السلام عليكم يا شباب الاوبل... انا اشتريت امبارح من سرور اللى فى شارع شامبليون الاتى ولانى بقلق من الاستيراد اشتريت كله جديد:

1) موبينه المانى نوع اسمه "بى بى تى" وسعرها 450 جنيه...بس مش عارف الماركة دى اخبارها ايه انا اشتريت وتوكلت على الله لانى اسمع ان سمعة سرور دة حلوة..

2) غطا تاكيهات برازيلى بالجوان بتاعة ب 200 جنيه وكان فى منصور جى ام الاصلى ب 275جنيه

3) سلوك موبينه جبت بتاعت النوبيرا ب 70 جنيه لأنه قالى الاصليه موجودة ولكنها ب 375 جنيه

4) بلية شداد دينامو تركى لونها اسود ب 70 جنيه

ورحت للميكانيكى ركب الحاجات دى وخد 50 جنيه...
المفاجاة الكبرى واللى زعلتنى ان الميكانيكى لما فك غطا التاكيهات لقى فى ضهرة "طحينه" وقالى وش السلندر بدأ يفوت وهيعلى معاك الحرارة وتحاول تعملة فى اقرب وقت....