ما احنا حلينا المشكلة دي في المشاركة رقم 77 !
عموما لو الفيديو الأولاني مش واضح ممكن تشوف ده كمان
https://www.youtube.com/watch?v=FH8U5lMfjXc
ما احنا حلينا المشكلة دي في المشاركة رقم 77 !
عموما لو الفيديو الأولاني مش واضح ممكن تشوف ده كمان
https://www.youtube.com/watch?v=FH8U5lMfjXc
لا أبدا مفيش تعب ولا حاجة بس كنت توضحلي انك متعرفش تفتح فيديوهات علشان أشوفلك حل غير الفيديو
للأسف مينفعش تشتغل أدسنس مستضاف على ووردبريس ، كنت نصحتك بيه من البداية لأنه أفضل طبعا من البلوجر بس المشكلة ان بلوجر تبع جوجل اللي هي تبع أدسنس برده ! يعني زيتهم في دقيقهم :)
عموما الحل سهل هقولك عليه
انت في كل بوست بتنزله هتلاقي Labels ، كل مقالة حط الـ Label بتاعها اسم الـ category اللي يخصها
مثال: عندك مقالة رقم 1 عايزها تبقى تبع التصنيف رقم A يبقى وانت بتكتب المقالة ؛ في خانة Labels اكتب A وهكذا
بعدين عندك في الأوبشنز Layout افتحها واختار Labels ، في الـ Title اكتب Categories في الـ Show علّم على Selected Labels ولو عايز كل تصنيف يبقى مكتوب جنبه عدد كل بوست فيه يبقى علّم على Show number of posts per label وبعدين Save
بعدين اسحب الـ Gadget بتاعة الـ Categories اللي لسة عاملها وحطها في المكان المناسب ليك في المدونة (فوق ، على الجنب ...)
بس كده
أتمنى إني أكون بدلك صح لأني نقلتلك اللي موجود في الفيديو لكن مجربتش بصراحة لأني زي ما وضحت مش بستعمل بلوجر بس إن شاء الله يظبط معاك ولو مظبطش قولي ميهمكش
انا عايز اعمل البلوج بالشكل ده اللي في الصورة :
http://nileup.com/up/uploads/nilemotors_13921673791.png
عايز اقسم لموضوعات رئيسية جواها موضوعات فرعية
و اعمل قايمة رئيسية فيها المواضيع و sub menus يكون فيها المقالات الفرعية ...
هجرب الطريقة اللي انت كاتبها و اشوف هوصل لايه ....
بس المنظرالعام كده بيقول ان الحوار ده مش هينفع و هبقى مضطر اني استخدم جملة مع سخافة التفاصيل اللي فيها او اخد وردبريس في موقع استضافة عادي مش من الموقع بتاعه ....
انا فتحت الموقع اللي انت كنت حاطه في موضوع تاني و اظن انه بتاعك
الخطة..أدسنس
لقيت ان الاعلانات مش من جوجل ادسنس .... دي من شركة اسمها حسوب ...
