محتار بين الياريس الجديده وسيراتو

**Gamal.Eid** · 18-12-2013 08:11 AM

مقارنة ظالمة الياريس من وجهة نظرى لاتقارن ابدا بالسيراتو ممكن تقارنها بالريو واعتقد كمان الكيا ريو افضل منها بكثير شكلا ومضمونا

**devil_storm** · 18-12-2013 10:16 AM

انا سوقت الاتنين :)

انا سوقت اليارس ال 1500 الجديده مشوار واحد و عربية كويسه و واسعه بالنسبه لفئتها, و هى كلها بلاستيك من جوه بس عملين شغل خياطة بلاستيك يديك احساس انه خياطة جلد... عموما عربية جميله و عجبتنى

و سوقت السيراتو الجديده برده و السيراتو طبعا افضل فى كل حاجه و المقارنه بينهم غلط

مقارنتك ذى واحد بيقارن ريو بالكرولا او السيفك... مش مظبوطة

**saddam** · 18-12-2013 10:58 AM

المشاركة الأصلية كتبت بواسطة troyomar

دايما يا صديقي المواطن بكون عايز أضعط لايك لاي تعليق لحضرتك زي الفيس بوك كده لكن مش بلاقي شكرا لحضرتك

صديقي المواطن
أنا متأثر بمشاركتك الجميلة وطبعا فيه زرار إعجاب وفيه زرار شكر ولكن مش حدلك عليهم عشان أنا بخدمك ﻷنك مواطن صديق وزميل في المنتدى وشقيق في الوطن وأخ في اﻹنسانية ومش بخدمك عشان آخد شكر أو إعجاب أنا يمكن فايدة الشكر واﻹعجاب الوحيدة عندي إنها بتخليني أرجع أدخل المواضيع أشوفها وصلت لفين من تاني غير كده مبدخلش مواضيع قديمة وشكرا لكلماتك الرقيقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**محمد سماحة** · 18-12-2013 05:05 PM

رأيي المتواضع و بكل تحيز لعربيتي انا معايا الاوتوماتيك الفئة الاولى ...ال 25 الف رقم كبير و صدقنى مش هتفرق كتير ممكن قدام شوية تنق نق واحدة واحدة فى الاوبشنز و لو معاك لحد 165 الف اعتقد فى مجموعة تانية من العربيات هتكون كويسة
يعنى من الاخر لو الفئة الاولى اللى ب 140 الف دوس انما انا اسف 165 الف تركبك حاجات تانية كتير احسن من الياريس رغم نى معايا الياريس
العربية بتجري عادى على فكرة و التسارع بتاعها زي 1500 سي سي انا لسه بالين و لفات الموتور مش بتعدي 3000 لفة فى الدقيقة و العربية بتعدي ال 100 كم فى الساعة من غير ماخد بالي و التسارع بتاعها جربته من 0 الى100كم/ساعة من غير ما تقرص تعملهم فى حوالى 16 ثانية