اشتغل فى شركة محاسبة ولا بلاش

**Ahmed_Rahem** · 19-12-2013 08:57 AM

3 سنين، لان قانون القيد قى سجل المحاسبين القانونيون يلزم فترة عمل في مكتب محاسبة - تحت التمرين - فترة 3 سنوات على الاقل. فعلشان تاخد رقم محاسب قانونى لازم تفضل شغال ومتأمن عليك في التامينات الاجتماعية - مراجع حسابات - لمدة 3 سنوات متصلة.
المبلغ قليل - بس المكاتب الصغيرة مش هتعرف اجيب اكتر. الخبرة هتمون كبيرة في الفترة دى لو انت هتكمل في مهنة المحاسبة والمراجعة والضرائب، لو دة مش مجالك فمتروحش، هتتعب نفسياً على الفاضى.
لو ليك اى سؤال او استفسار هساعدك على قد مقدر.
انا محاسب قانونى - حاليا جدول "ب" شركات مساهمة.
والسلام ختام

**Ahmed_Rahem** · 19-12-2013 01:31 PM

المشاركة الأصلية كتبت بواسطة matrix_it

تمام انا دلوقتي عايز ادخل مجال المحاسبة بس خايف بعد 3سنين اخد مرتب قليل
يعني 25 سنة وباخد مرتب 1000 او 1500 كدة مش هيبقا في اي انجاز في حياتي
انتوا شايفين ايه

المكاتب الصغير شغلها كلة كدة وفية الى مبيدفعش حاجة اصلاً في مقابل انة يسجلك في التامينات الاجتماعية وتاخد رقم (اهم حاجة) بس فرق الخبرة بيكون كبير بينك وبين اى واحد تانى شغال في شركة لنفس الفترة. الشغل كلة عند العملاء يعنى كل يوم في حتة شكل وممكن تروح عند اكتر من عميل في نفس اليوم (ايام الجرد مثلاً).
ومجال المراجعة بالذات اول فترة انت الى بتصرف على الشغل مش العكس. حط في اعتبارك لازم هتاخد شهادات مهنية (سواء الجمعية المصرية - ارخصهم - او شهادات اجنبية - انت ومقدرتك) فطبعا 400 جنية ولا يكفوا حتى تمن الكتب في مادة واحدة.
دة مش احباط بس دة واقع، والشغل في المراجعة بيسمع مادياً بعد 4-5 سنين على الاقل.

احنا داخلين على شهر يناير - موسم المراجعة - جرب فية لو الوضع عجبك كمل ودور على مكاتب اكبر - لو شغل المراجعة عجبك - او شركات تشتغل فيها كمحاسب.

والسلام ختام

**Ahmed_Rahem** · 19-12-2013 01:49 PM

المشاركة الأصلية كتبت بواسطة matrix_it

انا بشكر حضرتك جدا علي سرعة الرد ولكن عايز اخد راي حضرتك كأخ اكبر
لو حضرتك مكاني تختار ايه
تشتغل في مكتب محاسبة ولا تحاول تشتغل في شركات
مع العلم اني لسة مابنتش مستقبلي و عايز ابنيه ههههههههه

ردك في سؤالك،
"أشتغل" في مكتب ومحاسبة ولا "تحاول تشتغل" في شركة.

عصفور في اليد خير من عشرة على الشجرة، خد خبرة في موسم المراجعة الى جاى (اتفحت شغل، اسهر واتبهدل على الاخر لحد) وبعدين دور على شغل وهتشوف الفرق.
احنا مبنصدق نلاقى حد فاهم المدين من الدائن.

والسلام ختام

**matrix_it** · 19-12-2013 06:21 PM

تمام و بعد ال3 سنين ناوى اقدم فى الشركات !! مرتبى هيبقى فى حدود كام ؟ ينفع اشتغل حاجة تانيةمع مكتب المحاسبة
عشان مقباش عالة على اهلى ؟
و شكرا لحضرتك جدااا

**Ahmed_Rahem** · 20-12-2013 10:15 AM

المشاركة الأصلية كتبت بواسطة matrix_it

تمام و بعد ال3 سنين ناوى اقدم فى الشركات !! مرتبى هيبقى فى حدود كام ؟ ينفع اشتغل حاجة تانيةمع مكتب المحاسبة
عشان مقباش عالة على اهلى ؟
و شكرا لحضرتك جدااا

الفلوس مش كل الرزق - جزء منة فقط - وبالتالى المرتب ملوش مقياس.
لغة + كمبيوتر + معرفة بالمعايير و الضرائب هتشغلك في مكان كويس جداً بمرتب كبير .
انك تشتغل جنب مكتب المحاسبة، مستحيل لان ساعات الشغل في الموسم ممكن توصل 12 ساعة او اكتر. بس ممكن تشوف طلبة البكالريوس - الى بيعملوا دراسات جدوى - وتعملهالهم بفلوس. غير كدة معتقدش

**Ahmed_Rahem** · 20-12-2013 03:24 PM

المشاركة الأصلية كتبت بواسطة matrix_it

تمام انا عارف اني زهقت حضرتك بس من عشمي والله
المكتب لو هيبعتني مشاوير او بيشتغل في الضرايب بس ارفض ولا ادوس ??

اول سنة انت اساس شغلك مشاوير (شغل وشخصية - بس ابعد عن الشخصية بقدر الامكان) والضرائب اساسى طبعاً، اغلب المكاتب الالمتوسطة والصغيرة شغلها الضرائب فدة عادى

الموضوع: اشتغل فى شركة محاسبة ولا بلاش

LinkBack

أدوات الموضوع

عرض

-

-

-

-

-

المواضيع المتشابهه

ماجستير محاسبة

محتاج كورسات محاسبة

ابدأ محاسب في مكتب محاسبة ولا محاسب في شركة...اشيروا علي ايها الناس

مكان لكورس محاسبة

اشتغل فى شركة أدوية ازاى

الكلمات الدلالية لهذا الموضوع

المفضلات

المفضلات

ضوابط المشاركة