نويت أشتري تليفزيون 32 بوصة أشغله شاشة كمبيوتر هل من نصيحة

السلام عليكم ورحمة الله
طلباتي كترت معلش :) بس بصراحة أكتر مكان بستفيد منه هو المنتدى الجميل ده بأعضائه المتعاونين والمخلصين بارك الله فيكم
أنا عندي شاشة كمبيوتر 24 بوصة وبصراحة مش مريحاني في الحجم :breakpc1: وعايز أجيب حاجة كبيرة ففكرت في ال27 بوصة اللي هي تعتبر أكبر حاجة في السوق دلوقتي لكن لقيت 3 بوصة فرق مش هيبقى كتير وميستاهلش فرق المبلغ اللي هيتدفع (حوالي 800 - 1000 جنيه !)
وبعد تجربة ربط التليفزيون اللي عندي (40 بوصة) بالكمبيوتر عن طريق كابل HDMI لقيت النتيجة مذهلة وأفضل مما توقعت والصورة كانت كويسة لدرجة كبيرة فما بالك لو تليفزيون كمان أصغر 8 بوصة أكيد هتبقى الصورة أوضح وأنقى
فهل فعلا التليفزيون ده هيغنيني عن الشاشة ومش هحس بفرق في جودة الصورة بين الاتنين ؟ أم إن التليفزيون غير مجهز للاستعمال كشاشة كمبيوتر ؟ ولماذا ؟
هل من نصيحة ؟

ملحوظة: الشاشة اللي أرجحها حاليا هي Samsung TV 32" Full HD LED :UA32F5000 - Cairo Sales Stores - SAMSUNG Egypt

النصيحه وعن تجربه لو هتشتغل على الكمبيوتر ومش هتشغل افلام هتبقى كارثه لان هتقبى كبيره جدا وقريبه جدا وانت بتشتغل فهتتعب عنيك ومش هتستمع ولكن فى الفجره على فيلم او ماشابه فهى لذيذة

ما شاء الله...شاشة كمبيوتر 24 بوصة بقت صغيرة دلوقتي
زمااااااااااان كانت الشاشة 14 دي المعتمدة وكان اللي يجيب 17 دا يبقي معدي...فين أيام الفيو سونيك والايسر
فعلا شاشة 32 هتتعبك أوي...بالنسبة للكمبيوتر شاشة 24 حلوة أوي ولو عايز تشغل أفلام حطها علي فلاشة وشغلها علي تليفزيون فيه usb او لو الفيلم ميشتغلش usb عشان الفورمات بتاعه...يبقي شغل الفيلم علي لابتوب او كمبيوتر ووصله بالتليفزيون hdmi هتديك نفس نقاء الصورة

اقتباس:

---

المشاركة الأصلية كتبت بواسطة mramzy

النصيحه وعن تجربه لو هتشتغل على الكمبيوتر ومش هتشغل افلام هتبقى كارثه لان هتقبى كبيره جدا وقريبه جدا وانت بتشتغل فهتتعب عنيك ومش هتستمع ولكن فى الفجره على فيلم او ماشابه فهى لذيذة

---

أنا هخلي بيني وبينها مسافة حوالي متر وربع فبالتالي هتبقى كأنها تليفزيون

اقتباس:

---

المشاركة الأصلية كتبت بواسطة swimmer25

ما شاء الله...شاشة كمبيوتر 24 بوصة بقت صغيرة دلوقتي
زمااااااااااان كانت الشاشة 14 دي المعتمدة وكان اللي يجيب 17 دا يبقي معدي...فين أيام الفيو سونيك والايسر
فعلا شاشة 32 هتتعبك أوي...بالنسبة للكمبيوتر شاشة 24 حلوة أوي ولو عايز تشغل أفلام حطها علي فلاشة وشغلها علي تليفزيون فيه usb او لو الفيلم ميشتغلش usb عشان الفورمات بتاعه...يبقي شغل الفيلم علي لابتوب او كمبيوتر ووصله بالتليفزيون hdmi هتديك نفس نقاء الصورة

---

كل زمن وليه ظروفه يعني زمان برده كان اللي عنده هارد 4 جيجا ده راجل متريش والناس بتحسده وتقوله يا لهوي !! هتعمل بيهم إيه كل دول ! دلوقتي شوف ال1000 جيجا مش مكفيين :grin54:
أنا شغلي كله على الإنترنت وبقضي ساعات طويلة تصفح وقراءة ومشاهدة وتصميم وبرامج وبالتالي محتاج كل حاجة قدامي يبقى حجمها كبير بشرط تكون نفس الحجم الأصلي بتاعها بدون عمل zoom لأن الزوم بيعملي مشاكل في أبعاد الحاجات وبالتالي الشاشة ال24 لما بعملها على أعلى ريزولوشن الأيقونات بتصغر وبضطر أعملها زوم هي والمتصفح وده مش كويس معايا

هل من إفادة يا أهل الخبرة ؟؟

ربع متر ؟
على فكرة المسافة الستاندارد بتاعة الشاشة ال32 حوالي 3 متر

اقتباس:

---

المشاركة الأصلية كتبت بواسطة تامر.محمد

ربع متر ؟
على فكرة المسافة الستاندارد بتاعة الشاشة ال32 حوالي 3 متر

---

ربع متر يعني 25 سم يا حاج تامر يعني هبقى لازق في الشاشة :C_laugh[1]:
أنا قلت متر و ربع مش ربع متر
والمسافة الاستاندارد من 1.6 متر إلى مترين مش تلاتة
http://www.reviewzat.com/ar/howto/el...en-size-arabic
وعلى كل حال المتر وربع مش وحش برده ولو لقيتها هتتعبني هبعد عنها شوية خاصة إني جبت ماوس وايرلس وممكن أجيب الكيبورد وايرلس كمان

اقتباس:

---

المشاركة الأصلية كتبت بواسطة تامر.محمد

ربع متر ؟
على فكرة المسافة الستاندارد بتاعة الشاشة ال32 حوالي 3 متر

---

متر وربع

خلاص يا اخواننا العتب عالنظر: )))))

اقتباس:

---

المشاركة الأصلية كتبت بواسطة تامر.محمد

خلاص يا اخواننا العتب عالنظر: )))))

---

شكلك كده عايزلك شاشة 32 بوصة انت كمان
أجيبلك واحدة معايا ؟؟ :C_laugh[1]:

اقتباس:

---

المشاركة الأصلية كتبت بواسطة أبو آسر

شكلك كده عايزلك شاشة 32 بوصة انت كمان
أجيبلك واحدة معايا ؟؟ :c_laugh[1]:

---

هات بس على حسابك: )))))))