بسم الله ما شاء الله
عرض للطباعة
بسم الله ما شاء الله
ياريت تقييم عن العربيه بعد المده دي
الشكمان دايما يتخرم يتخبط لسه مغير عفشه قدام وعلبه دريكسون دلوقتى هاغير ورا ... عامه هيه كل شويه بعمل حاجه بس الصراحه المشكله مش بتتكرر يعنى مش نفس العيب بس مخنوق من كتر التصليح شهرين تمشى وشهر يبقى فيه تصليح انا كنت باركب عربيه والدى زيرو فمش عارف ده العادى بتاع المستعمل ولا هيه كانت حالتها مش حلوة لما اشترتها وللعلم انا شاريها من سنه ونص وصارف عليهاا يجى عشر تلاف جنيه فى الفتره دى فده يعتبر كويس ولا كتير فى العربيات المستعمله ... انا كنت بصلح عند واحد فى الهرم اسمه عادل جنبه محلات ابو يوسف بتاع الفا بجيب منه الجديد ولو فيه حاجه استراد عادل ده كان بيجيبهالى ... دلوقتى بصلح عند واحد فى مدينه نصر اسمه عمر وجنبه على طول واحد جامد بتاع الفا بس اسمه الحاج عصام والاتنين الصراحه محترمين لغايه دلوقتى اهو وارخص من عادل بكتير
بالنسبالى هيه ممتازة وهيه متصلحه العربيه بتمن عربيه شاهين بس ارقى كتير شكلا وموتور وصالون انا بس مضايق من التصليح لان اغلب حاجاتها استيراد والاستيراد بختك يا ابو بخيت مالوش عمر والجديد غالى اوى يعنى مساعد واحد قدام بسبمعميه وخمسين الاستيراد بمتين وخمسين والميكانيكى يقولى الاستيراد احسن علبه الدريكسيون مثلا مافيش فيها جديد ... عيبها الرئيسى انها واطيه على الارض جدا خصوصا انى ساكن فى عين شمس يعنى الادغال مفيش رصف ممكن تمشى على الحيطان لو تعرف بس ديه ميزة فى الثبات على السرعات العاليه سحبها ممتاز ...العيب التانى ان مافيش توكيل يعنى قطع غيار نادره شويه غير كده انا مش شايف عيب فيها لو نصير فعلا اخدها ونزل منها جديد وعمل صيانه العربيه دى هتبقى حاجه تانيه وسعلا المستعمل بتاعها هيفرق كتير عن اسعار دلوقتى ...بس لسه ما حصلش حاجه للاسف ... ارجو الرد يا جماعه ومشاركه الاراء
أزيك يا باشا والف مبروك وخير ما عملت انا بحب العربية دى جدا وانا معايا تمبرا استيراد انجيكشن وشوية كماليات زيادة عن العادى وفى مرة فكرت انى اجيب الفا لان السعر متعادل تقريبا بس الميكانيكى نصحنى وقال لى انة يوجد واحد جارنا معاة الفا روميو الميكانيكى قال لى بلاش يا باشا لان تصليحها متعب شويتين للميكانيكى وبيطر يفك حاجات كتيرة علشان يغير حاجة بسيطة فى الموتور ولما سألت فى عزبة شلبى الراجل الى بتعامل معاة هو حندة حاجات لل ألفا قال لى بلاش خليك فى التمبرا اوفر فى قطع الغيار وال ألفا حاجتها عزيزة شوية يعنى لو حاجة باظت ستشتريها بالسعر الى يقولك علية بس والله العربية دى جميلة جدا وادائها رائع وعلى فكرة الكيلانىعندة قطع غيار استيراد فى المحل الى امام المحل الاصلى بتاع الفا فقط ولما سألتة انى عاوز اغير التمبرا قال لى ياباشا براحتك بس حتدفع شويةبس والله هى عربية ركوبة وربنا يباركلك فيها
ربنا يباركلك فيها ويكفيك شرها ان شاء الله ... والله انا بقول كده بس لما بتعطل وابقى عايز ابيعها اقول هاصلححها واعملها اعلان وابيع وبعد ما اصلح واعمل اعلان والناس تتصل ارجع فى كلامى والله لسه عامل اعلان اول شهر خمسه على كونتكت كار واتصل بيا اربعه مش عايز اقولك انى شخطت فى واحد وكلمته بمنتهى القرف للاسف مش عارف ليه مجرد ما حسيت انها هتتباع فعلا قفلت على الموضوع على طول غير كده هيه عربيات ركوبه وجرى وامان وثبات ومنظر وكل حاجه ممكن تقولها بعيد عن الصيانه ... شكرا على الرد
ربنا يبارك لك فيها و يبعد عنك العين و يسترها معانا اجمعين
بسم الله ماشاء الله ربنا يديك خيرها
ياريت ترفعلنا صور أزيد
[overline]
استاذى الفاضل الدنيا عامله معاك ايه والعربيه معاك ولا بعتها
شوف يا سيدى الخبر الحلو دا من يومين كنت فى التوفيقيه عند واحد باشترى كسوه للكراسى على فكره انا معايا 146 وكنت راكن قدام المحل وجه وانا واقف واحد لهجته بورسعيدى وشكله تاجر وتخيل عنده الفا 146 كمان المهم قالى لو عايز العربيه كلها على 5000جنيه طبعا مصدقتش فطلبت منه اسعار كل حاجه قالى لا تاخدها كلها احسن هيا عندنا كتير اوى لو قطعتها هتبقى غاليه يعنى تشترى العربيه ب5000 لو سالت على الماتور هيقولك 4000 والعفشه كذا المهم انا فكرت 5000 واجيب واحده واخليها قطع غيار وقلت اعرفك لو تحب تعمل كدا بس لسه ظروفى مش مظبطه انى اروح ولما اروح هاقولك عملت ايه
[/overline]
ربنا يحميها لك ويكفيك شرها
الف الف مبروك الألفا روميو من العربيات المحترمه
يارجالة ايه اخبار الالفا معاكم...علشان بعت اللانشيا وبدور علي 146