أيه رأيكم يا شباب أشتري سوبارو أمبريزا 2014 ولا ستروين c4 2014
عرض للطباعة
أيه رأيكم يا شباب أشتري سوبارو أمبريزا 2014 ولا ستروين c4 2014
امبريزا طبعا لان لو حد اتكلم معاك وقاللك قطع الغيار وسعر البيع الاتنين قطع غيار غاليه وسعر بيع ضياااع بس الامبريزا احلي كفايه انها ALL WHEEL Drive بس نصيحه من اخ لو نفسك تركب حاجه نضيفه يبقي الرينو فلوانس 2014 افخم منهم وقطع غيارها احسن وسعر بيعها حلو مش بتقع ماسكه نفسها
خليك في الياباني لو جبت تويوتا أحسن من الكل
بص يا باشا العربيتين جامدين و صفقة رابحة بكل المقاييس و هتحس انك راكب عربيات بجد ، السى 4 تصنيع و تقفيل فرنساوى ده غير شياكتها و الأوبشنز و الثبات اللى بيميز معظم العربيات الأوروبية ، السوبارو هى العربية الوحيدة و تعتبر Affordable دلوقتى اللى يابانى 100% تصنيع و تقفيل ، ده لا ينتقص من الكورولا طبعاً بس السوبارو وحش فعلاً ، و الفلوينس ممتازة جداً برضه من ناحية الراحة و الشيكة و الأوبشنز ، ده لو حبيت تدوس فى السيدان و تبعد عن الهاتشباك....
لا يا أحمد باشا اللى أعرفه ان ال Lancer EX أو الشارك زى ما بنقول عندنا بتتقفل فى تايلاند ، شوف اللينك ده:
Thailand is No 1 production base worldwide for Mitsubishi - The Nation
و لو معندكش دماغ تقرا المقال كله خد ال Paragraph ده:
"While Japanese production today is just enough to satisfy demand for the domestic market, and Japan may be the base for product and technology development, the export base is being relocated to other countries. Thailand is considered as the number one production base for Mitsubishi worldwide,"
Of the 126,000 vehicles it plans to sell this year, 55,000 will be Tritons, 25,000 Pajero Sports and 4,000 Lancers and Lancer EXs. The Mirage eco-car will make up the rest,"
و ده لا ينتقص منها عموماً هى عربية حلوة ، ما أنا معايا هوندا سيتى و معروف ان السيتى تصنيع و تقفيل مصنع هوندا فى تايلاند بس مش يابانية التقفيل لتوفير تكلفة الأيدى العاملة...
والله أول مرة أعرف وإن كنت شخصيا فهمت من المقال كله انه بيتكلم عن خطط مستقبلية للشركة... بس لو ده صح ليه بقى مش بيتقال من الوكيل -أو أي حد تاني- ان العربية تقفيل تايلاندي؟؟ وليه لما استلمت العربية افراجها الجمركي كان مكتوب فيه انها تصنيع ياباني؟؟ هي مش الكورولا الجديدة مثلا بيبقى مكتوب في ورق العربية ان بلد المنشأ تركيا؟؟ لو كده يبقى ازاي العربية دي تايلاندي ومش موضح حاجة زي دي في ورقها بل مكتوب ان بلد المنشأ هي اليابان؟؟؟
طبعا انا عارف ان ده لن ينتقص من العربية بس بصراحة بصراحة هتضايق جدا لو طلع الموضوع صح لعدم الشفافية من الوكيل ليس إلا...
لأ خالص ماتقفلش من العربية حتى لو التوكيل طلع بيكدب ، مع انها غريبة جداً انه يتكتب فى ورق الافراج الجمركى بلد المنشأ اليابان ، أنا اللى أعرفه ان بلد المنشأ دى المقصود منها بلد التقفيل و ليس البلد صاحب الماركة نفسها و يا ريت لو حد يفيدنا فى الموضوع ده ، و يمكن كانت الشحنات القديمة يابانى و الكلام ده هيطبق من الموديلات الجديدة ، بس عموماً ربنا يباركلك فيها و طالما العربية حلوة و عاجباك خلاص سيبك من التقفيل فين ، المهم مايبقاش تقفيل مصرى :E_braces[1]: