يا ترى يا شباب مين فيهم احسن خصوصا من ناحية الثبات و الفرامل.المقاﻻنة للهاى ﻻين فى العربيتين.شكرا
عرض للطباعة
يا ترى يا شباب مين فيهم احسن خصوصا من ناحية الثبات و الفرامل.المقاﻻنة للهاى ﻻين فى العربيتين.شكرا
صديقي المواطن
قولا واحدا الفلوانس تكسب وإنت مقارنتك ظالمة الفلوانس تقارن بعربيات أعلى من الشارك وربنا ييسر لك الحال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
العربيتين ممتازين ومستوى بعض .. بس الافضليه للفلوانس عشان اجدد
الفلونس افضل :)
شكرا علي الردود يا شباب،طيب أخبار إعادة البيع إيه بالنسبة للرينو مع العلم إن العربية بتطول معايا يعني أقل مدة 3-5 سنين و كمان توافر قطع الغيار داخل التوكيل_شكرا
أخر سؤال يا شباب:هل الفلوينس ركوبة تستحق تمنها؟ و أهم حاجة هل هي ركوبة(منتظر إجابة من الركيبة)
رينو فلوانس بس هات الخليجى علشان تقفيل كورى و موتور و فتيس نيسان افضلا من التركى اللى بيبعها التوكيل هنا و مبروك مقدما ...
أفضل في إيه؟ و كمان مش عاوز أضحي بالضمان خصوصا إن التقفيل الكوري مش تمام أوي لدرجة إني أجيبه من غير ضمان(معايا أوبترا كوري)
اميل كرأي للرينو
طالما هايلاين يبقى شارك... لو فارق معاك الكماليات الزيادة في الفلوانس وشكلها الأحدث يبقى تتوكل على الله فيها... لما جربت الفلوانس 2012 محسيتش بفرق في الفرامل بينها وبين الشارك بس الشارك اثبت منها خصوصا في الملفات ومش بتتنطط في مطبات الهوا زيها... بس عفشة الفلوانس انعم شوية... من الآخر الشارك اساسياتها من تعليق وشاسيه وخلافه اقوى وافضل وسعرها اقل... والفلوانس عربية ممتازة جدا وعاملة شغل واليومين دول يومينها فهتلاقي كتير ميال ليها... انما الشارك اللي بيركبها بيبقى غاويها وعارف قيمتها ومش بيبص على اعادة بيع مثلا او غيره...
ممكن لو سمحت تعطينا مثال للعربيات الأعلى من الشارك واللي الفلوانس معروف يعني انها بتتقارن معاهم؟؟؟؟؟؟؟؟؟؟ الفلوانس ممكن تتقارن بإيه مثلا؟؟؟ الجالانت والكامري والأكورد والسوناتا والألتيما والماكسيما والمونديو والحاجات دي؟؟؟!!!!!!!
نفسي يكون فيه شوية موضوعية في التقييم ونتجنب التحيز المبالغ فيه ده... مش علشان حضرتك مش بتحب العربية ومفيش مشاركو واحدة ليك شكرت فيها يبقى ده معناه انها عربية فئة اقل من حاجة زي الفلوانس!!!! كون ان وكيل رينو استغل المبيعات الكويسة -وغير المتوقعة بالنسبة له- للفلوانس قبل كده وقام رافع سعرها لمجرد تعديل الموتور والفتيس والعدادات فنوهم نفسنا انها بقت فئة اعلى من عربيات زيها ويمكن احسن ونقوم نحاول نحشرها مع فئات هي لا تحلم انها تتقارن بيها في اي حتة في العالم -غير عندنا طبعا....
الشارك و الكرولا و الامبريزا و السيفيك و الالنترا و السيراتو و المازدا 3 الخ ... كلهم فئة واحدة Compact cars
الفروقات في الاسعار بتبقى تبعا للكماليات و الاقبال على العربية مش اكتر
انا رأيي ان نقطة تفوق الفلوانس عن الشارك انها شكل و موديل احدث مش اكتر
شكرا للردود مرة تانية_أنا ميفرقش معايا الأوبشنز.المهم عندي الثبات و الفرامل(هل الفلوينس ثباتها أقل من الشارك أو بصيغة تانية فارقة إيه عن الأوبترا من ناحية الثبات)
يا شباب ماحدش أفادني برضه عن ثبات الفلوينس مقارنة بالشارك
هايلاين يبقى حضرتك متقارنش الشارك والمفروض الاسترا والفوكاس والكورولا والنيو سيراتو هي اللي تتقارن مع الفلوينس
بالنسبة للثبات اعتقد للفلوينس بس حضرتك بتقول عايز تقارن بين العربيتين الفئات الهايلاين ودا يخليك تشيل الشارك وتحط مكانهم الحاجات اللي قلتلك عليها
لو عايز ثبات يبقى عليك وعلى اولاً الفوكاس ثانياً الاسترا ثالثاً الكورولا مش الفلوينس ولا الشارك ولا النيو سيراتو كمان
ثبات و فرامل طبعا الشارك دة غير السواقة الرياضية والتعليق الرياضي والموتور ال mivc 1.6 ! طبعا طبعا الشارك ... الأجابة من واحد ركب العربيتين كأنهم عربياتة >>> فلوينس عربية عائلية ناعمة ثبات جري تسارع فرامل تعليق الشارك و انت مغمض طبعا
http://www.youtube.com/watch?v=3oiL29Srd08
معلش ...... انا بميل اكتر للفلوانس اللي اتغيرت تغير كبير جدا
فى الموتور كليا والفتيس cvt والتكييف والعدادات الديجيتال والامكانيات الكتير اوي
بالاضافه الي الثبات الممتاز
ملحوظه: الفلوانس الكوري(السعوديه) = الفلوانس التركي(مصر)
الفرق فقط فى الشكل الخارجي وبعض الامكانيات البسيطه جدا لصالح التركي
من ناحية الشارك ...... عربيه كويسه مش وحشه ........ بس نفس التصميم القديم من 2008 لاجديد ...... وكمان ياريت تسأل كده اي تاجر حتعرف انها اقل مبيعات علشان ثباتها مش اد كده وبتعوم فى الملفات علي السريع....مع ان تعليقها علي تعليق منفصل !!!
وربنا يوفقك فى حسن الاختيار
حضرتك بتهزر ولا بتهرج؟؟؟ شارك مين يا باشا اللي بتعوم؟؟؟؟؟؟؟؟؟؟؟ انت ركبتها اساسا؟؟؟ ولا سألت "تاجر" عنها فقلك التخاريف دي؟؟؟؟ ياريت حضرتك بدل ما تسأل تجار تبقى تسأل حد جرب العربية الأول أو على الأقل تسوقها بنفسك وبعدين ابقى قولنا بتعوم ولا مش بتعوم!!!
وعلى فكرة... مبيعات الإمبريزا اقل كتير من الشارك... يمكن علشان الامبريزا بتعوم برضه في الملفات؟؟؟
آسف لو كان كلامي هيضايقك بس بصراحة اللي بتقوله ده لا يدل إلا على انك عمرك ما سقت الشارك في حياتك... واللي بيقول رأيه في عربية المفروض -للأمانة- انه يبقى مجربها كويس علشان ما يضللش حد بدون قصد... وبعدين هنروح بعيد ليه؟؟؟ يا ريت تجيبلنا اي مشاركة في اي حتة في اي منتدى لبني ادم واحد فقط بيعيب في ثباتها!!!!
عشان حضرتك الشارك لما نزلت كانت ١٥٠٠ قصاد ال ١٦٠٠البومة ووقتها الناس عمرها ماكانت حتفهم يعني اية موتور مايفك قصاد عادي
عشان كدة التوكيل نزلها تاني ١٦٠٠ و مايفك برضوا عشان بس الرقم ميخضش الناس.
تاني حاجة بس ان شنطتها ضيقها
لكن وسع الصالون موتور ثبات تقفيل عفشة عزل فخامة كلة للشارك
Sent from my C6903 using Forum Runner
بس الغريب انها بعد مانزلت بموتور 1600 لسه مبيعاتها سيئه !!!
وهل حضرتك مقتنع ان "الناس" مش عارفه المواتير المايفك وعلشان كده ماشتريتهاش !!
