سؤال عن الفلونس

**Nilesat** · 12-12-2013 07:46 PM

تحياتى للجميع
أنا ناوى إن شاء الله أشترى الرينو فلونس 2014 وكنت هنفذ الإسبوع ده لحد ما صديق ليا نصحنى أستنه بعد شهر يناير لأنه قال إن إتفاقية الجات هترخص العربية 10 % زى كل سنة
فيه حد يقدر يفيدنى أكون مشكور لو يوضح إذا كان التخفيض ده بيطبق على الرينو ولا لأ
وهل هى فعلا بترخص مع بداية كل سنة
مع الشكر

**saddam** · 12-12-2013 08:43 PM

صديقي المواطن
قولا واحدا التخيض ال 10% يمس الجمارك وهي مشمولة ﻷنها أوربية ولكن صاحبك وحضرتك فاهمين الموضوع غلط ال 10% ليست من ثمن العربية ولكن من قيمة الجمارك فقط ولا علاقة لها بالرسوم وسيف وارد ورسم التنمية أي أن السعر الحقيقي من ثمن السيارة سينخفض بنسبة 4% سنويا فقط لا غير وهذه ال 4% تبتدي تبان آثارها على الشحنات الواردة للسوق في شهر 4 تقريبا ومن حكم خبراتي في السوق المصري إرتفاع الدولار اليومي وإرتفاع معدل التضخم مع إرتفاع اليورو في أوربا وإرتفاع سعر السيارة من منشئها سنويا كل ده يوصلنا إن التخفيض لا قيمة له وبيتاكل سنويا بعامل التضخم واللي عمله مش غبي هو بس نفع إنه خلالك الفلوانس والبيجو تنزل بأسعار رخيصة نسبيا عن مثيلاتها في كوريا واليابان وبناءا عليه إن كنت ناوي فتوكل على الله فورا وإشتري العربية ولكن رخصها 2014
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Shiref_mohamed** · 12-12-2013 08:45 PM

انا الى اعرفه جات الحزينه تفرح مالقتلهاش مطرح هههه ياباشا اتفاقيه ايه انتا في مصر وكل سنه العربيات بتغلى مش بترخص ..اشترى ياباشا واستمتع بالفلوانس ومبروك مقدما

**xname2004** · 12-12-2013 09:18 PM

فى حاجه واحده فى بلدنا رخصت بعد ما غليت
هيطلعوا 100 عفريت علشان ما ترخصش من فرق سعر دولار الى كثره الطلب او اى سبب
انا ان شاء الله ناوى برضه على فلوانس زيرو
و لو حابب تستنى ممكن تحجز ف التوكيل و هو هيسلمك اصلا بعد شهر و نص و بسعر يومها بعد شهر و نص

**Nilesat** · 13-12-2013 07:14 AM

المشاركة الأصلية كتبت بواسطة xname2004

فى حاجه واحده فى بلدنا رخصت بعد ما غليت
هيطلعوا 100 عفريت علشان ما ترخصش من فرق سعر دولار الى كثره الطلب او اى سبب
انا ان شاء الله ناوى برضه على فلوانس زيرو
و لو حابب تستنى ممكن تحجز ف التوكيل و هو هيسلمك اصلا بعد شهر و نص و بسعر يومها بعد شهر و نص

المشاركة الأصلية كتبت بواسطة shiref_mohamed

انا الى اعرفه جات الحزينه تفرح مالقتلهاش مطرح هههه ياباشا اتفاقيه ايه انتا في مصر وكل سنه العربيات بتغلى مش بترخص ..اشترى ياباشا واستمتع بالفلوانس ومبروك مقدما

المشاركة الأصلية كتبت بواسطة saddam

صديقي المواطن
قولا واحدا التخيض ال 10% يمس الجمارك وهي مشمولة ﻷنها أوربية ولكن صاحبك وحضرتك فاهمين الموضوع غلط ال 10% ليست من ثمن العربية ولكن من قيمة الجمارك فقط ولا علاقة لها بالرسوم وسيف وارد ورسم التنمية أي أن السعر الحقيقي من ثمن السيارة سينخفض بنسبة 4% سنويا فقط لا غير وهذه ال 4% تبتدي تبان آثارها على الشحنات الواردة للسوق في شهر 4 تقريبا ومن حكم خبراتي في السوق المصري إرتفاع الدولار اليومي وإرتفاع معدل التضخم مع إرتفاع اليورو في أوربا وإرتفاع سعر السيارة من منشئها سنويا كل ده يوصلنا إن التخفيض لا قيمة له وبيتاكل سنويا بعامل التضخم واللي عمله مش غبي هو بس نفع إنه خلالك الفلوانس والبيجو تنزل بأسعار رخيصة نسبيا عن مثيلاتها في كوريا واليابان وبناءا عليه إن كنت ناوي فتوكل على الله فورا وإشتري العربية ولكن رخصها 2014
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا لكل الردود
جزاكم الله خيرا