الموضوع: تجربة قيادة سوبارو impreza 2013

المشاركة الأصلية كتبت بواسطة mezo73

الله يباركلك في عربيتك ويديك خيرها ويكفيك شرها
والف مبروك وانا شايف انة اختيار موفق من حيث الامكانيات والكماليات والصناعة والخامات والامان والسعر
بس اللي يفهم في مصر؟
لاننا دائما ماشيين بالعكس ومفيش مقياس لاي حاجة

الله يبارك فيك ياباشا

بص هى العربية مش حلوة اوى فى الشكل الخارجى بس شغالة وناس كتيركانت فاكراها صينى علشان مرسوم على علامتها 5 نجوم (علشان الحسد)

مشكلتنا فى مصر اننا بندور على المكسب فى اعادة البيع فقط

المشاركة الأصلية كتبت بواسطة beshoyyy

مبروك العربية و ربنا يحافظ عليها
و بجد انا بحترمها جدا جدا العربية دية

الله يبارك فيك ياباشا وربنا يديك اللى نفسك فيه ان شاء الله

المشاركة الأصلية كتبت بواسطة j a g u a r

الف مبروك وربنا يباركلك فيها .. وتقرير ممتاز

تسلم ياباشا الله يبارك فيك

المشاركة الأصلية كتبت بواسطة saddam

صديقي المواطن
شكرا لنقلك التجربة الحية الجديدة لخدمة باقي أعضاء منتدانا الكرام ولازم تعرف أن لكل عربية سنين من المجد زي مجت سنين كان الشغال سيراتو وجت سنين لتويوتا ثم لهوندا ثم لنيسان ودلوأتي سنين بيجو 301 وسنين فلوانس صدقني حييجي اليوم قريب سوبارو تصحو من غفوتها في مجال التصاميم وتطلع تصميم ثوري وهي متانتها مش محتاجة كلام وزمان كانت غالية دلوأتي لو بس يتحسن شكلها حتكون بلاش وسنين مجدها قربت
ومتحرمناش من كل جديد ليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صديقى المواطن
كلامك جميل وفعلا زى ما قولت كل عربية وليها وقتها ... بس الوقت فى مصر بياخد حقه وزيادة

المشاركة الأصلية كتبت بواسطة hunting_eagle

مبروك عليك .. و عقبال المليون كم

الله يبارك فيك ياباشا

المشاركة الأصلية كتبت بواسطة hossam_elwani

الف مبروك عليك

هيا فيها شيفت بدل؟؟
2013 subaru impreza 4-door sedan walk-around folger subaru charlotte nc - youtube

الله يبارك فيك ... لا مفيهاش

المشاركة الأصلية كتبت بواسطة thebutcherr

مبروك يا عمونا, الف الف مبروك

الله يبارك فيك يا معلم

المشاركة الأصلية كتبت بواسطة mohaismail

ما شاء الله ربنا يباركلك فيها

تسلملى يا ياباشا الله يبارك فيك

المشاركة الأصلية كتبت بواسطة abdulkhaleq

الف مبروك وربنا يحميها من العين

في نقطه بس مع ان لسه بدري عليها



النقطه دي قتلت بحثا
اي زيت في الدنيا لازم يتغير في معاد معين
عشان الزيت النهارده
اكيد اكيد مش نفس الخصائص بعد الاستخدام سنتين تلاته قدام

استمتع بالعربيه واختيار موفق :)

الله يبارك فيك وربنا يحفظنا ويستر طريقنا جميعاً ان شاء الله

بص هو انا قبل ما اشترى العربية عملت مقارنات كتير بينها وبين الفورد فوكاس والاوبل استرا
الفورد فوكاس عاملين حاجة رخمة جدا فى الفئة اللى ب 172000 انها نازلة 2 زجاج كهرباء مش كل العربية غير ان اعادة البيع اسوأ من السوبارو

الاسترا سير الكاتينة بيتغيرما بين 45 الى 50 الف كيلو وتقريباً سعره بالمصنعية حوالى 1500 جنيه

السوبارو سير جنزير

ندخل على موضوع زيت الفتيس لما كلمت مركز الخدمة قالى ان زيت الفتيس لا يتم تغييره هو وماء التبريد

لما رحت عملت صيانة الالف قالولى نفس الكلام

دورت على النت على جدول الصيانة لامبريزا 2013 لقيت مش مكتوب فيها تغيير زيت الفتيس لان حتى مش موجود فلتر او زيت للزيت بيتباع

على العموم فى صيانة ال 5 الاف هسأل تانى وابقى أكد المعلومة ان شاء الله

المشاركة الأصلية كتبت بواسطة m_am

مبروك يا صديقي العزيز اختيار موفق ان شاء الله و ربنا يباركلك فيها و يقيك شرها و يزيدك من خيرها

العربيه فعلا للي يدور بجد في السوق المصريه هيلاقي الأمبريزا من افضل السيارات في السوق المصري اللي سعرها يعتبر متوافق مع امكانيتها , لما تبص للنقطه دي و لعوامل الأمان و التميز اللي فيها تعرف بجد ان السوق المصري معايره محتاجه فرمته , مبارك عليك و استمتع بعربيتك بس نصيحه أخويه اهدى شويه في الجري ربنا يحفظك الموضوع مش مستاهل

الله يبارك فيك يا صديقى

فعلا زى ما أنت قولت السوق محتاج فرمته واعادة تقسيم من الاول وجديد
انا بس كنت بجرب العربية علشان انقل التجربة لو حد فكر انه يشترى العربية بس خلاص انا مبقاش ليا فى الجرى العضمة كبرت :)

تسلملى ياباشا وربنا يحفظك ويحفظنا جميعاً من كل سوء