الموضوع: ناويت اشتري فيكترا b2 تاني قصه عشق ممكن!!!!

مممممممممم ....لازم تعقدنا يعنى ؟!
بس كويس انى مش لوحدى بقا .. اصل انا كتير اوى باقعد افتح فيديوهات و صور و حوارات للعربيه دى .. يعنى متعقد خلقه :]

وبعدين خدت بالك ان التاريخ فى العربيه كان فى شهر 11 سنه 2012 ! يعنى العربيه بالحاله دى من سنه تقريبا !!ماشاء الله فعلا .

تقدر تقول ان أغلب العربيات إن لم يكن كلها حالتها هناك كدا
ولو عايز تعقد نفسك فعلاً ، اتفرج على فيديوهات الفك والتركيب ، الميكانيكي هناك بدرجة دكتور مهندس مقارنة باللي عندنا اللي بيشيلوا ترموستات الكوعة من تلقاء نفسهم ويقولك بيسخن العربية !

أخ عبد الرحمن
مافيش مشكلة ان العربية تكون معدلة ، لأن الأوبل مجهزة لكل التعديلات ديه ، بس انك تقرأ أكتر من ايرور ، فماظنش انها هاتريحك بعد كدا ، تقريبا كدا ده مش تعديلات دا اسمه عكات جمع عك
يعني لو كان التعديلات ديه كلها صح مكانش ظهرلك الاخطاء اللي بتقول عليها
بالنسبة للموتور عدله ولا زي ماهو ؟

المشاركة الأصلية كتبت بواسطة MaaM

تقدر تقول ان أغلب العربيات إن لم يكن كلها حالتها هناك كدا
ولو عايز تعقد نفسك فعلاً ، اتفرج على فيديوهات الفك والتركيب ، الميكانيكي هناك بدرجة دكتور مهندس مقارنة باللي عندنا اللي بيشيلوا ترموستات الكوعة من تلقاء نفسهم ويقولك بيسخن العربية !

اتفق معاك تماما .. ابسط حاجه بادخل على e bay بلاقى حالات غريبه زى متكون زيرو فعلا ..

مش عارف ليه عندنا كده .. لسه كنت مع واحد صاحبى بلانسر والميكانيكى اللى راحله شغال فى اوبل و معلق يافطه وبتاع .. قاله انه يشيل ترموستات الكوعه و ال ايه يشترى دماغه !! فى لانسر يا اخواننا .. اللى هو (صاحبى ) كان بيشتكى اصلا من انه مستكتر الدقايق عشان يسخنها قبل مايطلع الصبح ..طبعا لاتعليق ..واطمن مش هيروحله تانى

اسف مستر عبد الرحمن على التعليقات اللى بعيده شويه عن الموضوع .. بس رأيى من راى محمود باشا .. خليك فى حاجه على ابوها زى مبيقولو افضل .. وطبعا مش طالبه ايرورز كمان ..