السلام عليكم
الاخوه الاعضاء
كل من لديه اي استفسار يخص التأمين انا تحت أمره ممكن يسالنى
سواء بخصوص شركات التامين
او الحوادث لاقدر الله
عرض للطباعة
السلام عليكم
الاخوه الاعضاء
كل من لديه اي استفسار يخص التأمين انا تحت أمره ممكن يسالنى
سواء بخصوص شركات التامين
او الحوادث لاقدر الله
فى حالة التصليح فى التوكيل اللى عرفته ان لازم ادفع ثمن الفاتورة وبعد كده التامين يصرف التعويض طيب دلوقت فى حالة ان مش معاية ثمن التصليح هل التامين ممكن يصور العربيه فى التوكيل بعد الا صلاح وبعد كده يصرف التعويض عادى وفى حاجه كمان فى حالة ان التوكيل زود بعض قطع الغيار ومش مذكور ه فى المقايسه ومذكوره فى الفاتوره هل التامين بيدفع اللى موجود فى الفاتورة. مع ان أكدت على المهندس ان مش هدفع حاجه من غير موافقة التامين واكد ان كل حاجه التامين وافق عليها
اللي مش موجود في المقايسه التامين مش هيدفعه
لان مهندس التامين بيوافق علي الحجات اللي فى المقايسه
واذا كانت الحجات مش موجوده اصلا يبقى المهندس مش موافق عليها يعنى هتغيرها علي حسابك
ممكن تاخد صورة المقايسه اللي مهندس التامين ماضي عليها بالموافقه
وتشوف هوه موافق علي ايه
اما بالنسبه لتصوير السيارة في التوكيل بعد الاصلاح
انت كلمتنى علي الموبيل وقلتلك تعمل ايه صح؟
ولو عاوز حاجه كلمتى
كنت عاوز اعرف أيه هي أفضل شركات التأمين في مصر
وقيمه التامين الشامل بدون نسبة تحمل بتبقى كام من تمن العربيه أول سنه
وبتتناقص كام كل سنه
وهل التامين شامل السرقه ولا الحوادث بس
ممكن حضرتك تقولنا على افضل شركات تأمين تكافلي في مصر من حيث الخدمة و التعامل و الفرق ما بينهم
اولا افضل شركات التامين
1/ a i g
2/ اليانز
3/بيت التامين المصرى السعودى
4/وثاق للتامين
5/مصر للتامين
6/المجموعه العربية للتامين
7/الدلتا للتامين
8/قناة السويس للتامين
9/المصرية للتامين التكافلي
10/اسكان للتامين
وللامانه هناك شركات اخرى لم اتعامل معها مثل
المشرق للتامين
طوكيو مارين
رويال للتامين
المهندس للتامين
وهذا من وجهة نظرى الشخصية
ومن حيث التعامل في سرعه سداد التعويض
ولكن هناك فروق في كل شركة من حيث
السعر
المحضر
سن سائق السيارة
قيمة التامين الشامل
كل شركه ولها سعرها
وهناك وثيقتان
الاولي بدون تحمل اختيارى
والثانية بتحمل اختيارى 2فى الالف او 4 في الالف او 20% تحمل من اجمالي الفاتورة
بمعنى الوثيقه اللي بتحمل اختيارى 4 فى الالف
لو السيارة بمبلغ 100000 وتمت حادثه لاقدر الله يخصم من التعويض مبلغ 400 جنيها
