خلاص قربت اتجنن من العفشة يا لانوس حرام عليكى

:smilielol5:انا الاسبوع اللى فات المقص اتكسر بيه وانا فوق كوبرى اكتوبر
المشكلة دلوقتى بعد متاكد ان المقص التانى سليم وظبط زوايا
فى بنزينة ميدان الجلاء
:tt2:كل الناس مقتنعين ان صوت الطرقعة اللى بتحصل معايا وان نازل من على اى مطب صناعى او حتة اسفلت متكسرة ده طبيعى وفى كل الانوس

:smilielol5:وتسمع بقى مشعوزين واحد يقولك اعمل تقرير عفشة فى موبيل شارع السودان
والميكانيكى يقولك ده كوبلن
والعفشجى يقولك سيبها شوية لغاية متظهر
وواحد يفتيلك فى المساعدين
وانا بينى وبينكم بقيت خايف امشى بيها ليحصلى حاجة تانى


ياريت يا جماعلة لو حد مر بالمشكلة ده يقولى عامل ايه

او حد يفهم فى اصلاح المشكلة ده ياريت يفدنا

وجزاكم الله خير

ياجماعة هى المشكلة ده عندى بس ولا ايه

بص، انت لازم تروح لعفشجى محترم و ارشحلك الحاج صابر اللى ورا مرور عين الصيرة

بص هو في صوت طرقعة بتحصل معايا لما بامشي في مكان فيه طالع ونازل كتير ده أنا باسمعه عندي وكشفت على العفشة قاللي سليمة لو هو الصوت ده اعتقد كده خلاص

الصوت ده بيظهر لما بيكون الطريق في طالع ونازل او لو منزل صغير زي الحفرة الواسعة في اللحظة دي بتظهر الطرقعة

واتأكد عندك لحسن يكون في مشكلة ولا حاجة تاني

احتمال تكون البتاعه البلستك الموجوده فوق المساعد تكون متنية وعلشان كده بتخبط فى المساعد هى عباره عن حاجة زى الكوبية

جزاك الله خيرا
بس ياريت الاستاذ محمد ممدوح
يحسم لينا لموقف

غالبا دية علبة دركسيون ...روح لعفشجى كويس يكشفلك عليها

انا كان معايا نوبيرا وكانت بتعمل صوت الطقطقة ده في الشوارع المكسرة دايما وروحت لواحد عفشجي معرفوش وقاللى ده طبيعي !!!!!!

بس بعد كدة روحت لمحمد عبده وقاللى انها كده عايزو شغل في العفشة لكن مالحقناش نبص عليها لأني بعتها على طول عشان اتخنقت منها

عموما صعب يبقى فيه عربية بتعمل صوت الطقطقة ده ويبقى طبيعي !!

المقصات بتاعة الدايو عموما مش حلوة على حسب مافهمت من محمد عبده وبتتغير بمقصات اسباني أو برازيلي مش فاكر طبعا اللى هايفيد في الموضوع ده أكتر أستاذنا الكبير محمد ممدوح باشا :crazy2:

انا عندي صوت طقطقة برده لما بكون ماشي بسرعة شوية و أعدي على حفر ,
غيرت مساعدين و بيض و طرف بارات و كوبايات و بطاحات ,
و الصوت قل و الدنيا اتحسنت كتير , بس الصوت ما زال بحس بيه ,

رغم ان واحد صاحبي معاه لانوس 2006 بس ما شاء الله مفيهاش الصوت ده ,
متهيألي الواحد محتاج يروح لصنيعي تاني غير اللي بيتعامل معاهم و هو يشوف ايه الأخبار.

