النهرده كلمنى مهندس من اوتو ايجيبت وقلى ان عربيتى من ضمن العربيات اللى فيها مشكله فى ماستر الفرامل وطلبوا منى انى اروح التوكيل عشان يغيروا الماتسر بتاع الفرامل
بصراحه توكيل محترم وشركه نيسان بتحافظ على سمعتها لما تكلم عملائها وتحللهم المشكله
عرض للطباعة
النهرده كلمنى مهندس من اوتو ايجيبت وقلى ان عربيتى من ضمن العربيات اللى فيها مشكله فى ماستر الفرامل وطلبوا منى انى اروح التوكيل عشان يغيروا الماتسر بتاع الفرامل
بصراحه توكيل محترم وشركه نيسان بتحافظ على سمعتها لما تكلم عملائها وتحللهم المشكله
وانا كمان كلمونى من اوتو ايجيبت و تغير سيشمل سيستم الفرامل بالكامل من اول التيل و الطنابير الى ماستر الفرامل و الموضوع سيستغرق من اربع الى خمس ساعات حسب تقديرات المهندس الى كلمنى
هيغيروا الطنابير والتيل كمان ؟؟
ده كان بناء علي شكوي سابقه ولا هما اتصلوا كده عادي
لا ماكنش فى شكوى مسبقة انا فوجئت بيهم بيكلمونى انهاردة وبيقولولى ان مصنع نيسان منزل تعديلات على سيستم الفرامل ومن ضمن الحاجات الى قالى عليها التيل و الطنابير و ماستر الفرامل بس انا مكنتش بشتكى من حاجة بس كنت قريت على النيت ان نيسان العالمية سحبت العربية من الاسواق علشان نفس المشكلة فاوضح ان الموضوع كبير
بصراحه شئ محترم من نيسان بس هما اتأخروا شويه في الموضوع ده
بس كده هيلخبطونا بقى ده أنا كنت نويت خلاص اخلص في الشكل القديم عشان المشاكل دي
طيب أعمل ايه أنا دلوقتي
انا عندى استفسار انا كنت بعمل صيانة 10000 و قالى المهندس ان السيارة عاوزة تغير تيل و طنابير امامية
بس مش موجوده ؟ اعمل ايه ؟ السيارة محجوزة هناك بتتصلح سمكرة و دهان خبطة فى الرفرف ؟ ربنا يحفظنا جميعا من الخبطات
هى العربيات أللى تم استدعاءها تصنيع بتاريخ كام
على حد معلوماتى ان مو 2013 هو اللى فيه المشكلة انما 2014 الموضوع اتحل فى معظم العربيات
منتظر رد حضرتك
الشاسيهات من بعد موديل 7000 اعتقد ان المشاكل دى محلولا فيها
دا كلام واحد صاحبى مهندس فى المصنع نفسه
hatahet
المعلومه دى صحيحه بنسبة كام فى الميه ؟
انا بجتها من اوتو ايجبت فى شهر ديسمبر 2012 وبعمل الصيانه فى اوتو ايجيبت برضو
برافو نيسان احلى حاجة فى الماركة دى توكيلها ربنا يديمة كدة على طول
بجد انا مبسوط ان فى توكيل محترم فى مصر
والله يا جماعه دا كلام من و احد صاحبى مهندس فى المصنع لكن الله اعلم
هي انواع ايه العربيات الي مطلوبة ؟ نيسان صني بس ولا موديلات تانية ؟
بعد اذنكم يعني ايه ماستر الفرامل ؟؟
ثانيا انا عربيتي تيدا 2012 هاتشباك بغير تيل وطنابير كل 5000 كيلو تقريبا !!!!!!!!!!!!!!!!!!!!!!!!!!
ايه رايكم ؟
على فكرة يا شباب انا غيرت التيل و الطنابير و الأتنين كاليبرز و ماستر الفرامل امبارح فى الضمان
و ياريت زى ما بننقض نقول اللى ليهم.
هي فعلا جودة التيل و الطنابير سيئة جدا بس مش لدرجة كل 5000 ممكن كل 20000 لو شغلك فى وسط االبلد زى حالاتى و تم تغيرهم فى الضمان عند 15000
و انا دلوقتى 30000 و غيرولى نظام الفرامل كله فى الضمان .
