الاخوه الاعضاء من فتره بفكر فى الجالينا بس كنت ماديا مش مستعد و الحمد لله بفكر اجيب جالينا دلوقتى بس بمتابعه اخبار العربيه فيه عده ملاحظات مقلقانى من العربيه ارجو الاجابه عنها بالكامل من واحد فاهم العربيه كويس مش بيفتى وخلاص لان ده حعتمد عليه فى اقبالى على الجالينا او الغاء الفكره والتفكير فى سياره اخرى بنفس السعر
١- العربيه كبيره ومظهرها الخارجى جذاب بس طبعا لازم فيه صعوبه فى ايجاد ركنه ليها فى الشارع وكمان شكل الدركسيون والعدادات قديم .
٢-نزول السعر من الزيرو الى الاستعمال٠
٣-باذن الله لو حجيبها حجيبها استعمال موديل ٢٠٠٦ او ٢٠٠٧ لانى اتصلت بمهندس شغال فى التوكيل و اكد ان الموديلين دول فى الجالينا موتور وجيربوكس متسوبيشى يابانى وعفشتها المانى وتجميع فى مصنع بى ام دبليو فى الصين لكن الموديلات اللى بعد٢٠٠٧ العربيه خفت وبقت صينى بالكامل ومتجمعه فى مصر٠
٤-بالنسبه لقطع الغيار لموديل ٢٠٠٦ -٢٠٠٧ الموجوده فى السوق هل نفس اللى طالعه من العربيه الفابريكه الاصلى ولا حتكون صينى٠
٥-هل عفشه واجزاء الموتور واحده بين (٢٠٠٦-٢٠٠٧) وبين الصينى اللى نزلت بعد كده خاصه العفشه هل هى واحده بين العربيتين٠
٦-سمعت ان العربيه ممكن تتحول لغاز طبيعى فهل ده بياثر على الاداء وعلى عمر الموتور٠
٧-قلقت من بعض تجارب اصحاب العربيه من مشاركات اعضاء نايل موتورز وان كانت للجالينا بعد موديل ٢٠٠٧ زى عمر البطاريه القليل وتغييرها بعد ٦ اشهر من الشراء زيرو والعضو اللى استلم العربيه فيها شرخ بطرنبه البنزين وسماعات العربيه اللى بتبوظ بعد فتره قصيره من الاستخدام والكاوتش السىء للعربيه٠
٨--باذن الله لو جبت الجالينا حتكون عربيتى ٤او ٥ سنين لقدام السؤال المهم جدا هل بيع سهل ولا ممكن اقعد ابيع العربيه شهور واتدلل عليها لحد ملاقى حد يشترى انا محافظ واستعمالى نضيف وبراعى الصيانه اول باول ٠
٩-بالنسبه لضريبه رخصه العربيه كام فى السنه٠
١٠-انا من الاسكندريه هل فيه حد بره التوكيل شغال فى العربيه زي ماهو موجود فى القاهره٠
١١- العربيه مفتاح مشفر فهل اشتغاله ولا هى زى اللانسر والاوكتافيا صعب سرقتها٠
١٢-بالنسبه لاسعار قطع الغيار خارج التوكيل هل معقوله لانى وجدت مشاركه هنا فى منتدى البريليانس بس بتاريخ قديم جدا واكيد الاسعار اتغيرت٠
١٣-هل من الممكن اللعب وتغيير عداد الكيلومتر للعربيه بتقليل مشى العربيه٠
٤٣-اخيرا هل ممكن الاقى عربيه ٢٠٠٦ او ٢٠٠٧ كسر زيرو فابركه بالكامل حالتها ممتازه وتمنها فى حدود كام ارجو مراسلتى على الخاص لو امكن٠
اسف للاطاله وفى انتظار الردود بس اتمنى ان يجيب اسئلتى انه يكون فاهم او معاه العربيه لان ده حعتمد عليه باذن الله فى قرارى شراء العربيه ٠