حاجة اسمها كوزة بتركب فوق المقص دي ممكن تكون متنية أو معوجة أو مش راكبة صح
روح للفشجي وقله يبصلك عليها

محمد باشا ممدوح انت رايك
فين يا كبير

روح لمحمد عبدة يشيك على العفشة

MMamdouh

انا خبرتى قليلة جدا جدا لسه فى اللانوس
اولا انت اخدت اى مطب جامد جدا بالعربية او اخدت مطب وانت معاك ناس كتير/ لو كدة يبقى ممكن يكون الشاسية فتح معاك وده بيسبب كذا حاجة اولها المقصات والكبالن بتبوظ والعربيه تلقيها بتحدف معاك وفى الاغلب بتكون يمين بالاضافة لصوت الطرقعة وعلشان تتأكد من الموضوع ده بتروح عن عفشجى محترم وبيبدأ يقيس المسافة بين الركبتين و هيه تقريبا 65 سم (على فكرة مش متأكد من الارقام) وبيقص المسافة بين الصرر وتقريبا بتكون 254 سم ولو الدنيا فارقة بيعملك زرجينة بيظبط الموضوع - الموضوع ميخوفش خالص بالنسبة لكلمة فتحة شاسية والموضوع بيتكلف 80 جنيه تقريبا بظبط الزوايا واهم حاجة تراجع درجات ميل العجل مع الشخص اللى بيظبط الزوايا ولازم يكون مكان محترم بحيث ان الجهاز اللى بيظبط الزوايا يكون عليه البيانات بتاعت اللانوس وبرضو خلى بالك ان ظبط العجل بتاع اللانوس 97 - 2003 حاجة واللى بعد كدة حاجة تانية

غالبا كلام الميكانيكي صح كبلن

انا عندى نفس المشكلة بس مش بتحصل كتير بلاخص وانا عند مطبات كارفور بسم صوت الطقة دية وانا معى ناس كتير فى العربية من العجلة اليمين وانا نازل من عند المطب بس انا كنت فاكر انها الدالايا بتاعت العجلة

دى غالبا مشكلة تربيط الميزان... دايما لما يبقى سايب بيعمل صوت خبطة فى العجلة اليمين

MMamdouh

ياجماعة الموضوع عندى فى العجلة الشمال
انا خايف اروح لحد ويحسسنى ان انا مكبر الموضوع وكل العربيات مشية كده

لو الصوت اللى بستمعه فى الطرق المكسرة صوت دردرة (يعنى نقرات متتالية مستمرة طول مانت ماشى بفارق نصف ثانية الى ثانية بين الخبطة والتى تليها) يبقى اول حاجة تبص عليها بعد تربيط العفشة هى علبة الديريكسيون، ممكن تكون محتاجة حشوة، بعد كدة راجع على باقى اجزاء العفشة

عزيزي

لسه اليوم كان عندي صوت طقه قوية بتيجي احيانا يمين معظم الوقت
ولو مطب عالي بتبقي في الوسط ومش علي كل المطاب العادية
بس في المطبات اللي طالعة ونازلة ورا بعض
النهاردة اتظبطت بعد ما العفشجي ربط الميزان بتاعها وحسيت ان
الدركسيون اتلم كويس عن الأول وراحت الطقه

اقتباس:

---

المشاركة الأصلية كتبت بواسطة shanodaa

غالبا كلام الميكانيكي صح كبلن

---

طب سعر الكبالن كام
ولازم اغير الكبلن التانى السليم
ولا ممكن اشترى كبلن شمال بس

اقتباس:

---

المشاركة الأصلية كتبت بواسطة abzoabzo

طب سعر الكبالن كام
ولازم اغير الكبلن التانى السليم
ولا ممكن اشترى كبلن شمال بس

---

يارجالة الوقت بيجرى ولمشكلة بتزيد كونت عايز اعرف بس سعر الكبالن

اسال ابو الحسن او المنير فى التليفون

راجع الموضوع المثبت حتلاقى لينك لاسعار قطع الغيار

MMamdouh

الحمد لله رحت لمحمد عبده
والراجل لما عرف انى من طرف محمد ممدوح عمل الواجب

والمشكلة انى غيرت البطحات والكوبيات والمساعدين الامام مع تيل فرامل
والحمد لله اتعورت فى 585 جنيه قطع غيار بس

وبعد شغل استغرق حوالى 6 ساعات وظبط الزوايا على فكرة جنبه واحد بتاع زويا انا مشفتش زيه بقالى 10 سنين تحفة وجامد جدا وده طبعا علشان لسه فاتح جديد
العربية اتحسنت كتير بس لسه مازل فى تكة شمال بتيجى مرة خلال اليوم وصوتها انعم كتير من قبل كده وانا حاسس ان ده صوت تيل الفرامل علشان لسه مركبه بالمرة ومع الطنابير النص كام فى ده اكيد منها