عن كل الف جنيه من ثمن السيارة يخصم 4 جنيهات
ملحوظة
لو في الحادث الواحد جنبين او اكصدامين امامى وخلفى تعتبر حادثتين مع انها نفس الحادثه لاكن تحتسب حادثتين لو مبلغ السبارة 100000 يخصم 800 جنيها وهكذا
بالنسبة للتناقص كل سنة
المعترف بية 10% من ثمن السيارة
لو السيارة بمبلغ 100000 ج تنقص ثمن السيارة 10000
وبكن ممكن السيارة زيرو تكون بمبلغ 100000 ويعد سنة تزيد وتوصل 110000
ويكون الزياده برغبه العميل
هل يريد نقص مبلغ السيارة 10% ام زيادتها
هل التامين يشمل السرقه ولا حوادث فقط
التامين يشمل السرقة والسطو المسلح
ولكن هناك تحمل في السرقة والسطو بعد الثورة 25%
بمعنى لو السيارة بمبلغ 100000 واتسرقت يتم خصم 25% من التعويض اى 75000 التعويض
ويغطى التامين ايضا الحريق ولكن لو تم بغير عمد مثل الماس الكهربائى
ولكن في حاله الشغب لا
لان هناك ملحق للوثيقه تغطى الشغب والاضرابات الاهلية
مثل اللي بيحصل الان لا يغطى اي شئى الابالوثيقه الاضافيه (الشغب )
لو حد عاوز سعر تامين يكتبلي
نوع السيارة والموديل وسنة الصنع مبلغ السيارة
وهناك شركات ليها سعر ثابت لو عاوزين سعر هؤلاء الشركات عرفوني
واسف للاطاله علكم
ومستنى اى سؤال اخر
وشكرااااااااا
شركات التامين التكافلي فى مصر
1/ بيت التامين المصرى السعودى (اول شركة تامبن تكافلى في مصر)
2/المصرية للتامين التكافلي
3/المشرق العربى للتامين التكافلي
4/طوكيو مارين للتامين (نايل تكافل ونايل جنرال)
5/وثاق للتامين التكافلي
الفرق بينهم سرعه صرف التعويض
والسعر ومبلغ المحضر
المفروض انهم جمبعا يشتركون في صرف باقي الارباح اخر السنة
طبقا لمبدء التكافل
من حيث الخدمه والتعامل والسرعه
بيت التامبن المصرى السعودى
ووثاق للتامين
ولكن المشرق وطوكيو مارين لم اتعامل معهم في تعويضات السيارات
ولو حضرتك عاوز سعر التامين عندهم ابعتلي بيانات السيارة
النوع
الموديل
سنة الصنع
مبلغ السيارة
العداد (كيلو متر)
واجبلك السعر
وشكرا
وفي استقبال باقي الاستفسارات والاسئلة
في انتظار اي سؤال
او استفسار
انا بعتلك سعرها في بيت التامين المصرى السعودى
بدون تحمل
علي الخاص
وهجبلك سعرها في وثاق ان شاء الله
وشكرا
أولاً شكراً لحضرتك جداً
بس كنت عاوز اعرف لو عاوز تامين نيسان صني سعرها 108.500 جنيه بدون نسبه تحمل في شركه نضيفة في تعاملها بدون لف ودوران وحوارات وتعب قلب يعني الواحد لا قدر الله لو حصله حاجه يلاقي حد يقف جنبه ويسنده ويهون عنه مش يحرق دمه ويزود مشاكله مشاكل يأمن فين ؟؟؟ وهتبقى قيمه التامين كام ؟؟؟
