انا كنت بفكر ابيع عربيتي اوبل استرا 2000 حالتها جيده رشه بره بسبب خبطه في الباب الخلفي للسائق وكحته في باب السائق خفيفه حاله الصالون ممتازه الابواب كلها تقيله جدا كما لو كانت زيروالموتور حالته جيده جدا فتحه سقف زجاج امامي كهرباء بطاريه جديده بس الكاوتش عايز يتغير حالتها بوجه عام جيده جدا بس كان في خبطه من قدام كانت مأثره علي الوش الحديد اللي بيتعلق عليه الاكصدام بس تتفك بمسامير وممكن تتغير بالاضافه الي اني كنت شاري من واحد نص عباره عن (2رفرف+2بطاحات بالسوست بالمساعدين بالطنابير بتيل الفرامل +كبوت+قنطره بعلبه الدركسيون بطرمبه الباور +تابلوه كامل بالعداد بكله +اكصدام امامي+حامل الاكصدام الحديد (ويركب مكان اللي عندي بس كنت سايبه للشده اللي جايه) +ضفيره كهرباء الحوض+سربنتينه تكييف بالمروحه+كومبروسر تكييف +كويل التكييف+النص الامامي لحد نص الحوض يعني نص الشاسيه بالصدر اللي قدام+كبالن)بمعني اصح شاري نص امامي من غير الموتور وحاجته ومن غير الفتيس بس حالتهم فوق الممتازه لان النص ده كان عامل 40,000 كيلو بس فلو بعتها بالحاجات دي تجيب كام وهي مواصفات اوروبي واسف علي الاطاله بس معلش انا عشمان في الناس المحترمه اللي هنا