حجر اسفل العربية

**Zordon** · 20-09-2008 11:38 PM

النهاردة و انا راجع بالعربية و ماشى فى شارعنا لقيت فى حاجة خبطت جامد تحت العربية، نزلت ابص لقيته قالب حجر سداسى الشكل من اللى بيبلطوا بيهم الرصيف و طبعا كان محطوط واقف و انا ماشفتوش من الضلمة
وقفت العربية و بصيت مالقيتش فى حاجة بتنقط منها ولا حاجة شكلها مكسور و الحجر شكله عدى من غير مايخبط فى الاكصدام الامامى او الخلفى
دلوقتى انا عايز اعرف هل ممكن تبقى حصلت مشكلة فى العربية من الحجر ده؟
و لو حصلت اعرفها ازاى خصوصا انى لسة بدرى على صيانة الالف "حاليا 300 كم" و مكسل اروح التوكيل
افيدونى افادكم الله

**shoudy2005** · 21-09-2008 01:21 AM

حاجه بسيطه اوى ممكن تطمنك شوف مقاس الحجر و الأكصدام لو الجر اكبر يبقى متقلقش الخبطه موصلتش تحا العربيه لو اصغر يبقى علشان تكمن اكشف على الزيت الفتره اللى جايه ديه لحد ما تروح التوكيل

**ahmedsrs** · 21-09-2008 01:21 AM

اطلع على اى بنزينة وارفع العربية وبص عليها من تحت او روح لأى ميكانيكى وخليه يبصلك عليها من تحت بس الحل الأول احسن عشان الحل التانى فية اشتغالات

**Zordon** · 21-09-2008 01:43 AM

ألف شكر يا أ\shoudy2005 و أ\ أحمد على الرد و بكرة ان شاء الله و انا نازل هحاول اشوف حجم الحجر "بس يا رب الاقيه" و ممكن أعدى على بنزينة فى سكتى ارفع العربية و اشوفها عشان بجد انا قلقت قوى
ربنا يستر

**osamaelbaz** · 21-09-2008 02:47 AM

إن شاء الله خير مدام موقفش تحت العربية ومتخفشى لانى العربية بتكون مصفحة من تحت الموتور
ان مرة لبست بلاعة انت عالية لرجة ان العربية اتشعلقت عليها كنت سعتها فى راس البر وقولت خلاص عربيتى ادمرت رحت رفعتها فى بنزينة والحمد لله محصلهاش حاجة خالص اطمن إن شاء الله خير وعشان تتطمن اكتر روح ارفعها فى بنزينة