وايه رأيك في التامين مع كونتاكت بسمع انهم كويسين ؟؟؟؟
سيارة رينو لوجان سعرها 80500
افضل شركة تأمين - مبلغ التامين المطلوب (بدون نسبة تحمل)
شكرا جزيلا
اولا
السيارة كاش ولا قسط
لان لو السيارة قسط لازم تدفع الاول وتودى الفاتورة وبعدها يطلعلك شيك
ثانيا
عشان نتكلم بكل وضوح وشفافية وصدق
فيه قوانين واساسيات لازم تتعمل في اى شركه مثل
الاخطار
المحضر
معاينه قبل الاصلاح
معاينه بعد الاصلاح
واخيرا مرحله الشيك
مفيش شركه هتطلع شيك لعميل ملوش حق في تعويض
ومفيش حاجه اسمها حوارات فيه ورق مطلوب ممكن بالنسبالك حوارات لكن لابد منها
والفروق من شركه لشركه في
1/ المحضر
فيه شركات المحضر عند3000
وفيه 5000
وفيه 10000
2/الاخطار
في معظم الشركات لازم تجيب مقايسه الاول
عشان ينزل الخبير حسب المقايسه لو عاليه خبير لو قليله موظف من الشركه
3/الشيك
من شركه لشركه بيفرق الوقت
وده الفرق بين شركه والتانية
فيه شركات بتاخد 3%
وفيه3.5%
وفيه 4%
وفيه%5
طبعا الفرق هنا
مش هتجيب شركه بتاخد نسبه 3% زى شركه بتاخد 5% صح ولا لا بالعقل كده
لكن العميل عاوز ارخص سعر واحسن خدمه
طبعا لا علي قد فلوسك لان لو كده الشركات الغاليه مش هتشتغل ومحدش هيروحلها خالص الكل هيروح للشركات الرخيصه لان مفيش فرق بينهم
لكن احنا بنختار شركات متوسطه في السعر ونقدر نخلص التعويض فيها بسرعه شويه
كونتكت كويسين بس غاليين
ممكن تامن في aig
لو عاوز حاجه غاليه ومحترمه جدا عن تجربه طبعا
حضرتك عرفنى السيارة قسط ولا كاش
وانا تحت امرك
استاذ/ محمد كريم
عرفنى السياره قسط ولا كاش
وموديل سنة كام
والعداد كام
السلام عليكم ازيك يا باشا
انا تعبت بصراحه من شركات التامين والكلام الكبير اللى مبقتش فاهم فيه اى حاجه
دلوقتى انا ناوى اشترى عربيه من خلال البنك الاهلى المصرى "قرض السياره" واللى فهمته انه لازم يكون فيه تامين على العربيه خلال مده القسط اجباري
فا دورت على شركات كتير واسمع مشاكل كتير وفى الاخر فهمت انه احسنلى انى اامن على العربيه فى شركه التامين اللى بتتعامل مع التوكيل
هل ده صح ولا لا
العربيه رينو داستر
السعر 150000
الموديل 2014
السن 30 سنه
انا سالت اتقالى ان رينو بتتعامل مع شركه رويال كا كنت عاوز اعرف التفاصيل بتاعتها ايه
ولو فيه حاجه تانيه احسنلى ياريت تقولى رايك
بجد الواحد فى حيره
وخلى بالك ان العمليه مشخرمه برده فا مش عاوز نسبه عاليه اوى
اسف للاطاله
شيفورليه افيو ٢٠١٤ ماشيه ٥٠٠٠ كيلو
ممكن بعد اذنك اسعار شركات بدون نسبه تحمل خاااااالص !!!
