-
حجر اسفل العربية
النهاردة و انا راجع بالعربية و ماشى فى شارعنا لقيت فى حاجة خبطت جامد تحت العربية، نزلت ابص لقيته قالب حجر سداسى الشكل من اللى بيبلطوا بيهم الرصيف و طبعا كان محطوط واقف و انا ماشفتوش من الضلمة
وقفت العربية و بصيت مالقيتش فى حاجة بتنقط منها ولا حاجة شكلها مكسور و الحجر شكله عدى من غير مايخبط فى الاكصدام الامامى او الخلفى
دلوقتى انا عايز اعرف هل ممكن تبقى حصلت مشكلة فى العربية من الحجر ده؟
و لو حصلت اعرفها ازاى خصوصا انى لسة بدرى على صيانة الالف "حاليا 300 كم" و مكسل اروح التوكيل
افيدونى افادكم الله
-
حاجه بسيطه اوى ممكن تطمنك شوف مقاس الحجر و الأكصدام لو الجر اكبر يبقى متقلقش الخبطه موصلتش تحا العربيه لو اصغر يبقى علشان تكمن اكشف على الزيت الفتره اللى جايه ديه لحد ما تروح التوكيل
-
اطلع على اى بنزينة وارفع العربية وبص عليها من تحت او روح لأى ميكانيكى وخليه يبصلك عليها من تحت بس الحل الأول احسن عشان الحل التانى فية اشتغالات
-
ألف شكر يا أ\shoudy2005 و أ\ أحمد على الرد و بكرة ان شاء الله و انا نازل هحاول اشوف حجم الحجر "بس يا رب الاقيه" و ممكن أعدى على بنزينة فى سكتى ارفع العربية و اشوفها عشان بجد انا قلقت قوى
ربنا يستر
-
إن شاء الله خير مدام موقفش تحت العربية ومتخفشى لانى العربية بتكون مصفحة من تحت الموتور
ان مرة لبست بلاعة انت عالية لرجة ان العربية اتشعلقت عليها كنت سعتها فى راس البر وقولت خلاص عربيتى ادمرت رحت رفعتها فى بنزينة والحمد لله محصلهاش حاجة خالص اطمن إن شاء الله خير وعشان تتطمن اكتر روح ارفعها فى بنزينة
-
-
هتلقية خبط فى اوطى منطقة فى العربية فى القنطرة الى تحت الموتور او ماسك الشكمان او عصب الشاسية الى حت العتب وكل دة مبيأثرشى إن شاء الله على العربية
-
هى مش التيريوس دى المفروض انها جيب؟؟ ازاى حجر صغير كدة خبط فيها؟؟
MMamdouh
-
osamaelbaz: الف شكر على رد حضرتك طمنتنى و الله
aratux: انا حسيت بالخبطة تحت كرسى السائق تقريبا و كانت زى مايكون الحجر خبط فى نقطة واحدة تحت العربية و بس يعنى ماخدش العربية من اولها لاخرها و النهاردة انا شفت حجر قده بالضبط لقيته اصغر كتير من ارتفاع الاكصدامين و معظم اجزاء العربية من تحت الا بعض الاجزاء القليلة الى بردو تقريبا انخفاضها فى نفس ارتفاع الحجر
MMamdouh: هو الحجر كان واقف يعنى تقريبا ارتفاعه حوالي 15 سم او اكتر
و الف شكر لحضراتكم على ردودكم و مساعدتكم
-
ممكن يكون كان محطوط عادى وحرف الكاوتش داس عليه واتنطر خبط فى الشاسيه ووقع
اكيد ملهاش حل غير كده علشان ده صغير مش كبير
Content Relevant URLs by
vBSEO 3.6.0 PL2