السيارة فعلا فيها عيوب كتير جدا بس هما بيصلحوها الصراحة .ممكن تتعطل عشان قطع الغيار مش متوفرة لكن بيجبوها.
لكن لو رجع بية الزمن مكنتش هشترى اول دفعة زى ما عملت كان ممكن تانى سنة للموديل عشان التعديلات اللى كل شوية يعملوها و معنديش وقت اروح التوكيل كل شهر و نص مرة.
فى المجمل اعتقد انهم عشان يغيروا كل نظام الفرامل يبقى عرفوا العيب منين و جتلهم الجراءة انهم يصلحوا العربيات بكل المبالغ ديه لأن تكلفة تغيير كل الحاجات دية اكتر من 5000ج
بس المشكلة الحقيقة ان مفيش مصارحة علانية بالموضوع زى مبيحصل فى العالم كله للريكول
لاكن كله فى الدرى و طبعا دفعين فلوس كتير للجرايد عشان ميكتبوش عنها.
هل يتم تغيير الطنابير امامى وخلفى
وهل يتم أيضا تغيير التيل أمامى وخلفى ونوعية التيل الجديد هل مختلفة أم نفس النوعية الرديئة
متابع
طب ياباشا ياريت تقولينا انطباعك اية بعد التغير و هل الفرامل فرقت و لا هيا هيا
ياريت تفاصيل اكتر والفرق قبل وبعد التغيير
توكيل نيسان مصر محترم و يستحق كل الاشاده ...
ما هو ده الغباء بنفسه
ما هما لو أعترفوا ان في مشاكل والناس حست انهم بيحلوها فعلاً مش مجرد كلام هتش وكل واحد وشطارته
كانت كل الناس اللي بتفكر تشتري حاجه تانيه ومقلقه من مشاكل العربيه كانت راجعت نفسها واشترتها وش لانها بالنسبه لكميه الاوبشنز اللي فيها صفقه جيده
بس نقول ايه بقى حتى لما عملوا حاجه كويسه بيعملوها في الخفا زي ميكونوا بيسرقوا
انطباعى بعد التغييرات ديه كلها ان كل مشاكل الصوت اختفت تماما
مكنش عندى مشكلة فى قوة الفرامل هى هى
تم تغيير الأجزاء الأمامىة فقط
فعلا نيسان شركه محترمه .. واوتو ايجبت توكيل محترم جدا
كان عندى مشكله فى التيل والطنابير الامامى صنى 2013 .. تم تغيرهم فى الضمان مع ماستر الفرامل والصاجه الخلفيه .. رغم عدم شكوتى من الصاجه الخلفيه إلا انهم غيروها .. كل ده فى الضمان .. بصراحه كل يوم بيزيد احترامى لنيسان وحاسس انى فعلا احسنت الاختيار .. اكرر شكرى وتقديرى لنيسان مصر واوتو ايجبت واتمنى لهم دوام التقدم والتوفيق
انا حجزت ورحت لاوتو ايجيبت الصراحه توكيل محترم جدا جدا وشغلهم كويس احسن من السبع
الشكوى كانت بخصوص ضعف الفرامل وصوت نحر والولاعه اكتشفت انها مش شغاله
تم تغير تيل وطنابير امامي وماستر فرامل علوي
ليا الحق في تغير بليه العجل الخلفي
اصلاح الولاعه
هي عمليه الصيانه طولت شويه بس الموضع كبير واكيد احتاج شغل لانهم بيطلعو يجربو العربيه وبترجع الصيانه تامي
العربيه بس اتوسخت من جوه بس مش مشكله وديتها مشحمه اتنضفت بره وجوه
الحمد لله ثقتي رجعت تاني للعربيه
أنا غيرت الطنابير التيل فى تبع الضمان قبل كدا واتصلوا بيا من 3 أسابيع لتغيير ماستر الفارمل (وهو عبارة عن البستم المسئول عن ضخ زيت الفرامل لمنظومة الفرامل ) والتعديل كان عبارة عن تغيير البستم لزيادة مشواره عن القديم ودا حسب كلامى مع مهندس التوكيل وانا بستفسر عن المشكلة ولكن الفرامل معايا بقت سيئة عن الأول بدوس فرامل والعربية تاخد مسافة أطول لغياة ما توقف واتصلت بيهم وهاروح تانى يوم الخميس القادم إن شاء الله