استفسار ضروري جدا من ملاك و محبي بيجو
السلام عليكم يا اهل البيجو انا جديد هنا في المنتدي و عاوز استفسر من مالكي ال 301 عن شوية حاجات
مبدأيا انا معايا فيرنا 2007 اوتوماتيك و عربيتي عاملة 27 الف كيلو من ساعة ما جبتها لحد النهاردة و المسافة من بيتي لحد الشغل حوالي 7 كيلو رايح جاي و ما سافرتش بيها خالص لاني من اسوان و السفر بالعربية مشوار طووووووووووووووووويل جدا يعني استخدامي للعربية خفيف جدا و كنت عاوز اغير لبيجو 301 لاني شايف انها عربية هايلة و تستاهل كل مليم هادفعه فيها بس طبعا موضوع الصيانة و قطع الغيار في اسوان عاملي قلق كبير خصوصا ان العربية لسه مش منتشرة عندنا
مع العلم اني في الغالب بعد مدة الضمان ما تخلص مش هاكون عديت ال 20 الف كيلو علي استخدامي و ممكن انزلها مرة واحدة لصيانة ال10 الاف بس فهل دي مشكلة و اصرف نظر عن العربية ولا ايه رايكم