شكرا مقدماا و يااااريت رقمك علي الخاص
ولا يهمك
اولا السيارة لو قسط لازم العميل يحاسب التوكيل وبعد كده ياخد الفاتورة لشركه التامين ويستنى الشيك
وممكن تتصل بتوكيل رينو العبور تسالهم انى عربيتى قسط ومامن معاكو هحاسب شركه التامين ولا انتو اللي هنحاسبو
ثانيا
رينو متعاقده مع مصر للتامين كمان
بس ليهم سعر انا معرفوش لان التوكيل هوه اللي بيامن عن طريقه
ممكن بردو تسالهم التامين بكام عندكو
انا ممكن اجبلك سعر شركات لو عاوز تامن بره التوكيل
بس برضو لاقدر الله لو فيه حاجه هتحاسب انت التوكيل
هجبلك سعر مصر للتامين
وسعر وثاق للتامين
وسعر بيت التامين المصرى السعودى
بدون تحمل
لو حد كان كتبلي عن حاجه ونسيت ارد عليه انا اسف
ممكن يكتبلى تانى
او اة استفسار تانى انا تحت امركم
وشكرا
استاذ/هانى منير
ممكن بيانات السيارة تانى بعد اذنك
موديل
النوع
سنة الصنع
العداد
وشكرا
عام جديد سعيد عليكم ان شاء الله
ممكن اسأل افضل شركة تأمين بدون تحمل لسيارة بيجو 301 موديل 2014 ثمنها 136000 زيرو كاش لسة مستلمتهاش وعايز شركة تكون بتتعامل مع التوكيل بمعنى ان الشركة هى اللى تتحمل لاقدر الله الحادث بمجرد ما يحصل مش انا اللى ادفع وبعدين هما يدفعوا لى بشيك ارجو توضيح الشركات ونسبة كل شركة بالنسبة لسعر السيارة حتى لو على الخاص
وشكرآ
بعد اذنك عاوز شركة تأمين محترمة ويا ريت نقطة العميل يدفع اولا وبعد كده يطلع له شيك متكنش موجودة , العربية :
كيا كارينز هاى لاين موديل 2011
ماشية 55000 كيلو
وارجو ارسال رقم تليفونك لى على الخاص
وشكرا
استاذ سمسم
التوكيلات الام مش بتتعامل مع التامين
الا لو هيا اللي بتأمن عن طريقها
مثل غبور او هوندا الفطيم او كونتكت
لان نفس المبدأ عندهم
انا ليه هستنى علي فلوسى واجرى وراها وابعت موظفين يخلصو الملفات والشيكات
ايه المقابل طيب العميل جاى جاى وهيدفع كاش غصب عنو
لازم فيه مقابل للفلوس اللي بتتركن في التامين وفلوس للموظفين اللي بتروح شركات التامين تخلص الملفات والشيكات بدل العميل؟
عشان كده المقابل فى كونتكت وغبور انه هوه اللي بيامن عن طريقه وبياخد مسبة من الوثيقه مكسب ليه هوه
بياخد خصم مش بيدفع اللي علي الوثيقه ده مكسبة
اما الفطيم فله شركه تامين بتاعته (المشرق للتامين)لذلك هوه بيـأمن عشان يشغل شركته ويكسب برضو من بيع السيارة والاصلاح والتأمين
حضرتك ممكن تسال توكيل بيجو الام عن التامين
وانا ممكن اجبلك اسعار شركات برضو وتشوف ايه اللي يريحك تعملو وتختار براحتك
واسف علي الاطاله
استاذ /
sofi man
في جميع شركات التامين
يوجد تحمل 25% من مبلغ التامين في حاله السرقه او السطو
يعنى سيارة حضرتك بمبلغ 170000
حتتحمل 42500
هيتخصمو من التعويض لاقدر الله لو السيارة تعرضت للسرقه او السطو
وممكن تشيل التحمل ده بزياده 50% من صافي القسط
بمعنى لو التامين هيكون بمبلغ 4000 جنيها
هتدفع 6000 جنيها
ده اولا
ثانيا
في حاله الشغب لايوجد تعويض
الا بوثيقه اضافيه
تغطى الشغب و الاضرابات الاهلية
زى اللي بيحصل الايام دى
من مظاهرات وتخريب وكده
ثالثا
يوجد تحمل 10% في حاله الاصلاح في التوكيل
رابعا
الالتزام بشروط الوثيقه ولا سقط حقك في التعويض
سواء حادثه او سرقه او سطو او حريق (لا قدر الله )
ففكر ولو حبيت اجبلك اسعار الشركات انا تحت امرك
ولو عاوز تستفسر عن حاجه تانى عرفنى
واسف علي الاطاله
الف شكر لحضرتك..انا لسة شايف ان حضرتك رادد هنا معلش.
طيب افضل شركة و اسرعهم حسب ما عرفت aig بس مينفعش تتعامل مع التوكيل بدون تحمل؟
والسعر كام؟