الموضوع: الحمد لله الفتيس طار النهرده مش بيجيب غير الاول فقط

ياباشا انا والله مازعلان خالص قدر الله ماشاء فعل
انا شاري العربية مستعملة وصاحبها كان مهمل فيها
وكنت ناوي علي ماكنة وفتيس استيراد من الاول بس قلت استني شوية امشي بيها وبعدين اغير وبعدين الواحد بياخد خبرة من الكلام ده كلة
انا لو شريت من الحرفيين هشتريها من علي نصف سيارة راكبة مش موجود في الارض وان شاء الله يكون خير
بس هو ينفع اني اخد الزيت الي لسة حاطة من الفتيس القديم واحطفة في الجديد ولا كده خلاص الزيت مش هينفع
ولك كل الشكر والتقدير والاحترام علي مساعدتك ليا وكل اعضاء المنتدي ياستاذ احمد

المشاركة الأصلية كتبت بواسطة ahmed amin

الشكر لله, وأنا قلبي أرتاح أنك مش زعلان وربنا هيعوضك خير إن شاء الله,,
والواحد بيحاول يساعد علي قد ما يقدر وكله في الأخر بيكون توفيق من عند ربنا.

وتفكير كويس جداً أنك تفكر تشتري من علي نص عربية, لأنك كدا هتضمن الحالة بتاعت الفتيس,
وكمان لو عربيتك عاملة 260 ألف كيلو يبقي الموتور ممكن يحتاج شغل قريب معاك وأداءة هيقل خصوصاً لو كان المالك الأول مهمل في صيانتها.

بس خليك فاكر برضه إن فيه قاعدة عاملة في الميكانيكا بتقول,
إن لو الحاجة شغالة سيبها شغالة,, متغيرهاش ولا تلعب أو تعدل فيها,
يعني لو الموتور مش مزعلك متغيروش,,
عايز تجيب برضه موتور بفتيس هيبقي كويس جداً لعربيتك وخلي اللي عندك لو تقدر متبيعهوش علي طول عشان لو ظهر حاجة في الموتور الجديد يبقي عندك قطع غيار من القديم,,
ولو الجديد كمل 3 ل 6 شهور من غير مشاكل بيع الموتور القديم,,

وينفع طبعاً أنك تاخد الزيت من العربية وتحطة في القديم عادي,,
بس لما تجيب الحاجات التانية أكشف علي لون ولزوجة الزيت الأول وشوفهم عاملين أيه ومتغيرهمش علي طول,
طول ما الزيت لونه حلو ومش محروق, ولزوجته كويسة يعني مش عامل زي المية في أيديك متغيروش.
شوف تجربة دا, http://www.nilemotors.net/nile/37202...post3875232191


ولما تفك الفتيس الحالي بتاعك من العربية صفي الزيت اللي فيه في جركنين من جراكن زيت الموتور ال 4 لتر دول بعد ما تكون أستنضفت كام جركن قديم من عندك
أو من أي بنزينه وتغسلهم كويس وتنشفهم سواء في البلكونة الصبح في الشمس أو بأي طريقة بحيث أنو ميكونش فيه بواقي زيت موتور أو مية,

وبعديت تصفي زيت الفتيس اللي حطيته أخر مرة, وتقفل عليهم الجركن كويس أووي,,
لأن الزيت لو فضل مكشوف بيتأكسد وبيفقد خواصة, لكن طول ما هو مقفول عليه ومتبرشم سواء في جركن أو في فتيس مقفول بيعيش بالتلات والأربع سنين.
وتصفيه الزيت يعني لو الزيت نزلك فيه رايش خفيف تحط حتت قماشة علي قمع وتنزل الزيت علي القماشة وطبعاً هيتصفي من أي رايش فيه كان في الزيت القديم قبل ما تعبية في الجراكن,

لأنك لما بتيجي تغير زيت مش بينزل لك كل الزيت القديم اللي كان في الفتيس, وبيفضل زيت في القربة وبيكون من الزيت القديم المحروق زي اللي نزل لك بالظبط لما جيت تغير الزيت,
ولما بتمشي بالعربية شوية بيتخلطو علي بعض,, وهتحس بفرق في الأداء يعني النتشة هتروح لو كان فيه نتشة وهيبقي فيه أداء أحسن,

بس أنت مش بتكون ماشي بزيت جديد كامل زي ما بيحصل مع تغير زيت الموتور,
أنت بتكون ماشي بنص زيت جديد, علي نص زيت قديم بيكون بايت في القربة ما بين الموتور والفتيس.

فأنت نزل الزيت في حاجة زي جردل بلاستيك يكون كبير ونضيف خده معاك وأنت رايح للميكانيكي اللي هتعمل عنده الموضوع دا لما تيجي تنزل الزيت
عشان كل الحاجات اللي عندهم هتلاقيها "مزفتة" من كتر الزيت الأسود والمحروق اللي بينزلوة وبيغيروة,
فأنت هتخليه ينزلك الزيت بتاعك في الجردل البلاستيك النضيف بتاعك,,
بعدين هتجيب الجركنين وتحط القمع علي فتحة جركن منهم وعلي القمع من فوق القماشة القطن اللي مش بتعمل وبرة ولا بتعمل تفتيل,
وهتنزل عليها الزيت بشويش في الجراكن النضيفة بتاعتك وتقفل عليهم بعدها كويس.

ياباشا جواك الله كل خير ان شاء الله هعمل كده وهو فعلا المكنة معايا مفيهاش مشكلة غير انها بتاكل زيت بس مع المشوير الطيلة عشان انا بقرص علي العربية جامد بمشي 160 او ازيد انا بقول اصقت الموتور بفتيسة افضل عشان اريح دماغي من وجع الدماغ وعموما هي الفلوس الي هتحكمني لو لقتهم معرضنها في الحرفيين هشتري فتيس بس لو لقيت الحال كويس وسعر المكنة مع الفتيس معقول هشتريهم مع بعض وكلة يتغير مرة واحده
وبردو مش هقلك غير جزاك الله خيرا انت تستاهل كل خير علي المساعده الي بتقدمها لابناء المنتدي