انت مش رابط جوجل ادسنس مع وردبريس ؟
لأ الموقع مش بتاعي ده بتاع م/ أمير عادل من أشهر الناس في أدسنس على مستوى الوطن العربي
هو شغال في حسوب بس حاطط إعلانات حسوب وأدسنس في نفس الوقت
مينفعش تشغل أدسنس على أي موقع غير الدومين المربوط ببلوجر غير لما يكون عندك حساب أدسنس كامل مش مستضاف وده صعب جدا الموافقة عليه حاليا لكن المستضاف اللي بيشتغل مع بلوجر ويوتيوب غالبا بيتوافق عليه بدون أي مشكلة
للأسف مفيش حل غير إنك تكمل مع بلوجر لو عايز تربح من خلال أدسنس فحاول تتعب شوية معلش ودور على جوجل عن أي مشكلة تواجهك وبص في قسم المساعدة أكيد هيفيدك وجرب برده الشرح اللي قلتلك عليه وقولنا النتيجة
لو سمحت ياابو اسر انا عملت بلوج MicroController learn كنت عاوزك تقولي رأيك فيها ......... وعملت ليها كمان صفحة على الفيس كنت عاوزك تقولي ايه افضل الطرق لأشهار البلوج والحصول على زائرين وشكرا
آسف على التأخير أخي الباشمهندس محمد
بالنسبة للمدونة فهي جميلة ونافعة جدا في مجالها
لكن لي عدة ملاحظات يسيرة:
1- لو الصور الموجودة بالمدونة تم تنزيلها من على الإنترنت بدون معرفة ما إذا كانت لها حقوق أم لا فأنصحك بحذفها واستبدالها بصور يمكن إعادة استخدامها تجاريا كما في الشرح التالي حتى لا يتم حظر حسابك من جوجل والموافقة على أدسنس في حالة التقديم على حساب أدسنس
طريقه البحث عن صور بدون حقوق نشر للتعديل عليها واستخدامها بمدونتك
2- حاول أن تختار قالب أكثر وضوحا بلونين مثلا يميز القائمة الجانبية عن باقي محتوى الصفحة لأني حاسس إن كله سايح في بعضه :)
3- لا تجعل كل التدوينات ظاهرة في الصفحة الرئيسية بكافة تفاصيلها ولكن اجعل مقتطف من أول كل تدوينة ثم أضف رابط لإكمال قراءة التدوينة في صفحة أخرى
أما بخصوص طرق الترويج للمدونة فاقرأ المقال ده مفيد جدا
طرق الترويج للمدونات الربحية - الخطة..أدسنس
لكن قبل ما تروج للمدونة حاول تقدم على حساب أدسنس مستضاف أولا وأضف الإعلانات في المدونة علشان تقدر تستفيد من الزيارات اللي هتجيلك ومتضيعش هباء
ازاي اخلي البوستات يتعرض سطرين او تلاتة منها بس في الصفحة الرئيسية بدال ماتطلع كلها ؟
ازاي اخلي البوست على كذا صفحة مش صفحة واحدة ؟
عايز رايكم في البلوج :
Calcium Carbonate
لأ كده بقى أنا هضطر أعمل مدونة على بلوجر :)
بص يا سيدي
هتقف عند السطر اللي عايز تنهي عنده الجزء المعروض من البوست في الصفحة الرئيسية وتضغط على الأيكونة الموضحة بالصورة التالية واللي اسمها insert jump break
http://oi57.tinypic.com/9601fd.jpg
أما بخصوص تخلي البوست على كذا صفحة فالموضوع صعب لأن مفيش plugin ولا feature في بلوجر بتتيح عمل الموضوع ده زي الووردبريس ، مفيش غير تعديل وإضافة أكواد معينة للبوست اللي عايز تعمل فيه الموضوع ده والصفحة دي فيها شرح الموضوع ده لو عايز تجرب
(اضغط على page 2 أسفل البوست)
How To: Split, Paginate Long Blog Post In WordPress, Blogger/Blogspot, and Tumblr | Mobile Web and Computing Tips
أخيرا البلوج جميلة وألوانها كويسة وأنا من عشاق اللون الكحلي والأزرق
لو عايز تعمل جدول في البلوج :
TABLEIZER! -- Spreadsheets to HTML Tables Tool
1- تعمل جدول و تملاه في وورداو اكسيل
2- كوبي الجدول و تحطه في الصفحة اللي فوق
3- تدوس tablize it
4- هتاخد كوبي من الصفحة اللي طلعت
5- في البوست هتختار و انت بتكتب html
6- تحط التاجز اللي خدتها من صفحة tablize it
انا عاملك دوشة في الموضوع .....
الزرار ده انا جربته و معملش حاجة ... هجرب تاني كده و اركز معاه وهجرب الطريقة اللي في اللينك ...
البلوج حاسس انه مبهوق كده و مش ملموم ... لقيت تمبليت حلوة بس مش عايز اشغل نفسي بيها الا لما اخلص المواضيع الرئيسية ...
عملت اناليتكس و ادسنس ..
و عملت بلوج وردبريس و ربطته بادسنس بس لسه معملتش مقالات فيه قلت اما اخلص البلوجر اسحب المواضيع منه عن طريق بلج ان في الوردبريس ...
عشان نقارن مع بعض الاتنين و نشوف هنرسى على مين فيهم ...
