معلش يا جماعه انا عارف انهم رخمين اوي الخبرين دول ولكن من باب الاحتياط

الاول : الين الياباني والدولار عمالين يرتفعوا بشكل جنوني في البورصه
وخاصه الين طول السنه ونص اللي فاتو وهوا عمالي يرتفع باستمرار وده احد اسباب ارتفاع الاسعار المفاجئ للسيارات الياباني على وجه الخصوص
ومع استمرار الاخ ده في الصعود بالشكل ده فتوقعوا ارتفاع آخر للاسعار لموديلات 2009 و 2010 ... فاللي نفسه وعايز يشتري ياباني يخلص بدري بدري لان بورصه العملات فيها كوارث حاليا هتنعكس على كل حاجة في حياتنا خلال الكام شهر الجايين وخصوصا لو سي باراك اوباما هوا اللي كسب الانتخابات
( الخبر دي نتيجه لتحليل فني واساسي لعمله الين )

الثاني : في مشروع قرار مصري في الادراج-حاليا- لاعاده ترتيب الفئات الجمركيه بحيث تكون
الفئه الاولى هي لاقل من 1500 سي سي (بعد ما كانت 1600)...
الفئه الثانيه من 1500 سي سي إلى 1800 سي سي (بعد ما كانت 1601-2000)...
والفئه التالته من 1800 فما فوق (بعد ما كانت فوق ال 2000)
طيب ايه ضرر الحوار ده ؟؟
هيرفع كل العربيات اللي 1600 ويبقا جمركها 205% بدل ما كان 61% ... (إلا إذا طبعا قللو الجمارك تحت ضغوط اتفاقيه الجات)
(المصدر شخصيات في الملحق التجاري المصري للسفاره المصريه)


تحياتي