نويت أشتري تليفزيون 32 بوصة أشغله شاشة كمبيوتر هل من نصيحة

**mramzy** · 17-12-2013 08:39 AM

النصيحه وعن تجربه لو هتشتغل على الكمبيوتر ومش هتشغل افلام هتبقى كارثه لان هتقبى كبيره جدا وقريبه جدا وانت بتشتغل فهتتعب عنيك ومش هتستمع ولكن فى الفجره على فيلم او ماشابه فهى لذيذة

**swimmer25** · 17-12-2013 08:50 AM

ما شاء الله...شاشة كمبيوتر 24 بوصة بقت صغيرة دلوقتي
زمااااااااااان كانت الشاشة 14 دي المعتمدة وكان اللي يجيب 17 دا يبقي معدي...فين أيام الفيو سونيك والايسر
فعلا شاشة 32 هتتعبك أوي...بالنسبة للكمبيوتر شاشة 24 حلوة أوي ولو عايز تشغل أفلام حطها علي فلاشة وشغلها علي تليفزيون فيه usb او لو الفيلم ميشتغلش usb عشان الفورمات بتاعه...يبقي شغل الفيلم علي لابتوب او كمبيوتر ووصله بالتليفزيون hdmi هتديك نفس نقاء الصورة

**أبو آسر** · 17-12-2013 05:42 PM

المشاركة الأصلية كتبت بواسطة mramzy

النصيحه وعن تجربه لو هتشتغل على الكمبيوتر ومش هتشغل افلام هتبقى كارثه لان هتقبى كبيره جدا وقريبه جدا وانت بتشتغل فهتتعب عنيك ومش هتستمع ولكن فى الفجره على فيلم او ماشابه فهى لذيذة

أنا هخلي بيني وبينها مسافة حوالي متر وربع فبالتالي هتبقى كأنها تليفزيون

المشاركة الأصلية كتبت بواسطة swimmer25

ما شاء الله...شاشة كمبيوتر 24 بوصة بقت صغيرة دلوقتي
زمااااااااااان كانت الشاشة 14 دي المعتمدة وكان اللي يجيب 17 دا يبقي معدي...فين أيام الفيو سونيك والايسر
فعلا شاشة 32 هتتعبك أوي...بالنسبة للكمبيوتر شاشة 24 حلوة أوي ولو عايز تشغل أفلام حطها علي فلاشة وشغلها علي تليفزيون فيه usb او لو الفيلم ميشتغلش usb عشان الفورمات بتاعه...يبقي شغل الفيلم علي لابتوب او كمبيوتر ووصله بالتليفزيون hdmi هتديك نفس نقاء الصورة

كل زمن وليه ظروفه يعني زمان برده كان اللي عنده هارد 4 جيجا ده راجل متريش والناس بتحسده وتقوله يا لهوي !! هتعمل بيهم إيه كل دول ! دلوقتي شوف ال1000 جيجا مش مكفيين

أنا شغلي كله على الإنترنت وبقضي ساعات طويلة تصفح وقراءة ومشاهدة وتصميم وبرامج وبالتالي محتاج كل حاجة قدامي يبقى حجمها كبير بشرط تكون نفس الحجم الأصلي بتاعها بدون عمل zoom لأن الزوم بيعملي مشاكل في أبعاد الحاجات وبالتالي الشاشة ال24 لما بعملها على أعلى ريزولوشن الأيقونات بتصغر وبضطر أعملها زوم هي والمتصفح وده مش كويس معايا

هل من إفادة يا أهل الخبرة ؟؟