الموضوع: استفسار ضروري جدا من ملاك و محبي بيجو

المشاركة الأصلية كتبت بواسطة akram.gamal

صحيح افتكرت
انا مياه المساحات عندى خلصت و كلمت المبيعات فى صلاح سالم قالى حط مياه عاديه على ماتيجى الصيانه و هما يعرفوك تعمل ايه

المهم حطيت 3 لتر كانت القربه فضيت خالص و بعدين لاقيت الرشاشات مش سالكه زي الاول مش عارف ليه

و حاجه تانيه رخمه اوى قلتله عايز اجى اعمل صيانة 2500 قبل مااتمهم
يعنى على ماجى هكون عامل مثلا 2000 كم قالى لا لازم تعدى ال 2500 !!

في التوكيل بيحطو مية مانعة للتجمد, ودي بتبقي أفضل لبلاد برة,
لكن أنا مش شايف لها أي لازمة هنا,

أنا بحط مية من الفلتر عشان بخاف علي موتور مية المساحات من الأملاح اللي في مية الحنفية.
كمان الأملاح بتسد الرشاشات, بس أنت عربيتك جديدة, المية لا سدت الرشاشات ولا لحقت تعمل أي حاجة,,
المرة الجاية حط مية من الفلتر, أو أغلي مية من الحنفية لحد ما تتبخر وكثف بخارها وهيبقي مية مقطرة,,
أو أستعمل المية اللي خارجة من الفلتر,

وعلي فكرة رشاش مية مساحات البيجو هتلاقيه مش زي ال 504 ولا اليباني اللي هما سرسوب وخط طويل كدا,,\
هتلاقي بيطلع رذاذ كتير علي الازاز عشان يفرش مساحة أكبر منه.
دا الطبيعي ومهواش مسدود كدا.


الصيانة لو قالولك 2500 تبقي 2500
عشان تكون أستعملت العربية لفترة كفاية وللمدة اللي محدداها الشركة عشان لو ظهر فيها عيوب تتعمل علي طول.
دي قوانين وسياسة من الشركة الأم متهيألي صعب أنهم يخالفوها.
وأبقي حاول معاهم برضه كدا وشوف هيقولو أيه.