تقرير تغير زجاج ابيزا 94 امام كلاكيت تانى مرة

**mohammad isdf** · 11-12-2013 01:03 PM

السلام عليكم ورحمة الله وبركاته

ازيكم يا سيتاوية

كلاكيت تانى مرة تغيير البرفيز الأمامى للابيزا 94 بعد ان كسرهولى متظاهرى جامعة الازهر

الأمن بيركن عندنا فى البارك، وعربياتنا وراه

حدفوا عليه طوب وشماريخ ومولوتوف، ازاى عربيتى خد تلات طوبات وشامروخين ( باينين فى الإزاز )، واخدت طوبتين تلاته فى الكابوت شالوا البوية بالمعجون بتاعها. لسه الأعضاء بيتحايلوا عليا اروح لعصام عشان اطمن من موضوع تسريب المايه اللى عندى وقلت لما ربنا يبعت واهو روحت غصب عنى لبتاع الإزاز، قدر الله وما شاء فعل

روحت غيرته من عند محمود عمر فى شارع السودان بعد بنزينة موبيل وانت رايح على ميدان لبنان من المطار

تكلفته 380 جنيه لتانى مرة

ده صورة الإزاز القديم اللى كان بردوا جديد من قبل العيد

بعد كده هركن العربية بضهرها ، الأزاز الخلفى ارخص شوية

**Silent~Dream** · 11-12-2013 02:30 PM

فداك الازاز و حاول تركن بعيد شويه عن عربيه الامن بدل ما لقدر الله يتكسر تانى

**saddam** · 11-12-2013 03:14 PM

صديقي المواطن
قلبا وقالبا الحزن يملئنا من أجل مصابك وندعو الله أن يعوضك ويرزقك من أوسع أبواب الرزق ومتزعلش
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال