ممكن اعرف شويه معلومات عن سيتروين سي اليزيه ٢٠١٤

**islam.3bada** · 20-12-2013 12:57 AM

تارجالة قامت بالواجب ما شاء الله و جابت المفيد
عايز أكد على كلام أ/ اسلام عفيفى انك لو مش عايز تندم هات الاكسكلوسف مش الكمفورت , هتاخد كماليات اكتر بكتير من فرق الفلوس اللى هتدفعه ما بين الكمفورت و الاكسلكسوف

اما بالنسبة للعربية فهى ما شاء الله تستاهل كل جنيه اتدفع فيها , بحمد ربنا كل يوم انى احسنت الاختيار لما جبتها

انا عامل بالعربية 1020 كيلو لحد دلوقت . العربية سحبها اتحسن كتير عن اول ما استلمتها و استجابتها بقت ممتازة , استهلاك البنزين اتحسن
مفيش اى مشاكل من التكييف انا جربته اكتر من مرة
العربية واسعة جداااا , فراملها ممتازة بمعنى الكلمة
و اسعار قطع الغيار لا تقارن بالنسبة لعربية اوروبى ..
توكل على الله و مش هتندم
انا بفضل التوكيل عن المعارض بحس فيه العربية متحافظ عليها اكتر من المعارض .

**Hema_Basha** · 20-12-2013 04:03 AM

المشاركة الأصلية كتبت بواسطة islam.afifi

١-مواصفات السي اليزيه كومفورت(انا كنت قريت ان الزجاج الامامي بس هو اللي كهربا مش عارف ده صح ولا لا)
النوافذ ال 4 كهرباء
٢-قريت كذا موضوع عن مشاكل في التكييف والفتيس بتاعها بس مش فاهم هو ايه المشكله فيهم بالظبط
كانت مشكلة في السوفت وير و اتحلت
٣-ايه المعارض اللي ممكن اجيبها منها والاستلام بعد اد ايه مع العلم اني من الغربيه
ممكن تتابع الأهرام يوم الجمعة و شوف المعارض
٤-ايه رايكو في العربيه بصفه عامه يعني مش هندم اني جبتها ولا ايه
لو مش عاوز تندم بلاش تجيب الكومفورت و هات الهاي لاين
٥-المرايات كهربا ولا مانيوال انا قصدي ظبط المرايات مش قفلها وفتحها
مانيوال

و زي ما ظهر في الاليزيه مشاكل سوفت وير , البيجو 301 ظهر فيها حالات و معنديش خلفية اتحلت ولا لسه
و ربنا يكرمك في اختيارك

ايوه هي فين يا باشا المشاكل اللي ظهرت في البيجو

**hamaka** · 20-12-2013 05:46 PM

المشاركة الأصلية كتبت بواسطة ebrahim mayalo

ايوه هي فين يا باشا المشاكل اللي ظهرت في البيجو

زميلى فى الشغل كان من أوائل اللى جابوا بيجو 301 و كنت بتكلم معاه من يومين و فتحنا سيرة المشكلة بتاعت الايليزيه لاقيته بيقوللى ان الموضوع ده كان عنده فى الأول بس هو اكتشف السبب لوحده عشان أول ما استلم حط بنزين 95 و لما جه يحط 92 المشكلة ظهرت ، فا راح طالع على التوكيل حطوله سوفت وير المشكلة راحت و قالوله كل العربيات اللى نازلة بعد كده هتبقى نازلة بالسوفت وير الجديد على طول...

**Mostafa nassar** · 21-12-2013 10:27 PM

والله يا جماعه انا شاكر ليكو كلكو وفعلا انا اطمنت للعربيه من كلامكو وربنا يقدم اللي فيه الخير

**Mostafa nassar** · 21-12-2013 10:30 PM

معلش يا رجاله سؤال رفيع بس كمان معلش بتقل عليكو هو توكيل عز العرب اللي في اسكندريه فين بالظبط وبقعد اد ايه علي ما استلم العربيه بعد ما احجزها ان شاء الله يعني

**islam.3bada** · 25-12-2013 07:54 AM

المشاركة الأصلية كتبت بواسطة mostafa nassar

معلش يا رجاله سؤال رفيع بس كمان معلش بتقل عليكو هو توكيل عز العرب اللي في اسكندريه فين بالظبط وبقعد اد ايه علي ما استلم العربيه بعد ما احجزها ان شاء الله يعني

عز العرب اسكندرية في الكيلو 1 الطريق الزراعي، بالنسبة للاستلام بتفرق من فرع للتاني ممكن تتكلمهم تسال علي التفاصيل،
الرقم مش معايا حاليا بس هجيبه لحضرتك.

**islam.3bada** · 25-12-2013 10:06 AM

Citroën Maintenance Centers (Ezz El-Arab)
Hot line: 19399
Giza
• Agouza Address: 57 Building Media
Tel: 02-33025363
• Abu Rawash Address: Km 28 Cairo - Alexandria desert
Tel: 02-35390601-9

Alexandria
• Address: K-1 road agricultural Alexandria Cairo
Tel: 03-5003001-4