السادة عشاق الشتاء والبرد اتفضلوا نتعرف

**Merooxx** · 13-12-2013 11:04 PM

بمووووت في الشتا والنوم الكتيييييييييييير
ويسلام لو معاك عربية وتن طول الوقت مشغل المسحات (متعة)

**Angel_wolf** · 13-12-2013 11:11 PM

معلش لجهلي يعني ايه مسبحه اصل انا اعرف مسبحه والله اعلم مكان لقراءه القران انا اسف لجهلي

حمام سباحة (بسين)

**hossam_elwani** · 13-12-2013 11:51 PM

المشاركة الأصلية كتبت بواسطة saddam

صديقي المواطن
أنا رغم إني خريج كلية العلوم اﻹسلامية ولكن لو جمعت الكره الذي في قلبي للشتاء ستجده أكثر من الكره في قلبي للشيطان ذات نفسه
مفيش أحلى من الصيف وتكييف في البيت وتكييف في العربية والحياة جميلة وتخرج في أي وقت وتصلي وتتوضأ براحتك وتروح المسابح وتروح البحر وتسافر إنما الشتا تحس نفسك مسجون داخل جسمك من كتر الرعشة والبرد والبحث عن دفايات والكسل للوضوء وتنظيف الهدوم واﻷحذية والعربية وأنا عن نفسي أكون مزاجي سيء في الشتاء لدرجة أي حد ليه خدمة عندي أو موظف زمان يقدم طلب سلفة أو حتى عندي في البيت حد حيطلب مني حاجة حيستنى لغاية ما مزاجي يتعدل في الصيف ومش بزعل حتى لما توصل درجة الحرارة 57 و 62 درجة مئوية
حضرة صاحب الموضوع
يا ريت توصفلي مسابح مغلقة وساونات أقدر أشترك بيهم تكون خارج اﻷندية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كانك تتحدث عنى

هو احنا ناقصيين كسل انت عارف اغلب اصحاب العمل تحت البطانيه دلوقتى وانا منهم

وعظيمه يامصر ياارض الكسل

**saddam** · 13-12-2013 11:57 PM

المشاركة الأصلية كتبت بواسطة aminibrahim

معلش لجهلي يعني ايه مسبحه اصل انا اعرف مسبحه والله اعلم مكان لقراءه القران انا اسف لجهلي

صديقي المواطن
ليست مسبحة وإنما مسبح وجمعها مسابح وده هو البسين أو حمام السباحة وأنا بدور على حمام سباحة مغطى بسقف يعني ويفضل يكون أولمبي من النوع اللي بيسخنوا ميته في الشتا بصراحة مفتقد ده في مصر جدا لو حد يعرف يدلنا والنظافة مهمة جدا
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

**prof2013** · 14-12-2013 12:14 AM

ملعون ابو الشتا ياجدع انت وهو بقالي يومين مش بشرب ميه بسبب الاحنقان اللي في زوري
انا عايز اعيش في كولالمبور علشان صيف طول السنه هههههههه وانا من محبي الصيف جدااا

**dedi** · 14-12-2013 12:56 AM

انا كنت حابة لغاية من 4 ايام دلوقت كرهتة لانة شد حيلة علينا
دة فية ناس موش معاها غير قطعة هدوم واحدة اللة يكون فى عون الناس فى القرى والغلابة

**bekatcho** · 14-12-2013 01:09 AM

تعالى عندى درجة الحرارة -6 والحمدلله :)

**dede_dodo88** · 14-12-2013 01:12 AM

الناس عكست الموضوع بين الشتاء و الصيف, الصيف المفروض يعني أرهاق و خمول, و الشتاء يعني طاقة و حركة..
أنا بعيش أحلى أيام السنة بالنسبالي اليومين دول..
أنا من الناس اللي مش بستحمل الحرارة أبداً فببقى مصيف تقريباً طول السنة, يعني أنا مبطل من سنتين تقريباً ألبس جواكت أو أي لبس تقيل, أخري مثلاً ألبس تي شيرت نص كُم و فوقيه hoodie و بقلعه لما أبقى في مكان مقفول..
هي مشكلتي مع الشتاء بس ان الشوارع في مصر بتقلب طينة و حمامات سباحة من المطرة..

**welllll** · 14-12-2013 01:13 AM

يا راجل انا بقالى سنين متابع بس و مو ضوعك ده اجبرنى انى اكتب
انا مقيم فى تورونتو كندا و درجة الحراره ناقص١٠ و الاحساس بالحراره ناقص ٢٣
حاجه تخليك كده تكر حاجه اسمها شتا
بس برده كل الاماكن هنا فيها تدفءه بتخلى الامور محتمله شويه

**AlGazar2** · 14-12-2013 01:16 AM

احلى ايام ايام الشتا دى و الله جو نضيف شوارع رايقة

المشكلة فى مصر مش فى الشتا اطلاقا

انا مبطل البس اى حاجة تقيلة من كام سنة كده بس بصراحة لبست انهارده جاكت تقيل عشان انزل

بس احلى حاجة الشتا و الوقفه فى المطرة و يا سلام لو فى اسكندرية ع الكورنيش احساس تانى خالص