احسن مركز خدمه + مشكله a5

**noapology** · 15-12-2013 05:21 PM

لو سمحتوا كنت عايز افضل مركز خدمه لصيانه الاوكتافيا او فرع للتوكيل محترم علشان العربيه عامله 90 الف لحد دلوقتي والحاج كل شويه يوديها التوكيل وبحس انها مبيتعملش فيها حاجه
الفتيش بقالو فتره بينتش بين التاني و التالت بس نتشه خفيفه بعدين ساعات بحس انو بينتش في ال shift down برضو الحاج برضوا وداها لمركز خدمه اسمو وهدان في اكتوبر قالو هنغير زيت الفتيس واتغير ووراني الفاتوره الزيت لوحدوا بحوالي 1200 وبرضه نفس المشكله و متحلتش
كمان مشكله بحس العربيه بتهبد في المطبات وصوت من المساعدين اللي ادام وصوت تزييق من الكنبه الورا شمال يا تري من ايه

**mazgangy** · 16-12-2013 12:24 AM

يا باشا انا معايا العربيه بس مانيوال وجبتها مانيوال بسبب مشكله الفتيس دى لو حضرتك شريها مستعمله غالبا حيكون صاحبها مغيرش زيت الفتيس قبل كده ولحد علمى ده لو مش اتغير الزيت 60 الف او قبل 60 الف بيحصل مشكله فيه والمشكله دى سمعت حلها بيكون مكلف سمعت 7000 و سمعت 11000 وحاجات كده وربنا يستور عندك بس اللى بتقوله ده اعراض تلف البادى بلف او اسمه حاجه زى كده ومش متاكد من الاسم بس اللى اكيد ان ده بيكون بسبب عدم تغير زيت فى 60 الف او مفروض الاصح قبل ال 60 الف كيلو كمان وبالنسبه لصوت التزيق من الكنبه ده كان عندى وطلع اللى عامل الصوت ده مقبض اللى بتنزل من الكنبه الخلفيه لادام ولما ترجعها بيقفل فيه نزل الكنبه ونفض المقبضين دول والمشكله حتتحل معاك انشاء الله وتهبيد المطبات ده ياريت تقولنا العربيه فيها جنط كام لان ال 15 عندى مريح بس ركبت مع واحد عربيه فيها جنط اكبر مكنتش مريحه زى اللى عندى 15 وتقبل تحياتى

**noapology** · 16-12-2013 02:00 PM

المشاركة الأصلية كتبت بواسطة mazgangy

يا باشا انا معايا العربيه بس مانيوال وجبتها مانيوال بسبب مشكله الفتيس دى لو حضرتك شريها مستعمله غالبا حيكون صاحبها مغيرش زيت الفتيس قبل كده ولحد علمى ده لو مش اتغير الزيت 60 الف او قبل 60 الف بيحصل مشكله فيه والمشكله دى سمعت حلها بيكون مكلف سمعت 7000 و سمعت 11000 وحاجات كده وربنا يستور عندك بس اللى بتقوله ده اعراض تلف البادى بلف او اسمه حاجه زى كده ومش متاكد من الاسم بس اللى اكيد ان ده بيكون بسبب عدم تغير زيت فى 60 الف او مفروض الاصح قبل ال 60 الف كيلو كمان وبالنسبه لصوت التزيق من الكنبه ده كان عندى وطلع اللى عامل الصوت ده مقبض اللى بتنزل من الكنبه الخلفيه لادام ولما ترجعها بيقفل فيه نزل الكنبه ونفض المقبضين دول والمشكله حتتحل معاك إن شاء الله وتهبيد المطبات ده ياريت تقولنا العربيه فيها جنط كام لان ال 15 عندى مريح بس ركبت مع واحد عربيه فيها جنط اكبر مكنتش مريحه زى اللى عندى 15 وتقبل تحياتى

شكرا علي الرد اولا
هي العربيه كانت جايه زيرو بس في صيانه ال 60 كشفوا علي الزيت وقالوا مش محتاج تغيير واتغير علي ال 90 والجنط الموجود جنط 15

**mazgangy** · 17-12-2013 02:04 AM

بخصوص الجنط عندى مفيش مشكله من 15 وناعم كده انت محتاج تكشف على العفشه وانشاء الله حاجه بسيطه بخصوص الزيت الى حد علمى مش بيفهم اللى قالك مش محتاج يتغير عند ال 60 واسف على التعبير لان هو معروف بيتغير عند ال 60 وقبل 60 كمان لانه ده سبب المشكله اللى عندك حاليا وبرضوا نستنا كلام الخبرا وردودهم فى موضوع ده وانشاء الله خير

**Moratoz** · 17-12-2013 05:09 AM

بخصوص نتشه الفتيس ممكن تروح عند احمد زاهر في صقر قريش بالمعادي ويكشف علي الفتيس وتطلب منه غسيل البدي فلف وتسفيه الزيت وأخ بارة انه لسه جديد وبعد الغسيل جرب لو النتشه مراحتش يبقي كده محتاج تغير فلفات وهوا هيقول لحضرتك علي تكلفتهم ولو تم تغير البدي فلف بالكامل بيكون تكلفته استرداد حوالي ٥٠٠٠ جم و٧٠٠٠ تقريبا بالخاص الفنتازيا