الموضوع: أروح الحرفيين ازاي ؟

بوص يا كبير هتاخد طريق اسماعيليه الصحراوي اكنك رايح السندباد تفضل ماشي لحد ما تلاقي كوبري تاخد يمين من جنبو و بعد كده تلف شمال في اول يمين و هناك اسأل عن شارع مرسيدس

بص يا باشا لو انت جاى من صلاح سالم فى إتجاه المطار هتطلع كوبرى المطار وتنزل أول نزلة شمال وتاخد طريقك مع سور المطار وهيكون السور على يمينك وتاخد فى وشك علطول مع السور هياقبلك كوبرى اسمه كوبرى الحرفيين متطلعش الكوبرى وامشي جنبه وخليه على شمالك وهتلف من تحت الكوبرى شمال وتمشي علطول متلفش وترجع
لما تدخل شمال تحت الكوبرى هتعدى سكة حديد وبعدين تمشي هتلاقى شارع جسر السويس تدخل يمين معل العربيات وتلف اول فتحة شمال وخد بالك الفتحة قريبة جدا وهتلاقيها برضه تحت نفس الكوبرى
بعد ماتلف هتاخد اول يمين فى يمين وتمشي الى آخر الشارع تدخل شمال وتمشي مع الطريق هتلاقى نفسك فى قلب الحرفيين يا ريت يكون الشرح سهل ده بالتفصيل ومعلش طولت عليك.