بس الحمد لله انا قربت اتخنق من العربية ده لانى شهريا بصرف عليه بزيادة

والحمد لله على كل شى

بعد اذنك فين ورشه محمد عبده ؟؟ و هل انتا راضى عن شغله ؟

http://www.nilemotors.net/Nile/showthread.php?t=36924




يعنى بنسبة 85% وممكن اكون مش صح لان ده اول مرة اتعامل معاه

على فكرة ابو الحسن حاجته اطمن من المنير انا سمعت الكلام ده من ناس كتير

ألف شكر لحضرتك .

الطقطقه ده صوت جلبه المقص وده عيب مشهور في النوبيرا

عموما عفشه العربيه مكونه من كزا حاجه واي حاجه بتبوز او جلبتها بتتقطع بتعمل اصوات

اولا المقصات بتيجي معاها الجلبه بتاعتها لما بتبوز الجلبه او تبوش بتعمل صوت طقطقه ويفضل تغيير المقص كله بدل تغيير الجلبه وفي حاجه اسمها بيض مقص دي مش بتيجي مع المقص بتشتريها لوحدها ودي برضو لازم تتغير

ثانيا المساعدين لما بتبوز العربيه بترزه في النقر والمطبات ولو سلام والعربيه برضو بترزع يبقى بطاحه المساعد ودي بتركب فوق المساعد بتثبيت المساعد في السياره

علبه الدركسيون والميزان

علبه الدركسيون لو مبوشه بترج الدركسيون معاك على السرعات ودي بتتزبط

الحاجات الي بتتغير في حاجه اسمها بار الدركسيون لما بيبوزا العربيه احتمال جنب يخف عن جنب يعني وانت بتلف يمين اخف مثلا من وانت بتلف شمال

في بقى تييش الدكرسيون (صباع الميزان) ده لو بايز بيعمل غربله في المشي

عموما اي حاجه بتبوز في العفشه بتبوز معاها حاجات كتير لو طنشت عليها

انت لو في الهرم في ميكانيكي شاطر في شارع العريش ممكن اقابلك واوديك عنده لو تحب

والكشف على العفشه اخره محتاج ساعه بالكتيير

الراجل بيتكلم عن لانوس مش نوبيرة


حضرتك بتاع الزوايا دا منين من ورشة محمد

انا برضه عندي صوت طقه بسيطه في الناحية اليمين بأسمعها في المشي العادي على سرعة 50 - 60 (وبدون الوقوع في مطبات او حفر) ... الميكانيكي بص على السوست والمساعدين وقالي مفيش فيهم مشكلة ... وبصراحة طنشت من بعدها لحد لما العيب يظهر اكتر ... لكن فعلا ممكن تكون محتاجة تربيط ميزان زي ما الأستاذ محمد ممدوح بيقول

انا كنت بربط الميزان كل شهر بسبب الصوت دا

الحمد لله الطقطة عندى خفيفة
اما اللى كن عايز يعرف طريق بتاع الزوايا


فهو قبل مستشفى تبارك بشارعين وانت متجه على محمد عبده من ناحية فيصل

على ناصيته ارض فاضية كده وهو فى نصف الشارع تقريبا
وشغله 10/10 وظبط الزوايا اتكلف 15 جنيه
وده طبعا بعد وظبط ضغط الهوا فى الكاوتش على شان الشغال يبقى على ميه بيضة

انا صوت الطقطقة محصور دلوقتى فى الكبلن وهو صوت ضعيف بيجى مرة فى اليوم وسعات مبلحظوش

والحمد لله على كل شئ وشكرا لنصايحكم الواحد كان هيدبهدل فى السكة ده

طيب أنا بسمع الطقطقه دى وأنا على مطب وكمان ساعات بسمع صوت غريب لما ألف الدركسيون شمال وأنا واقف.تفتكروا العيب فين؟؟؟؟

راجع على الكوبيات والبطاحات