لا أبدا مفيش دوشة ولا حاجة أنا عامل الموضوع ده للمساعدة في المجال ده
بخصوص أيكونة تقسيم البوست جرب متصفح تاني يمكن تكون المشكلة من المتصفح ولو بتستعمل إنترنت إكسبلورر أنصحك تنساه وتخليك في جوجل كروم
بس اتأكد الأول إنك بتعلم بالماوس على المكان اللي عايز البوست يتقسم فيه وبعدين اضغط على الزرار لحد ما يظهرلك الخط الرصاصي المنقط زي اللي في الصورة
مدونة الووردبريس مش هيظهر فيها إعلانات أدسنس زي ما قلتلك قبل كده إلا لو رقيت حسابك لحساب عادي والمسألة دي مش سهلة لكن جرب بعد ما تخلص المدونة خالص ابقى قدّم على حساب عادي وربنا يكرمك ويتوافق عليه
بصراحة بلوجر ده محدود جدا و عشان تعدل حاجة او تعمل حاجة بدماغك متعب جدا ....
تقريبا كده انا وصلت لقناعة اتي محتاج تمبليت مجلة عشان الموقع يتظبط معايا
الخلاصة هي حاجة من تلاتة
عايز تربح من أدسنس (حساب مستضاف) .. يبقى بلوجر
عايز تعمل موقع بغض النظر عن الربح .. يبقى ووردبريس (الكامل مش المستضاف على موقعهم)
عايز تجمع بين الاتنين اللي فوق .. قدّم على حساب أدسنس عادي مش مستضاف بس نسبة الفشل في الموافقة عليه تتجاوز 90% إلا لو عملت موقع مفيد جدا ونافع ومليان وبيقدم أفكار جديدة
أوبو اسر أنا ضفت برامج الافلييت عندي من شركة أمازون وعلي اكسبريس قولي اية رأيك المدونة وكمان إية أفضل الشركات في موضوع الافلييت علشان أنا كنت عاوز أضيف كمان hostgator ............. أنا ضفتهم لحد ما أخلص المدونة وأملاها كويس قبل ما أقدم على جوجل أدسنس ............. وشكرا جدا ياباشا
تمام كده يا هندسة
بخصوص الأفيلييت لو موقعك موجه لأمريكا بس فأعتقد أمازون كويس ولو عرفت مواقع تانية كويسة هبلغك
أما لو موقعك عالمي وممكن تروجله في مصر والوطن العربي كمان يبقى أنصحك تحط أفيلييت موقع بيت دوت كوم بتاع الوظائف
The Middle East's Leading Job Site - Bayt.com
متابع موضوع رائع جدا
وجزاك أخي الكريم مفيش تعب ولا حاجة
منصحكش تضيف إعلانات وأفيلييت كتير علشان الزائر مينفرش من الصفحة يكفي شركتين أو تلاتة بالكتير
ممكن تكتفي ببيت وأمازون وجرب الشركة دي من أشهر شركات الأفيلييت ClickBank
بخصوص منتديات مهتمة بالمواضيع دي فكتير طبعا لكن أشهرهم منتدى ترايدنت ومدونة الخطة أدسنس
عزيزي ابو اسر انا اخيراً ربنا كرمني وجبت كمبيوتر بعد سبع سنين اخيراً
المهم الكمبيوتر عليه ويندوز سبعه وعاوز انزل عليه فوتوشوب + ايسليتر + ان ديزاين فانزلهم ازاي او منين يا غالي وياريت cs5 ولو في حاجة نزلت اجدد شغال ومالو ... وتحياتي
حبيبي أبو تركي
ألف مبروك وربنا يعطيك خيره ويكفيك شره
أعتقد آخر إصدار دلوقتي لمجموعة أدوبي هو CC :O_stupid[1]:
مش عارف أدوبي قاصدينها ولا إيه بس ما علينا :Copy of m-s5:
ممكن تنزلهم من مواقع التورنت بس طبعا نسخ مكركة وانت وحظك في موضوع الكراك ويا يشتغل يا ميشتغلش
أو ممكن تنزل الإصدارات التجريبية لمدة 30 يوم
يرفع للتنشيط .....
عودا حميدا اخي الفاضل .. لك وحشه :)
يرفع للتذكير ....
يرفع للإفادة
في انتظار استفساراتكم