علي العموم لو حضرتك مقتنع بالحكايه دى......اهلا بيك
بالمناسبة هي فيها اكتر من حاجه مش موضوع الثبات وبس
اشكرك لحسن التعليق
رينو فلوانس
السلام عليكم
عن تجربه فى الفلوانس الشكل القديم 2010 العربيه ثابته جدا على الطريق فرامل روعه وحته الفرامل دى معروفه عن الرينو عموما من ايام الميجان كمان
مقدرش احكم على الشارك عشان مجربتهاش الصراحه
وبردة فى موضوع فى قسم رينو عن تجربه الفلوانس الشكل الجديد فى السفر للعين السخنه ودا طريق كله ملفات وكدة ممكن يوضحلك الصورة اكتر
وبردة عن تجربه فى التعامل مع التوكيل فى الاسكندرية اقدر اقولك ان توكيل رينو محترم جدا وقطع الغيار متوفره
وبردة نصيحتى شوف العربيه الى انت حاببها اكتر وهاتها
وبالتوفيق
هو احنا ما نعرفش نتكلم من غير ما نتخانق و نلبخ لبعض ؟؟؟
عموما كعربية انا اميل للفلوينس و ان كنت من محبي الشارك برده, و الفيصل هنا اللي هايركب عايز من العربية ايه
كأداء رياضي , تسارع , ظني فقط ان الشارك هاتبقى افضل
كثبات مش عارف
آسف لو كان اسلوبي ضايقك رغم اني مش شايف عدم لياقة في كلامي... ده نقاش عادي... وحدة الرأي مش معناها ان الرأي نفسه غير لائق... بس ما علينا حقك عليا...
ممكن بقى حضرتك تقولي ايه سبب ندرة مبيعات الإمبريزا؟؟ وايه سر انتشار الالنترا الجديدة رغم انها معدية الـ170 بكتير؟؟ وهل لو الالنترا القديمة فضلت تنزل مع الجديدة كانت الجديدة عملت المبيعات دي؟؟؟ ولو الكورولا (لحد 2007) اللي الناس بتشكر في نعومتها واقتصاديتها فضلت تنزل مع الكورولا اللي فاتت (لحد 2013) كانت عملت نفس المبيعات؟؟؟ يا ريت بقى بعد ما تجاوبني تطبق نفس النظرية على البومة اللي فضلت تنزل مع الشارك لحد ما خلصت عليها بالقاضية!!
مع احترامي للجميع السيارتين رائعين ولكن .....
الفلونس خاصا موديل 2014 افضل كثيرا من الشارك
الشارك تتفوق في شئ واحد وهو القيادة الرياضية التي لا توجد بالمرة في الفلونس 2014 علشان الفتيس ال cvt
هذا الفتيس يتميز بالنعومة البالغة وعدم الاحساس باي نقلات واقتصادي جدا من ناحية توفير البنزين ولكنة ليس رياضي بالمرة.
فاني اري وبكل حيادية اذا كنت تريد من السيارة استخدام عائلي اقتصادي فانها تتفوق كثيرا علي الشارك
اليك المقارنة من وجهة نظري
فخامة ( موديل 2014 ) الفلونس افضل
نعومة وثبات - الفلونس افضل
تكنولجيا و اوبشن - الفلونس افضل ( الاوربي عامة )
ركوبة وراحة داخل السيارة الفلونس افضل
خامات وتقفيل الفلونس افضل ( ايضا لانها اوروبي )
قطع الغيار - الاثنان اعتقد انهم متقاربان
القيادة الرياضية ومتعة الاحساس بالغيار ( السائقين المحترفين فقط هم من سيشعرون بذلك ) الشارك تتفوق عن الفلونس.
كمجمل الفلونس افضل
وهذا مجرد رأيي الشخصي وارجو عدم الشجار
وشكرا ووفقك الله لما هو خير ان شاء الله
من تجربتي الفلوس عربية محترمة مفيش كلام لكن الشارك اكتر احتراما في كل شئ وانا مبقلش الكلام ده علشان معايا الشارك انا بقوله علشان سوفت العربيين وجربتهم كويس و اللي بيفهم كويس في العربيات هيفهم كلامي وكفاية أن شاليه الشارك بيركب عليه مواتير لغاية 400 حصان الايفوليوشن 10