رحلات
- ايموبلايز
11. عيوب: بتاخد وقت على ماتتعود عليها
- زراير الزجاج اماكنها غريبة
- الكلاكس فى دراع الاشارة زى اى عربية فرنساوى
- الشنطة متتفتحش من جوة العربية
- تنك البزين بيتفتح بالمفتاح
فى النهاية ارجو انى اكون قدرت افيد حضرتك
المفضلات