هل ممكن تركيب الغاز قبل السيراميك

**friendship7897** · 15-12-2013 03:29 PM

المشاركة الأصلية كتبت بواسطة Eng_hatemfathy

موضوع حضرتك غريب جدا -دول راحوا لوالدتى لقوا السخان مش شغال علشان مفيش ضغط مياه مرضوش يشغلوا لحد ما نزلت اجازة وركبت موتور على السطح علشان والدتى كانت فى الدور الاخير وكان الخزان فوق الشقه مباشرة ومفيش ضغط ولما اشتغل السخان جم وركبوا وقالى لو شغال بس بايظ لازم يتصلح الاول
فانا مش عارف ازاى اتعمل كده مع حضرتك

المشاركة الأصلية كتبت بواسطة Ahmed_Adham

مفيش الكلام ده خالص. ده بتوع الغاز دول بالذات بيتأمرو ولا كأنهم هيركبوه ببلاش حتى أنا قفلت في دماغي ومركبتوش في السخان لأن السخان في الحمام ومش عايز أكسر للمدخنه وفتحه التهويه.

دا أنا كمان بدفع 8ج شهري بدون إستخدام للغاز - تقريباً إشتراك منذ التركيب
وعلى فكرة بدون إستثناءات أو معرفة
وكمان الشقة في الدور الأخير زي حالة Eng_hatemfathy
والموتور مكنش شغال وسبحان الله مع ذلك ولا إي تعليق ، وتم تركيب المواسير ، وقالوا لي : ضرورة إبلاغهم عند توصيل أي جهاز منهم .

**احمد المصرى** · 15-12-2013 04:02 PM

الموضوع من خمس سنين يا رجاله يعنى ممكن وسائل الامان اختلفت عندهم حاليا بس ال انا عارفه حاليا انه لا يتم التركيب غير والشقه جاهزه ومتركب فيها الاجهزه ال هيشغل عليها كمان دا لو البوتاجاز قديم احيانا بيرفض التشغيل عليه

**طارق _عبد السلام** · 15-12-2013 04:17 PM

عندى شقه مفيهاش سيراميك رفضوا تركيبها قال لازم تشطب المطبخ وتجيب بوتجاز فيها كمان الكلام ده من 6 شهور تقريبا وتركتها وقلت بعدين لما احتاجها اتعاقد معاهم بعد التشطيب ........
وفى شقتى وهم شغالين فى تركيب الغاز واثناء تركيب السخان قالوا لن نوصل لك السخان بدون وجود السخان الغاز ورفع السخان الكهربى من مكانه
وفعلا بعد تركيب السخان عملوا الوصله له

**Eng_hatemfathy** · 15-12-2013 04:49 PM

انا بصراحة مستغرب جدا من واقعة الاستاذة friendship لان المفترض انهم شغالين طبقا لاكواد وقواعد معينة يعنى مش بالمزاج فازاى ركب العداد وعمب وصلات داخلية ومحابس من غير ميكون فى تشطيب ومن غير ميكون فى اجهزة
طب ياريت العنوان علشان ابلغ عن اللى عمل كده
شركة غاز مصر شركة شقيقة ليا ومعارفى فيها كتير وعايز اخدم بصراحة :-)

**Eng_hatemfathy** · 16-12-2013 08:49 AM

المشاركة الأصلية كتبت بواسطة friendship7897

ههههههه
الشركة شقيقة !

وfriendship مش عضوة شقيقة ؟

أنت كدة هتخدم الشركة ، بس هتضرب شقة العضوة الشقيقة - ههههههه

بس عموماً بما أن الشقة بأسمي بس أكيد أسمي مش friendship
فالشقة ( مساكن النصر ) في المقطم
وحتى الآن لو عملت معاينة للشقة هتلاقيها بدون سخان أو بوتاجااااز

ومن خدمة لخدمة
ودمتم للنضال يا باشمهندس

يعنى الاخت شقيقة فى المنتدى وجيران كمان

وطلع اللى مركب الوصلات شركة شبكات كمان -يعنى عز المعرفة وليهم فواتير عندى
طب ليه الحيرة دى يا ربى
اخدم ولا ما اخدمش

بس لمفروض مساكن النصر بتتسلم متشطبة على حد علمى انا كنت هأجر فيها فى 2004 فى عمارة كانت قدام نادى الشرق والفيو كان رائع (امامها نادى الشرق وبعدين شارع 9 فمفيش اى مجرح ووراها الجبل فمفيش اى مجرح)بس الشقة كانت اخر دور

عامة سماح المرة الدى وعقبال ميجى علينا الدور ويوصلونا غاز فى الوسطى